TIMOTIUS 1 6:17 - Alkitab Singog In Mongondow Masa In Tanaa

¹⁷ Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.

TIMOTIUS 1 6:17 ပူးပေါင်းရင်းမြစ်များ

KINOBAḺIAN 13:2

Ki Abram in nobiag nooyúon totok; kon inia noantó in domba, bembé, sapi, saḷaka bo buḷawan.

TAWARIKH 2 26:16

Naonda in ki Datu Uzia noropot, nobaḻídon in sia mododia, bo tua in nokopopisí kon kinorimumudannea. Iḻimimpat in sia kon parenta i Tuhan Allahnea sin sinumuot kon Baḷoi Tuhan sin motubá kon dupa kon tudu in mezbah in dupa.

MAZMUR 104:28

Iko in nobogoi, bo mosia in nosipun kon tua, Iko in noposadia kon tua, bo mosia in nongaan nodapot in noorop.

MAZMUR 52:7

Táe iko in yompatonbí i Allah modapot in mononoi; iko in dinomok bo pogarab nongkon baḷoimu, bo inggamáandon nongkon dunia in intau nobiag.

MAZMUR 62:10

Intau in tongábí gabut in poginaan, moḷoben mointok tumpaḷa diá koboḻi. Aka simbangon, noniata magí nogaanbí in mosia, mogaa-gaanbí kon tompot poginaan.

MAZMUR 62:8

Siabí in ki Allah inta nobogoi kon inakó in kasaḷamatan bo kahoromatan, Sia tua in mogogoḻiungku bo mododuḷuku inta moropot.

AMSAL 11:28

Ki ine in mopongata in kaoyúonan in mototakbí naonda bo dáun noingkag; intau inta mobanar in modugangbí mobayong naonda bo tokat moguod

AMSAL 23:5

Sin, tongábí tokokiap monag in kapunyaanmu bo modait, naonda bo oyúon in koḻikipnea bo ḷumayug kon toḷungayá naonda bo ḷagapan boniá.

AMSAL 27:24

sin kaoyúonan in diábí mononoi, nodapot in kawasa momarenta in diábí doman mononoi.

AMSAL 30:9

Sin, aka akuoi in mooyúon, yo dika-dika bo akuoi in moguman kon akuoi in diábí moparaḷu kon ini-Mu. Bo aka akuoi mobiag bogá, yo dika-dika bo monakow in akuoi dá mokopooyámai kon tangoi-Mu.”

MOHOHUTUBA 2:24

Diábí in mopia-pia in kon intau koḻikudbí in mongaan, monginum bo mokaan kon onu in siniḷopíannea. Kinotaauanku doman kon tua in ki Allahbí in nobogoi.

YEREMIA 2:31

Ei umat Israel, indongogai in singog-Ku mita tanaa. Nokoimontandon degá in Akuoi naonda bo padang gurun kon i monimu andeka naonda bo butá inta sinimindip? Táe nongonu sin moiko in mogumanbí kon moiko in moibog moiḷuat bo doídon mobui mangoi kon i-Nakó?

YEREMIA 49:4

Ei moiko inta diá motoḷutui! Nongonu sin moiko in mopoyunggagabí in ḷopámu mita inta moḷumbá? Nongonu sin moiko in mopongatabí in kaoyúonanmu? Naondabí sin moiko in mosingogbí kon diábí in tobatúmai in intau in mokobaḻí monubu kon inimu?

YEHEZKIEL 16:56

Nokoimontandon kinosinganmu in Sodom kon tungkuḷ in moḷoḷatúpa in iko

DANIEL 4:30

akuoi in noguman, “Indoiai, totuu motoyang in kotá in Babel! Akuoibí in noposindog kon tua nobaḻí ki iná in negara sin moponiata kon kawasa bo ropotku, koḷoḷantud bo koḷoḷobenku!”

