TIMOTIUS 1 6:9 - Alkitab Singog In Mongondow Masa In Tanaa

⁹ Táe intau inta moibog mobaḻí mooyúon tombodokondon in ibognea inta diá in baragunanea bo inta mokogoguyaat kon inia. Ibog mita tatua in mokorimumud bo mokobodito kon inia.

TIMOTIUS 1 6:9 ပူးပေါင်းရင်းမြစ်များ

DATU MITA IMITÁNEA 21:6

Ki Ahab in notubag, “Diábí mosanang in ginaku kon i Nabot. Inigumku sinbá potaḷuineadon kon inakó in gobá in anggurnea, andeka toḻiuandon in gobá in anggur ibanea, aka tua in koibognea, táe doíbí in sia!”

MAZMUR 11:6

Intau moraat ihukum-Nea in bodito, takin tuḷú, balerang bo tompot inta mokopokak.

AMSAL 15:27

Ki ine in motayak kon kauntungan pongin mosindip, in morimumudbí kon motoḷuadínea tontaní. Ki ine in doí motarima kon doit pinosogó, mobiag mosanang.

AMSAL 20:21

Kapunyaan inta nouḻí nodaḻin-daḻí, kon imbuitnea noniata magí deemanbí barakat.

AMSAL 21:6

Kaoyúonan inta nouḻí pinongin diá motuḻid ḷagi mobuḻi bo modia kon intau mopobayá in poḷobongan.

AMSAL 22:16

Ki ine in moibog mooyúon pongin mondorot kon intau bogá bo mobogoi in tombuinag kon intau nooyúon kon imbuitnea in momalaratbí.

AMSAL 23:4

Dika rumoriga totok sinbá mobaḻí mooyúon. Taḷaaidon in niatmu tatua.

YESAYA 5:8

Moboditodon in moiko inta motaḷui kon baḷoi mita bo kinotuo-tuotnea kon gobá mita sin podugang kon kapunyaanmu! Diádon moonggot modaitdon in tampat kon intau ibanea bo tongádon moiko in mogutun kon butá tatua.

ZAKHARIA 11:5

Mototaḷuinea mita noḻimod kon domba mita tatua táe diábí ihukum. Mosia inta nopotaḷui in tapú in domba mita tatua in noguman, ‘Dinayo-dayowdon in ki Tuhan! Tanaa in nodugangdon nooyúon in kita!’ Gombala mita tatua in diábí in tabi kon domba mita inta biniag monia.

PINOGIAPAN 31:8

noitakin domandon in datu in Midian taya ḻima, inta ki Ewi, ki Rekem, ki Zur, ki Hur bo ki Reba. Ki Bileam, adí i Beor, iḻimod doman.

MATIUS 13:22

Bibit inta noḷabú kon yua-yuak in díat, tua in mangaḻenea, intau inta nokodongog kon Pirman tatua tongá mohawatir kon kapunyaan kon dunia naa bo moibog mobiag mooyúon. Ibog monia kon in dunia tua in monisí kon Pirman tatua, dá diá momungai.

MATIUS 19:22

Naonda in tayowmobiag tatua nokodongog kon singog i Yesus tatua, minayá in sia takin ajar in ginanea, sin totok mobarong in kapunyaannea.

MATIUS 26:15

Bo noḻibó, “Onu in ogoi monimu kon i nakó, aka Sia posarakanku kon i monimu?” Dá inogoian monia in doit saḷaka toḷu nopuḷú in sia.

MATIUS 6:19

“Donaaidon moiko mosipun kon kapunyaan kon dunia, sin poguyaaton in sisik bo kaḻiotá, ná doman tua, mononakow mamangoi momulingkar bo monakow.

MARKUS 4:19

táe mohawatir kon soaḷ kobobiag monia bo moibog mooyúon totok. Ibog monia kon bayongan yagi-yagi in tumuot doman kon gina monia. Tuamai in habar nongkon i Allah inta kon bonu in gina monia sisionnea sahingga diá momungai.

LUKAS 12:21

Natua in mobaḻí kon intau inta moibog mooyúon bo rinut. Mosia in diábí moramuji bá mooyúon kon tayowon i Allah.”

