TIMOTIUS 1 4:13 - Alkitab Singog In Mongondow Masa In Tanaa

¹³ Samantara in akuoi diápa moiangoi, dá mokoporajingdon in mobaca kon buk mita motusi sinbá motaau in iko mononggina bo motundú kon bayongan intau inta mopirisaya.

TIMOTIUS 1 4:13 ပူးပေါင်းရင်းမြစ်များ

YOHANES 5:39

Moiko in mobalajar kon Buk Motusi sin kon bonu in raian monimu, aka natua yo mokouḻí kon kobiagan mopia bo mononoi. Bo umpakabí Buk Motusi tatua tontaní ain nobogoi in kosakusian soaḷ Akuoi.

OUMAN IN RASUL MITA 17:11

Intau mita in Yahudi kon Berea mopia-pia nongkon intau mita in Yahudi kon Tesalonika. Takin sanang gina mosia in mokidongog kon habar soaḷ ki Yesus, bo pomuḷoi in singgai mosia inumuran mobaca kon Buk Motusi sin monarukira mongo totuu in sinundú i Paulus kon i monia tua.

OUMAN IN RASUL MITA 6:4

sinbá motantú in pikiran nami in mopoyaput in pirman i Allah bo mosambayang.”

SURAT I PAULUS KON JAMAAT RUM 12:8

Intau inta nokouḻí kon totabi mononggina kon intau ibanea, yo musti in sia totu-totuu mononggina kon intau ibanea. Ki ine in mosila-silai mako kon yagi-yagi, yo musti totu-totuu aidannea intua. Intau inta nokouḻí kon totabi mobaḻí itoi, yo musti in sia mobaḻí itoi totu-totuu. Intau inta nokouḻí kon totabi moponiata in tabi kon tumpaḷa intau, yo mustibí aidannea intua takin sanang in gina.

KORINTUS 1 14:26

Dá uḻe utat mita, onu in mangaḻe intua komintan? Aka moiko moyosipun sin mosumba kon i Tuhan, oyúon in modondong, oyúon in motundú, oyúon mopoyaput in habar nongkon i Allah, oyúon in mosingog kon bonu in bahasa inta mokoherang bo oyúon doman in moginsilang kon onu inta pinoguman in intau tatua. Táe tua komintan in mustibí aidan sin motundú kon ponompia kon i monia komintan.

KORINTUS 1 14:3

Táe aka intau inta mopoyaput in habar nongkon i Allah, yo tua in mopoyaputbí in habar kon intau; sin moginrigon kon pirisaya monia, mobogoi in ropot bo mohibur kon i monia.

KORINTUS 1 14:6

Utatku mita, aka akuoi in mamangoi kon i monimu bo momaké in bahasa norupa-rupamai inta mokoherang kon intau, umpaka yo baraguna kon i monimu intua? Topiḻikmai yo diábí in mangaḻenea! Noyoposibí in aka akuoi mamangoi mopoyaput in koyow nongkon i Allah, ande moginsilang kon soaḷ mita nongkon i Allah, ande mopomangaḻe kon i monimu.

ULANGAN 17:19

Buk tatua in mustibí umuran kon diugnea, bo kinoouput in kinobiagannea musti mobaca kon tua sinbá mobalajar mohoromat kon i Tuhan Allahnea bo mokoposatia in dumudui kon bayongan parenta inta pinais kon bonunea.

TIMOTIUS 1 4:16

Ḷukadai in awakmu bo ḷukadai doman in onu inta ain sinundúmu. Musti in iko mokopotoindudui kon tua komintan, sin aka tantúmu aidan intua komintan, yo mangaḻenea kon tua iko in moposaḷamat bidon in awakmu bo moposaḷamat doman kon intau mita inta moibog mokidongog kon inimu.

TIMOTIUS 1 4:6

Aka tundúonmu intua komintan kon bayongan in ginaḷum naton, yo iko in mobaḻí bidon mogogaid i Kristus inta nogaid nopira. Bo iko in umurandon moginropot kon ginamu takin pirman i Allah inta pinirisaya naton bo takin totundú mita totuu inta ain dinuduianmumai naa in kino oonggotnea.

TIMOTIUS 2 3:15

Musti umuran toroponmu mako, kon nongkon mointokanpamai iko ain nonotaau kon Buk Motusi. Bo Buk Motusi tatua in nobogoi in pongortian kon inimu, sinbá mokouḻí kon kasaḷamatan inta pinodoyon kon pirisaya kon i Kristus Yesus.

TIMOTIUS 2 4:2

Sinbá iko in umuran moibog in mopotaau in Habar Mopia inta nongkon i Allah, bo poigum kon i monia sinbá moibog mokidongog, mopia andeka diá mopia in wakutunea. Popoyakindon in intau, bo poguman onu inta noitaḷá, bo umuraibí iropotai in mosia. Mokoposabar in motundú kon i monia.

TITUS 2:15

Tundúdon kon i monia intua komintan, tongginaai bo poḷat togur kopiaan i mosia inta mokidongog kon inimu. Dika in iko moibog tomongoadíon in tobatúmai intau.

YOSUA 1:8

Buk in hukum tatua in mustibí umuran bacaanmu kon tayowon in umat-Ku. Balajar in buk tatua singgai bo doḷom, sinbá oaidmu umuran moitombutung kon onu inta pinais kon buk tatua. Aka aidanmu in bayongan tua, kobobiagmu in motompia totok bo bayongan onu inta aidanmu in kodapotanbí.