TIMOTIUS 2 1:15 - Alkitab Singog In Mongondow Masa In Tanaa

¹⁵ Bá kotaauanmu kon bayongan intau inta kon Asia Kecil ain nonaḷámai kon inakó. Umpaka ki Pigelus bo ki Hermogenes.

TIMOTIUS 2 1:15 ပူးပေါင်းရင်းမြစ်များ

OUMAN IN RASUL MITA 16:6

Ki Paulus bo ki Silas in diá inogoi in Roho i Allah mopoyaput in Habar Mopia kon propinsi Asia. Dá mosia in nopobayádon kon daerah in Prigia bo Galatia.

OUMAN IN RASUL MITA 19:10

Doyowa notaong tantú natua in inaidannea, sahingga in bayongan intau kon Asia, intau in Yahudi andeka intau in Yunani komintan nokodongog kon singog mita i Tuhan.

OUMAN IN RASUL MITA 19:27

Bahayanea kon tua in diádon mopia in tangoi in porusahaan naton tanaa. Deemanbí doman tongá tua, táe nodapotbi in baḷoi i Dewi Artemis diádon in mangaḻenea. Bokaka sia tua in Dewi Artemis inta umuran duíonmai in bayongan intau kon Asia bo bayongandon in intau kon dunia naa!”

OUMAN IN RASUL MITA 19:31

Natua doman in intau mita moḷoben kon Asia, inta yobayat mita i Paulus. Mosia in nongoyow kon intau sinbá ki Paulus in diá mayá in tampat pododondongan tatua, bo mokipogontong.

OUMAN IN RASUL MITA 2:9

Kita naakan, intaubí in Partia, Media, Elam; Mesopotamia, Yudea, Kapadokia; Pontus, Asia,

OUMAN IN RASUL MITA 20:16

Ki Paulus nogamádon kon kaputusan kon diádon mongandup kon Epesus, sinbá diá tongá moḷumbú kon wakutu. Sin sia in ḻimikat sinbá ḷagidon modapot in Yerusalem kon singgai moḷoben porayaan kon singgai Pentakosta.

KORINTUS 1 16:19

Jamaat mita kon Asia in nokidia in salam kon i monimu. Ná doman tua, ki Akwila bo ki Priskila takin jamaat mita inta noyosipun kon baḷoi monia, nokidia doman in salam inta totok in mopia saḷaku intau in Keresten.

PILIPI 2:21

Sin ibanea mako in tongábí morai kon kopontingan monia tontaní, deemanbí morai kon kopontingan i Kristus Yesus.

TIMOTIUS 2 4:16

Kon wakutu in sinidang dungkuḷ totok kon inakó, diá in tobatúmai intau naton in noyotakinku, komintandon nonaḷámai kon inakó. Táe poigumonku mako sinbá diá potaḷáan i Allah in mosia sin nogaid kon soaḷ natua!