TIMOTIUS 1 5:6 - Alkitab Singog In Mongondow Masa In Tanaa

⁶ Táe aka tobatú boba-bobay inta totokpa in moibog in kasanangan in dunia naa yo mosia tua in sabanarnea minatoi bidon, umpaka awak monia tua in nobiagpa.

TIMOTIUS 1 5:6 ပူးပေါင်းရင်းမြစ်များ

KINOBAḺIAN 2:17

koḻikudbí in bungai pangkoi in kayu inta mobogoi in pongotahuan soaḷ inta mopia bo inta moraat. Bungainea diábí motaaumu kaanon; aka iko mokaan yo nopastibí kon matoi iko kon singgai doman tuata.”

AMSAL 29:21

Bobantung inta umuran sinauan nongkon noguodpamai, imbuitnea in mobaḻídon pamandot.

YESAYA 22:13

Táe noyoḻiudon kon tua, moiko in nobarasanang bo norame. Moiko in noratá kon sapi bo domba, nokaan kon ponoyá bo nonginum kon tubig in anggur sindaḷan nomaḷú, “Koḻigai in kita mongaan bo monginum, sin ikoḷom matoi in kita!”

YESAYA 47:1

Ki Tuhan in noguman, “Ei, Babel, poponagdon nongkon pomomarentaanmu, bo ḻitúdon kon tudu in ḷobud. Iko in diá bidon mosoing bo mopia ná dungkuḷmai.

YEREMIA 6:2

Kotá in Sion mogaga totok, táe ki Tuhan in morimumud kon inia;

OMBAḶ 4:5

Mosia inta nobiasa nokaan kon kaanon inta mopia, bo nobiag kon bonu in kaoyúonan, tanaa in kumuádon in motayak kon kaanon kon yoyatan, bo minatoi in gogoy kon daḷan mita.

MATIUS 8:22

Táe ki Yesus in notubag: “Duduidon kon i-Nakó, bo pomayádon mako intau minatoi moḷobong kon intau minatoi monia.”

LUKAS 12:19

Onda intua pogumanku kon awakku tontaní; Nomujur totok in iko! Bayongan inta mopira komintan oyúon kon inimu bo kon taongannea intua mita diápabí modai-dait. Tuamai in pogogaidon in tanaa! Pongaan bo ponginumdon pakédon in kobiaganmu nion!’

LUKAS 15:13

Tongonumaidon nosinggai noiduduimai nongkon tua, adí muit tatua nopotaḷui in bayongan silainea bodongka minayá in kotá inta moyayú. Kon tua sia in nopomaké in doitnea tatua inimibo-ibogbí.

LUKAS 15:24

Sin ki adíku inta ain minatoi, tanaa mako in nobiagdon bui.’ Bo nomangkoidon in mosia norame.

LUKAS 15:32

Tanaa in kita in patusbí mosanang in gina bo morame moyotakin, sin ki ai-aimu uḻe inta ain minatoi in nobiagdon bui. Ki ai-aimu inta nobuḻi in nouḻídon bui.’ ”

LUKAS 16:19

“Oyúon intau nooyúon inta umuran mogiḷambung in ḷambung inta totok in momahaḷ, bo pomuḷoi in singgai sia in umuran mokaan kon kaanon inta mongopia.

LUKAS 7:25

Moiko mayá mongonu? Moindoi degá kon intau inta nogiḷambung mogaga? Intau inta nogiḷambung mogaga bo inta nobiag nooyúon tampatnea in tuabí kon komaḻig!

EPESUS 2:1

Tungkuḷ intua, secara rohani moiko in minatoidon, sin binaradosadon bo doí dinumudui kon parenta mita i Allah.

EPESUS 2:5

sahingga in kon wakutu in rohani naton minatoipa, sin popisí in kita diá dinumudui kon ibog i Allah, biniag-Neadon bui in kita noyotakin i Kristus. Tuamai in tongábí lantaran kinopopia in gina i Allah, dá pinosaḷamat-Nea in moiko.

EPESUS 5:14

Tuamai singog in nanaa, “Pobangondon, moiko inta nosiug, bo pobangondon nongkon sigad in intau minatoi! Dá sambayanganbí i Kristus in moiko.”

ULANGAN 28:54

Modapot in intau moḷoben inta totok in motuḻid in ginanea moinggamá in ropot in ginanea kon bonu in pongopungan tatua, dá sia mokaandon kon i adínea mita tontaní sin diádon in kaanon ibanea. Diádon topiḻikmai in ogoinea kon i utatnea ande kon i buḷoinea inta kinotabinea ande adínea mita inta nobiagpa.

ULANGAN 28:56

Modapot in bobay moḷoben inta totok in motuḻid in ginanea bo totok in nobiag nooyúon nodapot in diá dodai onda minaya-mayá in sioḷ, momia doman ná tatua. Kon dodai in musung mongopung kon kotá, bobay tatua kodaitan in ropot in ginanea popisí in gogoyon, dá sia in umado-adopdon bo mokaan kon i adínea inta bagu pinononggadí takin induanea. Diábí topiḻikmai in ogoinea kon i buḷoinea inta kinotabinea ande kon i adínea mita.

KOLOSE 2:13

Koḻipod, moiko ain minatoi secara rohani popisí in moiko binaradosa, bo popisí in moiko diá sinunat inta inaidan in intau. Táe tanaa ki Allah ain nomiag kon i monimu noyotakin i Kristus. Ki Allah ain nongampung kon bayongan dosa naton,

TIMOTIUS 2 3:6

Oyúon in kon sigad monia tua in sinumuotdon kon baḷo-baḷoiannea bo modondouḷug kon bobay mita inta diádon kodaya bo inta nobayongdon totok in taḷá monia sin tongádon umuran dumudui kon ibog in awak.

YAKOBUS 5:5

Moiko ain nobiag nooyúon totok bo kinorasaandon monimu in kasanangan dunia naa. Moiko in naondadon bo koyogot in mopoḷongó in awak sin ratáan kon singgai porataan.

WAHYU 18:7

Ogoidon kon inia in roriga bo inta mokoajar kon gina inta motongkai in kobayong in kamuliaan bo kaoyúonan inta ain kinorasaannea tontaní. Sin sia in umuran moguman kon bonu in ginanea tontaní, ‘Akuoi naa in bokí inta momarenta! Akuoi naa in deemanbí mobobaḷu; akuoi in diábí mokorasa kon ajar in gina!’

WAHYU 3:1

“Paisdon kon malaekat in jamaat Sardis, nanaa: Nanaa in koyow nongkon i-Nia inta kitogi roho pitu nongkon i Allah bo inta kitogi tundi pitu tua. Kinotaauan-Kubí onu in pinomia monimu: Moiko nion sinangoian nobiag, táe sabanarnea in minatoi bidon!

SAMUEL 1 15:32

Onda intua ki Samuel nomarenta, “Diadon mangoi in ki Datu Agag kon naa,” Ki Agag namangoi kon inia takin pia in ginanea sin iraineamai, “Bodito in popatoi noitaḻibdon.”

SAMUEL 1 25:6

mokipodungkuḷ kon in Nabal sin mopoyaput in horomat i Daud kon inia. Ki Daud in nopotabá kon i monia moguman nanaa kon i Nabal, “Salam kobobiag motompia kon inimu bo kon tombonu in baḷoimu bo kon bayongan in kapunyaanmu.