TIMOTIUS 1 4:10 - Alkitab Singog In Mongondow Masa In Tanaa

¹⁰ Manangka intua kita in musti moramuji mogaid, sin kita in tongábí moharap mako kon i Allah inta nobiag; Sia tuata inta mopoposaḷamat kon bayongan in intau, muna-munamai mosia inta mopirisaya.

TIMOTIUS 1 4:10 ပူးပေါင်းရင်းမြစ်များ

MAZMUR 107:2

Bui-buimaidon singog intua, ei moiko inta ain pinosaḷamat nongkon susa.

MAZMUR 118:8

Mopia-piabí kon mosingayow kon i Tuhan, dika in mopongata kon intau.

MAZMUR 36:6

Tuhan, tabi-Mu ná koḷantud in ḷangit, bo kososatia-Mu nodapot in goḷom.

MAZMUR 37:40

Sia in notuḷung bo noposaḷamat kon i monia, bo nopoḷagui kon i monia nongkon intau mita moraat, sin mosia in noniung kon i-Nia.

MAZMUR 52:8

Nokoontongmai kon tua, intau motoḷutui angoian in ondok, bo kumosing kon inimu poḷat moguman,

MAZMUR 84:12

Sin ki Tuhan Allah in moḷoḷukad naton bo datu inta moḷantud, inta noponotabi kon inaton in tabi bo kahoromatan. Sia in diábí kon dodai in onda in nondoí kon onuka in mopia kon intau inta kobobiagnea diá in bogit.

YESAYA 12:2

Totuu, ki Allah tua in mopoposaḷamatku, akuoi in mopirisaya kon i-Nia. Akuoi in diábí moondok, sin Sia in moginropot kon inakó. Mopoposaḷamatku in ki Allah, Kon i-Nia in popoyaputanku in dondong.

YESAYA 50:10

Ei moiko inta mohoromat kon i Tuhan, bo inta nokidongog kon tosingogon in mogogundoi-Nea, daḷan inta binayáan monimu degá nosindip, bo diá in sindar inta nonindar kon inimu; táe popirisayadon kon i Tuhan; kadaidon kon i Allahmu.

YEREMIA 17:7

Táe intau inta umandoḷ kon i-Nakó in umuran barakatan-Ku.

DANIEL 3:28

Bo nogumandon in ki datu, “Dinayo-dayowdon in ki Allah inta sinumba i Sadrakh i Mesakh bo i Abednego. Sia in nopotabádon kon malaekatnea sin moposaḷamat kon bobantungnea taya toḷu tatua inta mopirisaya kon i-Nia. Mosia in iḻimimpatdon kon parentaku bo moibo-ibogbí kon matoi aka mosumba andeka modayow kon dewa taondaka koḻikudbí in ki Allah monia tontaní.

NAHUM 1:7

Ki Tuhan tua in mopia, Sia in moḷukad kon umat-Nea kon tungkuḷ in mosia mosusa, Sia in moḷukad kon intau inta mamangoi kon i-Nia.

MATIUS 16:16

Dá ki Simon Petrus in notubag, “Iko in ki Mesias, ki Adí i Allah Inta Nobiag.”

MATIUS 27:43

Sia moharap mako kon i Allah mamangoi. Pomayá mako sinbá ki Allah in mamangoi bo moposaḷamat kon i-Nia, aka koibog i Allah in Sia! Sin Sia aindon nongaku kon Sia kaín in ki Adí i Allah.”

YOHANES 1:29

Nopoikoḷomai kon singgai, indoianmai Yohanes ki Yesus namangoi kon inia. Bo ki Yohanes in noguman, “Indoiai, tuata in ki Adí in Domba i Allah inta momopat kon dosa in dunia.

YOHANES 4:42

Mosia in noguman kon bobay tatua, “Mopirisayadon in kami in tanaa, deeman bidon tongá popisí in onu inta inoumanmu kon inami, táe kami in nokodongogdon tontaní kon tosingogon-Nea. Bo kinotaauandon nami kon Sia tua in totuubí Mopoposaḷamat in dunia.”