HOSEA 13:6

Táe naonda in moiko kon bonudon in butá mopia, poḷat nobotug nodapotdon in moiko noorop, nobaḻídon in moiko moḷoḷatú bo iḻiongdon monimu in Akuoi.

MATIUS 12:32

Bo aka intau mosingog kon pomaḷawang kon Adí Intau, sia in ampunganpabí, táe aka sia bo momaḷawang kon Roho i Allah, yo sia in diábí motaau ampungan in tanaa mako andeka kon aherat!”

MATIUS 19:23

Ki Yesus in noguman kon murí-Nea mita, “Poguman-Ku kon i monimu, mororiga totok in intau nooyúon tumuot mobaḻí umat i Allah.

MATIUS 25:16

Simpaḷ inta notarima kon ḻima noribu tua minayá, bo nopobaraguna in doit inta inogoi tatua dá nokouḻí in sia kon ḻima doman noribu bui.

MATIUS 27:57

Naonda in noungkoḷomdon, oyúon in intau inta nooyúon nongkon Arimatea, tangoinea in ki Yusup, sia in nobaḻídon murí i Yesus.

MATIUS 6:32

Tua komintan tayakon doman in intau mita inta diá mopirisaya kon i Allah. Bo kinotaauanbí doman i Allah kon paraḷuonbí doman monimu intua komintan.

MARKUS 10:24

Noherang totok in murí-Nea mita in nokodongog kon singog i Yesus tatua. Táe ki Yesus noguman doman kon i monia, “Adí-Ku mita, totuubí kon moyoyigabí in mobaḻí anggota umat i Allah!

LUKAS 19:2

Kon tua oyúon in intau tangoinea in ki Zakheus. Sia naa, itoi in mononagi kon pajak.

LUKAS 3:11

Ki Yohanes in notubag, “Aka ki ine in koḷambung doyowa, yo musti in sia mobogoi in ḷambung tobatú kon intau inta diá koḷambung; ná doman tua, aka ki ine in oyúon in kaanon, yo ogoiaibí in intau inta diá kokaanon.”

OUMAN IN RASUL MITA 14:17

Táe umuran-Neabí poniata in totabi-Nea bo mobogoi kon onu inta mopia. Ogoian-Nea in uyan nongkon ḷangit bo hasil in butá kon musimnea. Umuran-Nea inogoian in kaanon in moiko bo pinosanang in gina monimu.”

OUMAN IN RASUL MITA 14:27

Naonda in noiyaputdon kon Antiokhia, nodait monia sinipun in bayongan jamaat, bo pinongongumanan kon onu inta aindon inaidan i Allah kon i monia. Bo inouman doman monia in totuḷung i Allah nobuká kon daḷan nodapot in intau mita inta deeman Yahudi nopirisaya kon i Yesus.

OUMAN IN RASUL MITA 17:25

Sia tua in diábí moparaḷu kon totuḷung in intau, sin Sia tua inta mobogoi in kobiagan, tompot bo bayongan yagi-yagi kon intau.

SURAT I PAULUS KON JAMAAT RUM 11:20

Totuubí intua. Táe mosia in iḷumbú sin diá mopirisaya, bo Moiko in sinarima sin mopirisaya. Dá tuamai in dikabí dumodia in Moiko sin sinarimadon; Moiko in mustibí motoguondok.

EPESUS 5:5

Torop in singogku tanaa: intau inta mokotor in oaidnea, andeka inta mogaid kon inta diá patus aidan, andeka ibog inta moiḻiu (aid natua notongkaibí in aid mosumba kon berhala ibanea), dá intau mita natua in diábí baḻíon umat inta pinarentaan i Kristus bo i Allah.

ULANGAN 33:15

Poigumon mako in buḷudnea mita inta nongkon tungkuḷ intua mopuḻing bungai in boyó inta totok in mopia.

ULANGAN 8:17

Dá, dika mokoimontanmai in morai kon moikobí in noramuji takin ropotmu tontaní nodapot in moiko nobaḻí nobiag nooyúon.

