TIMOTIUS 1 5:10 - Alkitab Singog In Mongondow Masa In Tanaa

¹⁰ bo kinotaauan doman in intau kon umuranbí in sia nogaid kon inta mopia, ná umpamanea, ain nonompia kon i adínea mita, motabi kon tumpaḷa intau, moibog mobogoi in kaanon kon intau mita mopirisaya. Moibog doman motuḷung kon intau mita inta nobiag nobogá, pokoknea mosia in totu-totuudon nogaid kon onu inta mopia.

TIMOTIUS 1 5:10 ပူးပေါင်းရင်းမြစ်များ

KINOBAḺIAN 18:4

Pomayádon mako bain akuoi in mogamá kon tubig sin pondaritan kon sioḷ i Tuang mita. Koḻigai bá mogogaipa kon siungon in kayu tanaa sinbá moinggamápa in ḷopí.

KINOBAḺIAN 19:2

bo noguman, “Tuang mita, akuoi in mopoigum kon bá mongandupa kon baḷoiku. Tai Tuang in motaau in mondaritdon kon sioḷ bo mogogaipa in doḷom naa kon baḷoiku, bain ikoḷom doḷo-doḷom bo mongingguput kon bobayáan.” Táe mosia in notubag, “Sukur moantó, kami in mogogaidon kon lapangan in kotá”.

KINOBAḺIAN 24:32

Bo dinumuduidon in bobantung tatua poḷat sinumuot kon baḷoi. Ki Laban nopoponag in datog in unta mita tatua, bo poḷat nobogoi in wawa bo nopokaan kon mahaḷuk mita tatua. Nopaḷut mako kon tua nodia mangoi in sia kon tubig sin pondaritan in bobantung i Abraham tatua kon sioḷ takin intau mita inta noyotakinnea.

KINOBAḺIAN 43:24

bodongka inatodneadon in mosia sinumuot kon baḷoi. Sia in nobogoi in tubig sin pondaritan monia kon sioḷ, bo nobogoi doman in kokaanon in keledai monia.

MAZMUR 119:4

Iko in nobogoi kon inami in hukum-Mu, o Tuhan, sinbá aidan nami intua takin mokopotoḷutui.

YESAYA 1:17

pobalajardon mogaid kon inta mopia. Posindogdon in inta moadil bo ḷumbúdon in aid mondorot; ogoidon kon uno-unon in hak monia bo duḷuai in pelekara in boba-bobay mita.”

IMAMAT 25:35

Aka intau tobangusamu inta nogutun kon sigad monimu nobaḻí nobogá bo diádon mokotompia kon kobiagannea tontaní dá musti bantungan monimu in sia naonda bo intau ango-angoi ande mokokiangoi, sinbá sia umuranpa mobiag kon sigad monimu.

MATIUS 25:17

Ná doman tua in simpaḷ inta nokouḻí kon doyowa noribu, pinobaragunanea doman intua, sahingga in nokouḻí doman kon kauntungan doyowa noribu.

MATIUS 5:16

Natua doman bayagmu musti monindar kon tayowon in intau, sinbá ontongon monia in oaidmu mita inta mopia bo modayow kon i Amámu inta kon soroga.”

LUKAS 7:38

Koomba-ombaḷ in sia namangoi sinimindog kon diug in sioḷ i Yesus, dá sioḷ i Yesus nobuntad in ḷuánea. Táe kon dodaipa doman tatua sioḷ i Yesus iningkagannea in buoknea tontaní, bodongka inayokannea in sioḷ i Yesus bo binutakkannea in ḷana nobondu inta kodia-dianea tatua.

LUKAS 7:44

Onda intua ki Yesus nobobui kon bobay tatua bo noguman kon i Simon nanaa, “Inontongmu in bobay tanaa degá? Akuoi in moguman kon inimu: Akuoi namangoi in baḷoimu, táe diá inogoianmu in tubig pondaritan-Ku kon sioḷ, táe bobay tanaa ain nondarit kon sioḷ-Ku takin ḷuánea, onda intua iningkagannea bui in buoknea tontaní.

