TIMOTIUS 1 5:13 - Alkitab Singog In Mongondow Masa In Tanaa

¹³ Apadoman wakutu monia in tongá modait kon agían akoan kon baḷo-baḷoiannea. Bo moiḻiu doman in raat kon tua aka mosia in moibog doman moporaa-raatmai kon tangoi intau ibanea bo moibog doman umaui kon urusan in intau ibanea, bo mongonguman doman kon soaḷ mita inta diá patus oumanon kon intau ibanea.

TIMOTIUS 1 5:13 ပူးပေါင်းရင်းမြစ်များ

AMSAL 11:13

Intau inta moibo-ibog mopotaau in habar diá totuu diábí mokotagú kon rahasia, táe intau inta motaau pirisayaan motaaubí mobuni kon pelekara.

AMSAL 20:19

Intau inta moibo-ibog mongonguman kon intau ibanea, diábí motaau motagú kon rahasia; dika moyobayat in intau inta moantó in ouman.

AMSAL 31:27

Sia in umuranbí morajing in mogaid bo monondudut kon oaidan in tombonu in baḷoinea.

IMAMAT 19:16

Dika moponapud magí-mako in uboḷ kon sigad in intau mita inta tobangusamu, sinbá iko in diá mokopopisí kon kopatoian in tumpaḷa intau. Akuoi in ki Tuhan.

LUKAS 10:7

Kotantú kon tobatú baḷoi aka mogutun. Tarima onu in ogoi monia kon inimu. Sin intau inta mogaid in patusbí in sia motarima kon bungai in inaidannea. Donaai momampi-mamping mako kon pogutunan.

OUMAN IN RASUL MITA 20:20

Táe umpakabí natua yo diábí kon dodai in onda in akuoi nogogai nopotaau kon onu inta mokobaraguna kon i monimu. Tua komintan ain pinotaauku kon i monimu bo ain doman sinundúku kon i monimu kon tayowon in intau mobarong andeka kon baḷo-baḷoiannea.

OUMAN IN RASUL MITA 20:30

Modapot in oyúon doman in intau mita kon sigad monimu in mobaḻí mopopotaau in habar inta diá totuu. Mosia in mogaid kon natua sinbá intau mita inta ain nopirisaya kon i Yesus in moiḷaḻe bo dumudui kon i monia.

TIMOTIUS 1 5:12

Dá moitaḷá in mosia sin nomayowdon kon dandi inta ain inogoi i Allah kon i monia.

TITUS 1:11

Intau mita natua in mustibí tokohukumon in bibig monia, sin onu in sinundú monia tua, tongábí mopotombauk kon raian in intau mita inta nobiag tobaḷoian. Tua mita in pinomia monia sin motayak kon kauntungan inta diá patus.

YAKOBUS 3:10

Nongkon bibig inta notongkai ḷumuai in singog posukur bo singog doman pogodi-godi. Utatku mita, diábí motaau in natua!

PETRUS 1 4:15

Dikabí tobatúmai kon sigad monimu, rorigaan sin popisí in moḷoḻimod in sia, andeka mononakow, andeka nogaid kon inta moraat, andeka intau inta moibog kumapog kon urusan in intau ibanea.

YOHANES 3 1:10

Tuamai, aka akuoi in mamangoidon, yo daitonkudon oumanon in bayongan inta pinomianea, inta kopiadon mongonguman kon soaḷ mita uboḷ sin moporaa-raatmai kon i nami! Deemanbí doman tongá tua in pinomianea, sin kon tungkuḷ in ki utat mita naton tumpaḷa Keresten namangoi, doí in sia notarima kon i monia. Nodapotbí in ilarangnea in intau mita inta moibog motarima kon utat mita tatua, nodapot in pinoḷuaineadon in intau mita tatua kon bonu in jamaat!