TIMOTIUS 1 5:1 - Alkitab Singog In Mongondow Masa In Tanaa

¹ Dika daḻin-daḻíonmu in tumorú kon i monia inta umur monia noiḻiudon kon i naton, táe diugaibí in sia bo mongonguman naonda bo mongonguman takin in guyangamu tontaní. Ná doman tua in mosia inta nongoguodpa, tongginaaibí in mosia ná ki utatmu tontaní.

TIMOTIUS 1 5:1 ပူးပေါင်းရင်းမြစ်များ

IMAMAT 19:32

Koinsimbí bo horomat in guyanga mita. Moiko in musti mohoromat bo motoguondok kon i-Nakó, sin Akuoi in ki Tuhan.

MATIUS 23:8

Tongá moiko in dika mokioiní ki ‘Pak Guru’, sin tongábí tobatú in Gurumu bo moiko komintan in ginaḷum.

OUMAN IN RASUL MITA 14:23

Pomuḷoi in jamaat pinomiḻíandon i Paulus bo i Barnabas kon intau mita inta baḻíon itoi in jamaat tatua. Sinambayangan monia poḷat pinopuasaan bo pinosarakan monia kon i Tuhan inta pinirisaya monia tua.

OUMAN IN RASUL MITA 15:4

Naonda in noiyaputmai kon Yerusalem, mosia in sinomu in jamaat takin pia in gina, dá rasul mita tatua bo intau mita inta pinomia itoi monia kon jamaat tatua in nongonguman kon bayongan rupa-rupa inta aindon pinomia i Allah inta pinongin i monia.

OUMAN IN RASUL MITA 15:6

Dá soaḷ tatua iyosingogdon noyotakin in rasul bo itoi mita inta noyosipun kon tua.

OUMAN IN RASUL MITA 20:17

Wakutu in sia kon Miletuspa, sia in nopotabádon in intau tobatú minayá in Epesus moguman sinbá bayongan in intau inta ain binaḻí itoi kon jamaat tatua mamangoi in Miletus mokipodungkuḷ kon inia.

SURAT I PAULUS KON JAMAAT RUM 13:7

Dá uboḻiaidon kon pomarenta onu in musti uboḻianmu kon inia. Uboḻiai in pajak, aka mustibí in iko moguboḻi kon pajak; bo uboḻiaidon in bea, aka mustibí uboḻianmu intua. Hargaaibí in mosia inta patus hargaan, bo horomatbí i mosia inta musti horomaton.

GALATIA 6:1

Utat mita! Aka oyúon intau in kino kadapatan monimu nogaid kon noitaḷá, dá moiko inta nobiag noidudui kon ibog in Roho i Allah, musti modia bui kon intau tatua mongindaḷan inta moitutui. Táe koḷukóon in mosingog, bo moiko in musti mokopoingat sinbá diá kopongaruan doman.

ULANGAN 33:9

Mosia in mosatia kon ini-Mu noiḻiu kon ibanea mako, noiḻiu kon guyanga bo ginaḷum motoḷuadí. Parenta-Mu mita in dinuduian monia, dodandian-Mu in inintompodan monia.

TIMOTIUS 1 5:17

Itoi mita in jamaat inta nopobayá in oaidannea notompia, patusbí in sia ogoian in ponghargaan kodua noguntuḷ in kopianea. Torutama mosia inta morajing totok in motundú bo mopoyaput in Habar Mopia.

TIMOTIUS 1 5:2

Aka guyanga mita bobay dá pomia doman in mosia ná ki inámu tontaní. Natua doman in mongodeaga mita, pomia doman ná ki ai-aimu tontaní bo kotuḻidbí in gina.

TITUS 2:2

Tongginaai in guyanga mita ḷoḷaki, sinbá mokotahang kon gina in mosia, mobijaksana bo mobiag saḷaku guyanga inta patus horomaton. Umuran doman kumadai kon totundú inta noitutui nongkon i Allah bo totu-totuu doman motabi bo mosabar aka koantugan in roriga.

TITUS 2:6

Ná doman tua, tongginaai in intau mita inta nongoguodpa sinbá mobalajar in mosia monahang kon gina kon bayongan in yagi-yagi.

YAKOBUS 3:17

Táe intau inta nokouḻí kon kabijaksanaan nongkon i Allah, yo sia in muna-munamai totok modarit, onda intua moibog in sia kon dodamean, mobahasa mako, bo motoindudui. Moḷoben in tabinea bo oaidnea mongopia. Diábí in sia momiḻí kon intau bo diábí tongá ki ubo-uboḷmai mopia.

YAKOBUS 5:14

Aka oyúon in motakit, yo musti in sia mogoiní kon itoi mita in jamaat. Bo itoi mita in jamaat tatua in musti mosambayang kon intau inta notakit tatua bo poḷat mopoḻepo in ḷana podoyon kon tangoi i Tuhan.

PETRUS 1 5:1

Naa in tongginaku mita kon itoi mita in jamaat i Allah inta kon sigad monimu. Akuoi in nomais tanaa saḷakubí yobayat topogaidan in itoi mita in jamaat bo saḷaku intau inta ain nokoontong tontaní kon roriga i Kristus, bo inta moitakin doman kon kamuliaan inta popoontong i Kristus kon intau kon singgai moiduduimai. Poigumonku totok

YOHANES 2 1:1

Kon i Iná inta ain piniḻí i Allah bo kon i adínea mita inta kinotabiku. Surat tanaa in nongkon inakó, tobatú itoi in jamaat inta totu-totuu motabi kon i monimu. Deemanbí tongá akuoi in motabi kon i monimu, táe bayonganbí doman intau inta totu-totuudon nonotaau kon i Allah.

YOHANES 3 1:1

Ki utatku ki Gayus inta kinotabiku! Akuoi, tobatú itoi in jamaat inta totu-totuu motabi kon inimu,

WAHYU 4:4

Noiḻibu kon tampat pomomarentaan tatua, oyúon doman doyowa nopuḷú bo opat in tampat pomomarentaan ibanea. Kon tampat mita tatua doyowa doman nopuḷú bo opat in itoi iḻimitú. Mosia in nogiḷambung nobudó bo nomaké in mahkota buḷawan.