LUKAS 21:35

Sin singgai tatua in moiangoi naonda bo poyogaḷap kon bayongan in intau kon dunia naa.

OUMAN IN RASUL MITA 8:20

Táe ki Petrus in notubag, “Koboditodon iko bo doitmu tanion! Kainimu kamai totabi Allah in motaaubí taḷuionmu?

EPESUS 4:22

Manangka intua taḷaaidon in aid monimu koḻipod inta dinumudui kon kobobiag koyongan inta ain pinoguyaat in bayongan ibog mokobaradosa.

ULANGAN 7:25

Tubádon in patong mita berhala inta sinumba monia. Dika mongibog kon saḷaka ande buḷawan inta kopake-paké monia bo dika mogamá sin pakéonmu tontaní. Aka moiko ḻimimpat kon parenta tatua matoi in moiko, sin ki Tuhan Allahmu in doíbí in mokoontong kon posumbaan kon patong berhala.

TIMOTIUS 1 1:9

Tantú mustibí kotaauan naton kon hukum i Musa in pinomia deemanbí pinopomakusud kon intau mita inta mopia, táe kon i moniabí inta moibog momaḷawang kon hukum, kon i monia inta moraat, kon i monia inta diá mopirisaya kon i Tuhan, kon i monia inta umuran mogaid kon inta noitaḷá, kon i monia inta tongá umuran morai kon in dunia naa, kon i monia inta diá nonotaau in agama, kon i monia inta moḷoḻimod kon guyanga ḷoḷaki bo bobay, bo inta kino ḻimo-ḻimodnea kon intau,

TIMOTIUS 1 3:7

Musti mopia in tangoinea kon tayowon in intau mobayong sin aka diá mopia yo singkuḻeonbí in bayongan intau sahingga in kokawasaandon in Ibilis in sia.

TIMOTIUS 1 6:10

Sin pomangkoian in bayongan inta moraat naa in ibogbí kon doit. Aindon tongonumai degá in intau inta umuran moramuji motayak kon doit, sahingga in diádon dinumudui kon totundú in agama Keresten, dá tongádon roriga in moiantug kon i monia bo inta mokoajar doman kon gina in kodungkuḷan monia tua.

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.

TIMOTIUS 2 2:26

Sahingga in mosadardon in mosia bui, bo moipilatdon nongkon poyogaḷap in Ibilis inta ain notogot kon inia tua bo nomakisa sinbá umuran dumudui kon koibognea.

TITUS 2:12

Totabi i Allah tatua in motundú kon i naton bá diádon tongá umuran dumudui kon ibog in dunia naa, táe tantúdon dumudui kon ibog i Allah. Kita in pinoangoi in dunia naa, dinidikbí sinbá motaau monahang kon ibog in awak, umuran motuḻid in gina bo umuran doman dumudui kon inta pinarenta i Allah.

YOSUA 7:11

Intau in Israel nogaidon kon dosa. Akuoi ain nomarenta sinbá mosia mokopotoindudui kon dodandian-Ku takin i monia, táe iḻimpatan monia intua! Barang mita inta musti payongon aindon ginamá monia. Mosia nonakow bo binuni monia kon sigad in pakakat mita monia sinbá diá kotaauan.

PETRUS 2 2:3

Popisí in mosia motamaa, dá intau mita inta deeman totuu guru tua in mongonguman kon inimu in ouman mita inta tongá ai-aidan monia tontaní sinbá kouḻían monia kon kauntungan in moiko. Táe bá kotaauan monimu, pongadilan inta mopoḷabú in hukuman kon i monia tua in noonggot bidon in sinadia, bo koyoyangan inta ain sinantú kon i monia in mogoḷat bidon mako.

YUDAS 1:11

Mobodito in mosia! Mosia in dinumuduidon kon onu inta inaidan i Kain. Inta tongá popisí in bá mokouḻí kon doit, dá nogaidon kon onu inta diá kinoibog i Allah, ná doman ki Bileam. Bo mosia tua in irimumud doman popisí in nomarontak ná ki Korah.