TIMOTIUS 1 6:11 - Alkitab Singog In Mongondow Masa In Tanaa

¹¹ Táe iko inta ain piniḻí i Allah, mokopoyayúdon kon tua komintan. Tayakdon in onu inta mopia kon tayowon i Tuhan, aidai in onu inta moitutui, posambayang bo mokopotantú kon pirisaya kon i Kristus, kotabibí in tumpaḷa intau, mobalajar mosabar bo aidai in onu inta mokosanang kon gina in intau.

TIMOTIUS 1 6:11 ပူးပေါင်းရင်းမြစ်များ

DATU MITA IMITÁNEA 13:1

Kon dodai intua oyúon in nabi tobatú kon Yohuda. Sia in pinotabá i Tuhan mayá in Betel. Nabi tatua noiyaput intua kon tungkuḷ in ki Yerobeam simindog mako kon tayowon in mezbah sin moposumba in kuruban.

DATU MITA IMITÁNEA 13:26

Naonda in dinongog in nabi nogoguyang tatua intua, noguman in sia, “Notantúbí kon siadon tua in nabi inta diá motoindudui kon parenta i Tuhan! Tuamai in ki Tuhan nopoangoi in singa tatua sin modomok bo moḻimod kon inia ná inta pinoguman i Tuhan muna.”

DATU MITA IMITÁNEA 17:18

Bo boba-bobay tatua in noguman kon i Elia, “Mogogundoi i Allah, nongonu popoaidbí i Amá in tanaa kon inakó? Degá namangoi in ki Amá sinbá kotoropan i Allah in dosaku, noiyaput in matoi in ki adíku?”

DATU MITA IMITÁNEA 17:24

Boba-bobay tatua in notubag, “Tanaa in kinotaauankudon kon ki Amá in mogogundoibí i Allah bo tosingogon i Amá in totuubí nongkon i Tuhan!”

DATU MITA IMITÁNEA 20:28

Bo namangoidon in nabi tobatú kon i Datu Ahab bo noguman, “Naa in pinoguman i Tuhan: ‘Popisí in intau mita in Siria tatua norai kon Akuoi in tongábí nongawasa kon buḷud bo diábí in kon ḷopá, dá popountung-Kubí in moiko nongkon tontara monia inta diádon poḻiuan in kobayongnea tua. Iko bo rayatmu in monotaaubí kon Akuoibí in ki Tuhan.’ ”

DATU MITA 2 1:13

Komintanpa doman in ki datu in nopotabá kon porwira tobatú takin intaunea ḻima nopuḷú. Porwira tatua in notakod kon buḷud bo naonda in yaputnea kon i Elia sinumungkud in sia bo noguman, “Ampungaidon in kami, uḻe bobantung i Allah! Kotabipa in akuoi bo intauku mita tanaa. Dikabí ḻimodon in kami!

DATU MITA 2 1:9

Bo pinotabáneadon in porwira tobatú takin ḻima nopuḷú in intaunea sin mayá modomok kon i Elia. Porwira tatua in minayá bo nokotambak kon i Elia ḻimitú mako kon buḷud tobatú. “Ei, mogogundoi i Allah,” guman in porwira tatua, “pinoki siḻigan i datu in iko!”

DATU MITA 2 23:17

Dá noḻibó in sia, “Poḷoḷobongan i ine in naa?” Intau mita in Betel in notubag, “Tua in poḷoḷobongan in nabi tobatú i Tuhan inta nokoimontandon namangoi in naa nongkon Yohuda, bo nonoḻindap kon onu mita inta bagu pinomia i Tuang kon mezbah tanaa.”

DATU MITA 2 5:20

ki Gehazi bobantung i Elisa, in norai, “Nongonu sin pinomayábí mako in sia in minayá takin diá noguboḻi? Sabanarnea in mustibí in ki tuangku motarima kon onu in ogoi in intau in Siria tatua! Podoyon kon i Tuhan inta nobiag, mustibí batukonku in sia bo moigum kon onu inta oyúon kon inia!”

TAWARIKH 1 23:14

Adí mita ḷoḷaki i Musa mogogundoi i Allah tua in pinonuot kon suku i Lewi.)