YOHANES 5:24

Totuu totok in singog-Ku tanaa: Intau inta monarukira kon singog-Ku mita, bo mopirisaya kon i-Nia inta nopotabá kon i-Nakó, yo oyúon in kobiagan mopia bo mononoi. Sia in diábí hukumon; sia in noipilatdon nongkon kinopatoian bo mokouḻí kon kobiagan.

KORINTUS 1 15:10

Tongá sinotabipabí i Allah, dá oyúonpa komangoi in tanaa. Bo totabi i Allah kon inakó in diábí inta diá in mangaḻenea. Sin akuoibí in moraji-morajing kon sigad in rasul mita ibanea. Táe sabanarnea in deemanbí tongá uḷatku tontaní; táe nongkon i Allahbí inta ain nonotabi kon inakó bo siabí doman inta ain nogaid noyotakinku.

KORINTUS 2 1:10

Ki Allahbí tua in noposaḷamat kon inami nongkon yoyiga inta mokopatoi tua. Bo inta moposaḷamat kon inami kon singgai moiduduimai naa, sin tongábí Sia in binaḻí nami oandoḷan. Kami in moyakin bidon kon sambayang mita monimu kon inami indongoganbí i Allah, sahingga in posaḷamaton-Neabí in kami nongkon bayongan inta mokobodito kon i nami. Ki Allah in umuranbí nobogoi in barakat kon inami sin umuran monimu sinambayangan. Tuamai nobayongdon totok in intau mosukur kon i Allah.

TIMOTIUS 1 2:3

Sin natuabí in mopia bo kinoibog i Allah inta mopoposaḷamat naton.

TIMOTIUS 1 2:4

Ki Allah inta moibog bá bayongan in intau in posaḷamaton bo monotaau kon onu inta moitutui.

TIMOTIUS 1 2:6

Sia in tobatú intau inta ain noposarakan in awak-Nea sin pinotobut kon dosa mita in bayongan intau. Tua in moponiata kon wakutu inta ain sinantú i Allah, ibogon-Nea in bayongan intau in posaḷamaton.

TIMOTIUS 1 3:15

sinbá aka akuoi diápa ḷagi moiangoi, yo kotaauanmudon naonda in kobobiag naton saḷaku ki adí mita i Allah, mangaḻenea kon naa jamaat i Allah inta nobiag. Jamaat tanaa inta nobaḻí oigi pinonuḻid bo dumodudui kon totundú inta totuu nongkon i Allah.

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.

IBRANI 11:26

Irai Musa kon diábí nongonu in singkuḻeon sin mopirisaya kon i Datu Mopoposaḷamat inta pinodandi i Allah dika in mokouḻí kon bayongan kapunyaan kon butá in Mesir, sin iharap mako i Musa tua in kapunyaanbí kon singgai moiduduimai.

IBRANI 13:13

Tuamai, koḻigai mayá in kita kon i-Nia kon ḷuai in ḷoḷaigan bo moyotakin-Nea singkuḻeon.

PETRUS 1 1:21

Sia in pinopodoyonan in pirisaya monimu kon i Allah inta ain nomiag bui kon i-Nia. Dá ki Allahbí in pinirisaya monimu bo ki Allahbí doman in pinopoandoḷan monimu in harapan.

YOHANES 1 2:2

Bo pinotonsigad kon i Yesus Kristus tuata, bayongan in dosa naton inampungan. Bo deemanbí doman tongá taḷá naton, táe taḷábí doman in bayongan intau.

YOHANES 1 4:14

Kami tontaní ain nokoontong kon i Adí i Allah, bo kami in nopohabar kon Sia in pinotabá mangoi i Amá sin mobaḻí Datu Mopoposaḷamat in dunia naa.