TIMOTIUS 1 5:19 - Alkitab Singog In Mongondow Masa In Tanaa

¹⁹ Donaaibí tongá tarimaanmu mako natua in onu in pinonapud kon tobatú itoi in jamaat, táe mustibí oyúon in doyowa ande toḷu in intau inta nokoontong tontaní in mobogoi in kosakusian kon pelekara inta pinonapud kon inia tua.

TIMOTIUS 1 5:19 ပူးပေါင်းရင်းမြစ်များ

MATIUS 18:16

Tongá aka diá indongogannea in iko, yo podiadon kon tobatú andeka doyowa in intau. Sinbá mosia mobogoi doman in katarangan, ‘Sin takin katarangan in doyowa andeka toḷu in intau, yo tua in motaau pirisayaan.’

YOHANES 18:29

Manangka intua ki Pilatus in iḷumuai nokipodungkuḷ kon i monia bo noḻibó, “Nongonu sin diniabí monimu mangoi in intau tanaa?”

YOHANES 8:17

Kon bonu in Hukum i Musa pinais nanaa: Kosakusian inta mobanar in nongkon kosakusianbí in intau doyowa.

OUMAN IN RASUL MITA 11:30

Dá notobatú doman kon gina in mosia, bo nosipun kon totuḷung ogoi kon penatua mita. Totuḷung mita tatua inogoi pinoki dia monia kon i Barnabas bo kon i Saulus.

OUMAN IN RASUL MITA 25:16

Táe akuoi in noguman kon i monia, kon intau in Rum in diábí motaau in moposarakan mako natua kon intau inta sinangka kotaḷá sin hukumon, aka intau inta sinangka tatua diápa noyogintayow in intau mita inta noponapud kon inia bo ogoian in kasampatan mosingog kon onu in pomayownea.

KORINTUS 2 13:1

Naa in kointoḷuneadon in akuoi namangoi nokipodungkuḷ kon i monimu. Kon Buk Motusi ain pinais nanaa, “Pomuḷoi in pelekara musti sakusian in doyowa ande toḷu in intau, bain tua pelekara tatua motaau akúon kon totuu.”

ULANGAN 17:6

Táe sia in tongábí motaau hukumon matoi aka oyúon in sakusi doyowa ande moiḻiu; intau tobatú diábí motaau in hukumon matoi aka tongá tobatú in intau mobaḻí sakusi.

ULANGAN 19:15

“Tobatú in sakusi diábí tugat in moponiata kon intau tobatú totuudon kotaḷá; totok moyakag doyowa in sakusi inta paraḷu kon pelekara tatua.

TIMOTIUS 1 4:14

Dika angoian maḷat iko in mopomaké in totabi inta ain pinonotabi i Tuhan kon inimu wakutu in iko binarakatan in itoi mita in jamaat. Umuran torop in koyow i Allah inta pinoguman in nabi mita soaḷ iko.

TIMOTIUS 1 5:17

Itoi mita in jamaat inta nopobayá in oaidannea notompia, patusbí in sia ogoian in ponghargaan kodua noguntuḷ in kopianea. Torutama mosia inta morajing totok in motundú bo mopoyaput in Habar Mopia.

TITUS 1:6

Intau inta baḻíon itoi kon jamaat in mustibí intau inta mopia; bo tongá kobuḷoi kon tobatú; bo ki adínea mita mustibí inta komintandon nopirisaya kon i Kristus bo diá doman mokaḷakuang, bo moibog doman mokidongog kon guyanga.

IBRANI 10:28

Intau inta doí dumudui kon hukum inta inogoi Musa, hukumon matoi bo diábí ampungannea, aka doyowa andeka toḷu in intau mobogoi in kosakusian, bo oyúon in bukti kon sia in kotaḷá.