TAWARIKH 2 8:14

Podudui kon atorang mita i Daud ki amánea, ki Salomo in nonantú kon oaidan pomuḷoi in singgai in imang mita bo intau mita in Lewi inta musti mopodondong in dondong dodayow kon i Tuhan bo mobantung kon imang mita mopobayá in upacara mita ibada. Bo moḷoḷukad mita doman in Baḷoi Tuhan in sinilainea kinolompok sin moḷukad kon batúan in bonawang, pinodudui in topotundú i Daud mogogundoi i Allah.

NEHEMIA 12:24

Kon bonu in tongganut i Hasabya, i Serebya, i Yesua, i Binui bo ki Kadmiel, intau mita in Lewi sinilai kon bonu in paanan mita. Pomuḷoi mako doyowa nopaanan in modayow kon i Tuhan bo mopoyaput in sukur kon i-Nia mositubagan, podudui in atorang i Datu Daud, mogogundoi i Allah tua.

NEHEMIA 12:36

Kon tuminea dumuduianmai in agat mita nongkon inanakannea, ki Semaya, ki Azareel, ki Milalai, ki Gilalai, ki Maai, ki Netaneel, ki Yohuda bo ki Hanani. Mosia komintan in nodia kon pakakat mita in musik notongkai ná inta pinogogitog i Datu Daud, mogogundoi i Allah tua. Ki Imang Ezra inta nonotaau totok in Hukum i Allah tua, in minayá kon muna in pipidan tatua.

MAZMUR 34:14

Dika mosingog kon inta mongoraat, bo dika moibog kon tompobaḻik.

MAZMUR 38:20

Intau mita inta nosaturu kon inakó in nobayong bo moropot, mosia in doí kon kobobiagku.

AMSAL 15:9

Ki Tuhan in doíbí kon kobobiag in intau moraat, táe Sia in motabibí kon intau inta moḷongasi mogaid kon onu inta kinoibog-Nea.

YESAYA 51:1

Ki Tuhan in noguman: “Indongogaidon in Akuoi, ei moiko inta moibog posaḷamaton bo angoi kon i-Nakó mopoigum in totuḷung. Toropdon in buḷud batu nongkon onda in moiko noikurig, bo pongongaḻian kon batu nongkon onda in moiko in kinaḻi.

YEREMIA 35:4

Akuoi in nodia kon i monia kon Baḷoi Tuhan kon bonu in yuang in murí mita i Nabi Hanan ki adí i Yigdalya. Yuang tatua kon ḻimonik in yuang i Imang Maaseya ki adí i Salum, kon diug in yuang in pojabat mita ibanea. Ki Maaseya in pogawai moḷantud inta moindoi kon ngara mita kon Baḷoi Tuhan.

SURAT I PAULUS KON JAMAAT RUM 14:19

Tuamai koḻigai bá tayakon naton onu inta mokopoangoi kon dodamean bo mosibiagan.

KORINTUS 1 10:14

Tuamai uḻe utatku mita inta kinotabiku, poyayú in gina monimu inta umuran moibog mosumba kon berhala.

KORINTUS 1 14:1

Poigumonku mako moiko in umuran motabi kon intau ibanea bo tantú doman moramuji sinbá motarima kon totabi mita inta ogoi in Roho i Allah, muna-munamai in totabi mopotaau in tomayá mita i Allah kon intau.

KORINTUS 1 6:18

Manangka intua poyayúdon oaid mita inta diá mopia. Sin bayongan in oaid diá mopia inta inaidan intau tatua in komintanbí nobaḻí kon ḷuai in awak intau. Táe intau inta umuran mogaid kon inta diá mopia kon intau ibanea, tua in ná bí doman onda bo nopoaid in diá mopia kon awaknea tontaní.

ULANGAN 16:20

Moiko in mustibí umuran mokopoadil, sinbá umuran motaau mogutun bo mobiag motompia kon butá inta inogoi i Tuhan Allahmu kon inimu.

ULANGAN 33:1

Kon dodai in diápa minatoi, ki Musa, totabá i Allah, nomarakat kon bangusa Israel pinongin tosingogon mita tanaa:

TIMOTIUS 1 1:14

Bo moḷobenbí totok in totabi i Tuhan naton kon i nakó. Inogoian-Nea in akuoi in pirisaya moḷoben bo tabi kon tumpaḷa intau inta ain notobatú i Kristus Yesus.