OUMAN IN RASUL MITA 10:22

Dá mosia in notubag, “Kami naa in namangoi sin pinotabá i Kornelius, tobatú itoi in tontara Rum, inta totok mopia bo motoindudui kon i Allah bo ihoromat in bayongan intau in Yahudi. Tobatú malaekat i Allah in namangoi kon inia bo nopotabá mogoiní kon i Tuang sinbá ki Tuang in mamangoi in baḷoinea, saḷaku tubag i Tuhan kon bayongan inta pinoigumnea kon doa. Sia in pinoki indongogan kon onu in poguman i Tuang kon inia.”

OUMAN IN RASUL MITA 22:12

Kon Damsyik oyúon in intau tangoinea ki Ananias. Sia tua in intaubí mopia inta umuran motoindudui kon hukum i Musa. Bayongan in intau in Yahudi inta nogutun kon Damsyik totokbí in moinsim kon inia.

OUMAN IN RASUL MITA 6:3

Dá, maníka ki utat mita in momiḻí kon pitu in intau inta kon sigad monimu, intau mopia bo inta kinawasa in Roho i Allah, mobijaksana bo inta motaau pirisayaanmai monoinut kon soaḷ mita tanaa;

OUMAN IN RASUL MITA 9:36

Kon ḻipú tatua oyúon doman in bobay, tangoinea in ki Tabita. Sia in tobatú intau inta mopirisaya kon i Yesus. (Aka kon Yunani, ki Dorkas in tangoinea.) Sia in umuran mogaid kon inta mopia bo umuran moibog motuḷung kon intau mita inta nobiag nobogá.

OUMAN IN RASUL MITA 9:39

Ki Petrus in baḷú nonoinut bo minayá noyotakin monia. Naonda in noiyaputmai kon tua, dinia monia in sia noponik kon gopot inta pinogukatan kon mayat i Dorkas. Bayongan in intau inta dongkadon boba-bobay komintan namangoi sinimindog kon diug i Petrus poḷat nongombaḷ bo mopoontong doman in ḷambung inta inaidan mita i Dorkas wakutu in nobiagpa.

SURAT I PAULUS KON JAMAAT RUM 12:13

Tuḷungai bo ogoiai onu in paraḷu in intau mita Keresten ibanea, bo tomubí takin pia in gina in utat mita Keresten umpakabí diá nogogintaauan monimu in mosia. Tarima doman takin sanang in gina in mosia kon baḷoimu.

EPESUS 2:10

Ki Allahbí in nomia kon i naton, bo pinongin i Kristus pinomia-Nea in kita, sinbá kita in mogaid kon soaḷ mita inta mopia inta ain sinadia-Nea kon i naton.

KOLOSE 1:10

Dá moiko in mobiagdon podudui in ibog i Allah bo umuran mokosanang kon gina-Nea, sahingga kon bayongan yagi-yagi moiko in umuran mobogoi in bungai inta mopia. Bo pongotahuan monimu soaḷ ki Allah in modugang domandon.

TIMOTIUS 1 2:10

Táe ḷambáanbí in oaid mita inta mopia, inta patus kon bobay mita inta moibada kon i Allah.

TIMOTIUS 1 3:2

Tuamai intau inta mobaḻí itoi kon jamaat in mustibí intau inta motuḻid in gina, tongá tobatú in ki buḷoinea, mokokawasa kon ibog in gina, mobijaksana, mopia in oaid, moibog motuḷung kon bayongan in intau bo motaau motundú kon inta mopia kon intau ibanea;

TIMOTIUS 1 3:7

Musti mopia in tangoinea kon tayowon in intau mobayong sin aka diá mopia yo singkuḻeonbí in bayongan intau sahingga in kokawasaandon in Ibilis in sia.

TIMOTIUS 1 5:16

Táe aka oyúon in intau Keresten inta kon tombonu in baḷoinea nobaḻídon boba-bobay, yo musti tompiaannea in sia, dikabí tongá moharap mako kon totuḷung in jamaat. Sin aka natua, dá jamaat in motaau bidon mayá motayak kon boba-bobay ibanea inta diádon in ginaḷumnea.

TIMOTIUS 1 5:25

Ná doman tua in oaid mita mopia baḷúbí koontongan, bo inta diá mogampang koontongan in diábí umuran moiadop.

