TIMOTIUS 1 4:12 - Alkitab Singog In Mongondow Masa In Tanaa

¹² Mokopoingat sinbá diá in tobatúmai intau in mopandang enteng kon inimu popisí in iko noguodpa. Táe poramujidon sinbá iko in umuran mobaḻí contoh bo doduduianmai kon soaḷ inta mopia i intau mita inta mopirisaya, pinangkoi kon pososingog, oaid bo kon soaḷ kototabimu kon tumpaḷa intau bo kopopirisayamu kon i Kristus Yesus takin kobobiagmu inta motompia.

TIMOTIUS 1 4:12 ပူးပေါင်းရင်းမြစ်များ

ZAKHARIA 2:4

Malaekat inta muna in noguman kon malaekat inta nogindua, “Ḷagidon bayá kon tayowmobiag tatua, bo pogumandon kon inia kon Yerusalem in mopuḻingdon totok in intau bo bobiagon dá diádon motaau bui dindingon ḻibu-ḻibu.

MATIUS 18:10

“Pokotorop! Dika mopandang enteng kon mongoadí mita tanaa. Bá poguman-Ku kon i monimu, oyúon in malaekat monia kon soroga inta umuran moindoi kon pogot i Amá-Ku inta kon soroga. [

KORINTUS 1 11:1

Duduiaidon onu in inaidanku, ná doman akuoi dinumudui kon onu inta inaidan i Kristus.

PILIPI 4:8

Naa in simpod in singogku utat mita, porai kon onu inta oyúon in baragunanea, bo onu inta motaau dayowon, ná soaḷ mita inta moitutui, inta horomatonmai, inta moadil, modarit, inta moromimit bo inta mopia.

TESALONIKA 1 1:6

Moiko in dinumuduidon kon onu inta inontong monimu inaidan nami bo inta inaidan i Tuhan. Umpaka moiko nobiag nororiga sin pinogutú totok in intau ibanea, táe Habar Mopia inta pinoyaput nami kon i monimu in sinarimabí monimu takin sanang in gina. Sanang in gina tatua in Rohobí i Allah in nobogoi.

TESALONIKA 1 2:10

Motusi in kobobiag nami, mobanar bo diá in yagi-yagi inta diá mopia in inaidan nami kon i monimu inta ain nopirisaya kon i Kristus. Inontong bidon monimu tontaní in kami bodongka bidon ki Allah in nonotaau kon tua komintan.

TIMOTIUS 1 1:14

Bo moḷobenbí totok in totabi i Tuhan naton kon i nakó. Inogoian-Nea in akuoi in pirisaya moḷoben bo tabi kon tumpaḷa intau inta ain notobatú i Kristus Yesus.

TIMOTIUS 2 2:15

Totok poramuji sinbá akuondon i Allah in iko saḷaku intau inta motaau pirisayaan-Nea mogaid kon oaidan-Nea. Poramujibí konbá diá mooyá in iko in mogaid kon oaidan tatua, táe tongádon kabaranian motundú bo mopotaau kon onu inta mobanar nongkon i Allah.

TIMOTIUS 2 2:22

Tuamai in dika ná ibogpa in tayowmobiag mita, inta moibo-ibog in diá mopia, táe poramuji mobiag podudui kon inta kinoibog i Allah. Mokopotoindudui kon onu in sinundú i Tuhan, bo motabi kon tumpaḷa intau bo gina in umuran mosanang. Kobiagbí natua takin mosia inta umuran mokuani mokituḷung kon i Tuhan takin gina motuḻid.

TIMOTIUS 2 2:7

Raibí kopira onu in pinogumanku tanaa, sin ogoianbí i Tuhan in raian mopandoi in iko sahingga in komangaḻeanmudon in bayongan yagi-yagi.

TITUS 2:15

Tundúdon kon i monia intua komintan, tongginaai bo poḷat togur kopiaan i mosia inta mokidongog kon inimu. Dika in iko moibog tomongoadíon in tobatúmai intau.

TITUS 2:7

Bo kon bayongan in yagi-yagi, oaidmu in musti mobaḻí dodayanan inta mopia kon i monia. Aka motundú in iko yo mustibí mokopojujur bo totu-totuu motundú.

YAKOBUS 3:13

Aka kon sigad monimu oyúon intau inta mobijaksana bo mopandoi, yo mustibí intua poniatanea kon kobobiag mopia takin mogaid kon soaḷ mita inta mopia, inta sinakinan in gina inta diá mosiḷantud bo kabijaksanaan.

YAKOBUS 3:17

Táe intau inta nokouḻí kon kabijaksanaan nongkon i Allah, yo sia in muna-munamai totok modarit, onda intua moibog in sia kon dodamean, mobahasa mako, bo motoindudui. Moḷoben in tabinea bo oaidnea mongopia. Diábí in sia momiḻí kon intau bo diábí tongá ki ubo-uboḷmai mopia.

PETRUS 1 5:3

Bo dikabí in moiko naonda bo pongawasa kon i monia inta pinoki ḷukad kon i monimu, táe moiko in mustibí mobaḻí contoh kon i monia.