TIMOTIUS 1 4:12

Mokopoingat sinbá diá in tobatúmai intau in mopandang enteng kon inimu popisí in iko noguodpa. Táe poramujidon sinbá iko in umuran mobaḻí contoh bo doduduianmai kon soaḷ inta mopia i intau mita inta mopirisaya, pinangkoi kon pososingog, oaid bo kon soaḷ kototabimu kon tumpaḷa intau bo kopopirisayamu kon i Kristus Yesus takin kobobiagmu inta motompia.

TIMOTIUS 1 5:10

bo kinotaauan doman in intau kon umuranbí in sia nogaid kon inta mopia, ná umpamanea, ain nonompia kon i adínea mita, motabi kon tumpaḷa intau, moibog mobogoi in kaanon kon intau mita mopirisaya. Moibog doman motuḷung kon intau mita inta nobiag nobogá, pokoknea mosia in totu-totuudon nogaid kon onu inta mopia.

TIMOTIUS 1 6:20

Uḻe Timotius, adíku, onu inta pinoki aidku bo inta pinogumanku kon inimu, yo ḷukadai totok intua kopira! Donaai tongá mongonguman kon soaḷ inta diá in mangaḻenea bo inta moraat, dika tongá mobobayowan kon soaḷ mita inta sinangoian “Pongotahuan”.

TIMOTIUS 2 2:21

Intau inta monaḷámaidon kon bayongan inta moraat kon inia, yo sia tua in pakéon pogaid kon oaidan inta mopia totok. Dongkadon ki tuangnea in ki togi kon inia bo mobaraguna domandon in sia kon i tuangnea. Sia in sinadiadon sin pakéon kon bayongan oaidan inta mopia.

TIMOTIUS 2 2:22

Tuamai in dika ná ibogpa in tayowmobiag mita, inta moibo-ibog in diá mopia, táe poramuji mobiag podudui kon inta kinoibog i Allah. Mokopotoindudui kon onu in sinundú i Tuhan, bo motabi kon tumpaḷa intau bo gina in umuran mosanang. Kobiagbí natua takin mosia inta umuran mokuani mokituḷung kon i Tuhan takin gina motuḻid.

TIMOTIUS 2 3:10

Iko aindon dinumudui kon onu inta sinundúku, kon onu inta ain pinomiaku, bo kon tujuan kinobiaganku. Bo ain inontongmu tontaní naonda in kopopirisayaku kon i Yesus Kristus bo tabiku kon tumpaḷa intau. Kinotaauanmu bidon in kososabarku bo kototahang in ginaku.

TIMOTIUS 2 3:17

Takin Buk Motusi tatua bayongan intau inta nogaid kon oaidan i Allah in sinompobaḷunan in totabi kon i monia modapot in mosompurna sinbá motaaudon mogaid kon bayongan inta mopia.

IBRANI 12:14

Poramuji umuran mobiag motompia takin bayongan intau. Poramuji doman mobiag mokudus takin i Tuhan. Sin diábí in tobatúmai intau mokoontong kon i Tuhan aka diá mobiag natua.

PETRUS 1 3:11

Sia musti mokopoyayú kon inta moraat bo mogaid kon inta mopia; sia in musti totu-totuu moramuji sinbá mokouḻí kon dodamean.

SAMUEL 1 2:27

Kon singgai tobatú namangoidon in nabi tobatú kon i Eli bo nopotaau in koyow nongkon i Tuhan kon inia, kai-Nia, “Kon tungkuḷ in mogoguyangmu ki Harun bo motoḷuadínea nobaḻí ata i datu in Mesir, nokipogontongdon in Akuoi kon i Harun.

SAMUEL 1 9:6

Bobantung tatua notubag, “Oḷatpa muna! Kon kotá tanaa oyúon in mogogundoi i Allah. Totok in sia ihoromat in intau sin onu in singogonnea in totu-totuubí kon mobaḻí. Igai in kita mayá kon inia, dika-dika bo motaaubí ḻibóon kon inia mongo kon onda in keledai mita tatua.”