TIMOTIUS 1 6:18

Ponorop domandon kon i monia sinbá mosia in mopoontong in aid inta mopia. Kobayongdon in mogaid kon inta mopia, mokopopia kon gina bo moibog mobogoi.

TIMOTIUS 2 1:5

Umuran kotoropanku in kopopirisayamu kon i Kristus inta totu-totuu tua naonda bo kopopirisaya i baaymu ki Lois bo ki inámu ki Eunike. Bo moyakinbí totok in akuoi kon kopopirisayamu nion ná bí doman onda bo kopopirisaya monia tua.

TIMOTIUS 2 2:21

Intau inta monaḷámaidon kon bayongan inta moraat kon inia, yo sia tua in pakéon pogaid kon oaidan inta mopia totok. Dongkadon ki tuangnea in ki togi kon inia bo mobaraguna domandon in sia kon i tuangnea. Sia in sinadiadon sin pakéon kon bayongan oaidan inta mopia.

TIMOTIUS 2 3:15

Musti umuran toroponmu mako, kon nongkon mointokanpamai iko ain nonotaau kon Buk Motusi. Bo Buk Motusi tatua in nobogoi in pongortian kon inimu, sinbá mokouḻí kon kasaḷamatan inta pinodoyon kon pirisaya kon i Kristus Yesus.

TIMOTIUS 2 3:17

Takin Buk Motusi tatua bayongan intau inta nogaid kon oaidan i Allah in sinompobaḷunan in totabi kon i monia modapot in mosompurna sinbá motaaudon mogaid kon bayongan inta mopia.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

TITUS 2:7

Bo kon bayongan in yagi-yagi, oaidmu in musti mobaḻí dodayanan inta mopia kon i monia. Aka motundú in iko yo mustibí mokopojujur bo totu-totuu motundú.

TITUS 3:1

Ponorop kon bayongan in jamaat, bá mosia in umuran kodu-kodudui kon itoi mita bo pomarenta, diá momaḷawang bo tantú mogaid kon inta mopia.

TITUS 3:14

Tundúdon in intau mita naton mogaid kon soaḷ mita inta mopia sinbá mosia in motaau mopooyúon in bayongan kaparaḷuan inta paraḷu pakéon, sinbá oyúondon in baraguna monia tua.

TITUS 3:8

Totuubí in singog tanaa. Ibogonku in naa komintan potaaumu kon i monia, sinbá mosia inta ain nopirisaya kon i Allah totu-totuudon moramuji mogaid kon inta mopia, sin natuabí in mopia bo inta baraguna kon bayongan intau.

IBRANI 10:24

Bo kita in mustibí mosiindoian, sinbá umuran motaau mosiponoropan kon bá motabi kon tumpaḷa intau bo momia doman kon soaḷ mita inta mopia.

IBRANI 13:2

Dika moondo-ondok in motarima kon intau mita inta diápa nogogintaauan monimu aka mongandup in sia kon baḷoimu. Sin nokoimontandon in nobaḻí, oyúon intau in noibog pinongandupan in intau mita inta diá nogogintaauannea, bo naanta mosia tua in malaekatbí mita.

IBRANI 13:21

Poigum mako, ki Allah inta nobaḻí pangkoi in kobiagan motompia, umuran mobogoi in bayongan inta mopia inta paraḷu pakéon monimu mogaid kon onu inta koibog i Allah. Bo poigumon doman mako takin totuḷung i Yesus Kristus, popoaidon i Allah kon i naton in onu inta kinoibog-Nea. Tantúbí dayow in ki Kristus dapot in kopaḷutannea! Amin.

PETRUS 1 2:12

Kopiaan in oaidmu kon sigad in intau mita inta diápa nonotaau kon i Tuhan, sahingga in aka singogon monia kon iko in intau moraat, yo koontongandon monia in oaidmu inta mopia, dá modayowdon in mosia kon i Allah kon singgai koangoian-Nea.

PETRUS 1 4:9

Bo moiko in musti motaau mosipasiaran kon baḷoi takin diá mogamui.

YOHANES 3 1:12

Komintan intau nodayow kon i Demetrius. Ki Allah tontaní in nodayow doman kon inia. Sia in dinayow domandon nami, bo kinotaauan bidon i utat kon onu in pinotaau nami naa in motaaubí pirisayaan.