KOLOSE 3:16

Umuran kon gina-gina mako in totundú mita i Kristus inta mobarakat tua, sahingga moiko in mobijaksana bo mopandoi in motundú bo mononggina kon utat mita. Dika mokoḻiong in mopodondong in Mazmur bo dondong mita rohani; podondongdon kon i Allah takin porasaan mosukur kon bonu in ginamu.

TESALONIKA 1 1:9

Bayongan intau in mongonguman kon naonda pinototomu monimu kon inami wakutu in namangoi kon i monimu. Inouman doman monia kon moiko in nonaḷámaidon kon onu inta pinomia monimu berhala inta sumbáan domanmai. Moiko nopirisayadon kon i Allah inta mobanar bo tongádon Sia in sinumba monimu.

TIMOTIUS 1 1:3

Wakutu in akúon mayádon in Makedonia, pinakisakudon in iko sinbá umuranpa mogutun kon Epesus. Kon tua iko in mayá mononggina kon intau mita inta motundúmai kon soaḷ mita inta nongoitaḷá, sinbá gogaiandon monia in aid mita ná tatua.

TIMOTIUS 1 3:15

sinbá aka akuoi diápa ḷagi moiangoi, yo kotaauanmudon naonda in kobobiag naton saḷaku ki adí mita i Allah, mangaḻenea kon naa jamaat i Allah inta nobiag. Jamaat tanaa inta nobaḻí oigi pinonuḻid bo dumodudui kon totundú inta totuu nongkon i Allah.

TIMOTIUS 1 4:10

Manangka intua kita in musti moramuji mogaid, sin kita in tongábí moharap mako kon i Allah inta nobiag; Sia tuata inta mopoposaḷamat kon bayongan in intau, muna-munamai mosia inta mopirisaya.

TIMOTIUS 1 5:21

Kon tayowon i Allah, bo i Yesus Kristus bo in malaekat mita inta piniḻí-Nea, pogumankudon kon inimu sinbá dumuduidon in iko totu-totuu kon onu inta sinundúku mita tanaa, ḷumbúbí in raianmu inta diá mopia kon i inekabí bo aidaidon in naa komintan bo dikabí mopoyoposi kon intau.

TIMOTIUS 1 6:13

Bo tanaa mako, kon tayowon i Allah inta ain nobogoi in kobiagan kon bayongan in yagi-yagi, bo kon tayowon i Kristus Yesus inta ain noguman kon onu in totuu kon i Pontius Pilatus. Poigumonku in naa kon inimu:

TIMOTIUS 1 6:9

Táe intau inta moibog mobaḻí mooyúon tombodokondon in ibognea inta diá in baragunanea bo inta mokogoguyaat kon inia. Ibog mita tatua in mokorimumud bo mokobodito kon inia.

TIMOTIUS 2 4:10

sin ki Demas ain nonaḷámai kon inakó sin moḷobe-ḷobenbí in tabinea kon in dunia. Sia ain minayá in Tesalonika, ki Krekes minayá in Galatia, yo ki Titus in minayádon in Dalmatia.

TITUS 2:12

Totabi i Allah tatua in motundú kon i naton bá diádon tongá umuran dumudui kon ibog in dunia naa, táe tantúdon dumudui kon ibog i Allah. Kita in pinoangoi in dunia naa, dinidikbí sinbá motaau monahang kon ibog in awak, umuran motuḻid in gina bo umuran doman dumudui kon inta pinarenta i Allah.

TITUS 3:6

Ki Allah ain nobogoi in Roho-Nea kon i naton inta pinongin i Yesus Kristus Mopoposaḷamat naton,

PETRUS 2 1:11

Aka natua, dá moiko in motaaudon totok tumuot kon dodatuan inta mononoi nongkon i Tuhan bo Datu Mopoposaḷamat naton ki Yesus Kristus.