TIMOTIUS 1 5:20 - Alkitab Singog In Mongondow Masa In Tanaa

²⁰ Intau inta nogaid kon inta diá mopia mustibí togur kon tayowon jamaat mita, sinbá dongogondon in intau ibanea bo moondokdon in mosia in mogaid kon inta diá mopia tatua.

TIMOTIUS 1 5:20 ပူးပေါင်းရင်းမြစ်များ

IMAMAT 19:17

Dika motagú mako kon gina kon i ineka. Tompiadon bui in yogenggengmu takin i ineka, sinbá moiko diá baradosaan popisí in intau ibanea.

OUMAN IN RASUL MITA 19:17

Bayongan intau in Yahudi bo intau mita ibanea inta nogutun kon Epesus komintan nokodongog kon soaḷ mita tatua, dá nongoondok in mosia bo totok in nodayow kon tangoi i Tuhan Yesus.

OUMAN IN RASUL MITA 5:11

Dá totokdon noondok in bayongan jamaat bo bayongan intau inta nokodongog kon onu inta ain nobaḻí tatua.

OUMAN IN RASUL MITA 5:5

Naonda in nokodongog kon singog i Petrus natua in ki Ananias baḷú noumpag bo minatoi. Dá totok nongoondok in intau mita inta nokodongog kon onu inta nobaḻí tatua.

KORINTUS 2 7:11

Tungkuḷaika tarukira monimu onu in bungai in ajar in gina inta pinodudui kon ibog i Allah kon i monimu! Naa in bungainea; moiko in totu-totuubí moramuji moginsilang kon onu inta diápa notarang! Bo moyaatbí in gina monimu kon onu inta diá mopia, oyúon in porasaan moondok, mokotanobbí, tantú moropot in gina, bo oyúon in ibog mohukum kon inta kotaḷá! Kon bayongan soaḷ mita tanaa in moponiata bidon kon moiko in diá bidon kotaḷá.

EPESUS 5:11

Dika mogaid kon soaḷ mita inta diá baraguna ná inta inaidan in intau mita inta nobiag kon bonu in sindip. Táe inggamáaibí in aid mita inta diá mopia natua. (

ULANGAN 13:11

Dá bayongan in bangusa Israel mokodongogdon kon pinoḻimodan tatua bo mobaḻídon motoguondok, dá diádon tobatúmai in momia kon inta moraat ná tatua bui.

ULANGAN 17:13

Bayongan intau in mokodongogdon kon tua bo agíandon in ondok, dá diá bidon in mokobaḻí mogaid kon natua.”

ULANGAN 19:20

Bayongan intau inta mokodongog kon soaḷ tatua mobaḻídon moondok, dá diádon tobatúmai in mogaid kon inta moraat natua.

ULANGAN 21:21

Bo intau mita ḷoḷaki kon kotá tatua musti mogarab in batu kon adí tatua modapot in matoi. Aid natua moponiata kon moiko in monginggamá kon aid moraat. Bayongan in intau kon Israel in mokodongogdon kon tua bo angoiandon in ondok.”

TIMOTIUS 1 1:20

Kon sigad monia tua in ki Himeneus bo ki Aleksander. Taya dua tua in pinosarakankudon kon Ibilis, sinbá mosia mobalajardon mogogai in mohojat kon i Allah.

TIMOTIUS 2 4:2

Sinbá iko in umuran moibog in mopotaau in Habar Mopia inta nongkon i Allah, bo poigum kon i monia sinbá moibog mokidongog, mopia andeka diá mopia in wakutunea. Popoyakindon in intau, bo poguman onu inta noitaḷá, bo umuraibí iropotai in mosia. Mokoposabar in motundú kon i monia.

TITUS 1:13

Bo totuubí in singog in nabi tatua. Manangka intua musti tongginaanmu kopiraan in mosia tua, sinbá mosia in umuran kumadai kon onu inta moitutui

TITUS 2:15

Tundúdon kon i monia intua komintan, tongginaai bo poḷat togur kopiaan i mosia inta mokidongog kon inimu. Dika in iko moibog tomongoadíon in tobatúmai intau.