TIMOTIUS 1 3:7 - Alkitab Singog In Mongondow Masa In Tanaa

⁷ Musti mopia in tangoinea kon tayowon in intau mobayong sin aka diá mopia yo singkuḻeonbí in bayongan intau sahingga in kokawasaandon in Ibilis in sia.

TIMOTIUS 1 3:7 ပူးပေါင်းရင်းမြစ်များ

MARKUS 4:11

Dá ki Yesus in noguman kon i monia nanaa, “Moiko inogoiandon in totabi monotaau kon onu inta noibuni soaḷ naonda in ki Allah momarenta saḷaku Datu. Táe kon intau mita inta kon ḷuai sinundú pinongin poumpamaan,

OUMAN IN RASUL MITA 10:22

Dá mosia in notubag, “Kami naa in namangoi sin pinotabá i Kornelius, tobatú itoi in tontara Rum, inta totok mopia bo motoindudui kon i Allah bo ihoromat in bayongan intau in Yahudi. Tobatú malaekat i Allah in namangoi kon inia bo nopotabá mogoiní kon i Tuang sinbá ki Tuang in mamangoi in baḷoinea, saḷaku tubag i Tuhan kon bayongan inta pinoigumnea kon doa. Sia in pinoki indongogan kon onu in poguman i Tuang kon inia.”

OUMAN IN RASUL MITA 22:12

Kon Damsyik oyúon in intau tangoinea ki Ananias. Sia tua in intaubí mopia inta umuran motoindudui kon hukum i Musa. Bayongan in intau in Yahudi inta nogutun kon Damsyik totokbí in moinsim kon inia.

OUMAN IN RASUL MITA 6:3

Dá, maníka ki utat mita in momiḻí kon pitu in intau inta kon sigad monimu, intau mopia bo inta kinawasa in Roho i Allah, mobijaksana bo inta motaau pirisayaanmai monoinut kon soaḷ mita tanaa;

KORINTUS 1 10:32

Kobiag mokopotompia bá diá tongá mokobaradosa kon bayongan in intau; pinomayá intau in Yahudi ande Yunani ande jamaat i Allah.

KORINTUS 1 5:12

Totuubí kon deemanbí oaidanku in mohakim kon intau deeman Keresten, tua in oaidanbí i Allah. Táe soaḷ in jamaat mita monimu, tantú moikobí in mohakim kon i monia. Sin kon bonu in Buk Motusi in pinais nanaa, “Buntunbí in intau mongoromú kon sigad monimu.”

KORINTUS 2 6:3

Doíbí in kami aka oaidan nami bo potaḷáan. Manangka intua kami in tantúbí moramuji kon diá mobogoi in alasan kon tobatúmai intau in mogaid kon soaḷ tatua.

KORINTUS 2 8:21

Sin kami in moibogbí mogaid kon inta mopia, deemanbí tongá kon tayowon i Allah táe kon tayowonbí doman in intau.

KOLOSE 4:5

Mokopobijaksanadon in mobiag moyotakin intau mita inta diá mopirisaya, bo pakédon kopira pomuḷoi oyúon in kasampatan.

TESALONIKA 1 4:12

Sahingga in moiko mobiagdon motoḷutui kon tayowon intau mita ibanea, bo diá tongá moharap mako kon intau ibanea.

TESALONIKA 1 5:22

Bo mokopoyayú kon bayongan inta moraat.

TIMOTIUS 1 3:6

Intau inta mobaḻí itoi kon jamaat, in deemanbí intau inta bagu nopirisaya kon i Kristus, sin dikabo mobaḻí in sia mokaḷakuang, sahingga in kutukon ná Ibilis koḻipod.

TIMOTIUS 1 5:14

Tuamai ibogonku, intau boba-bobay inta nomudapa buidon mokipobuḷoi, sinbá buidon mokouḻí kon adí kon tonibuḷoinea, bo tongádon in sia monompia kon i adínea inta kon bonu in tonibuḷoinea tatua, sinbá intau mita inta mosaturu kon inaton in diádon moporomu-romúmai kon tangoi naton.

TIMOTIUS 1 6:9

Táe intau inta moibog mobaḻí mooyúon tombodokondon in ibognea inta diá in baragunanea bo inta mokogoguyaat kon inia. Ibog mita tatua in mokorimumud bo mokobodito kon inia.

TIMOTIUS 2 2:26

Sahingga in mosadardon in mosia bui, bo moipilatdon nongkon poyogaḷap in Ibilis inta ain notogot kon inia tua bo nomakisa sinbá umuran dumudui kon koibognea.

TITUS 2:5

musti mobiag mobijaksana, motuḻid in raian bo mobaḻí buḷoi inta motaau moḷukad kon tonibuḷoi monia ( motaau monompia kon tombonu in baḷoinea). Mopia in gina bo motabi kon i buḷoinea. Aka natua in oaid monia, yo diábí in moningkuḻe kon Habar Mopia inta nongkon i Allah.

TITUS 2:8

Kopiaan in mosingog, dika mongonguman kon uboḷ, sinbá saturumu mita in mooyá sin diá in soaḷ mita inta diá mopia in motaau monia posingog kon i naton.

YOHANES 3 1:12

Komintan intau nodayow kon i Demetrius. Ki Allah tontaní in nodayow doman kon inia. Sia in dinayow domandon nami, bo kinotaauan bidon i utat kon onu in pinotaau nami naa in motaaubí pirisayaan.

SAMUEL 1 2:24

Dikadon bui mogaid kon ná tatua adíku mita. Totuu kon totokbí in diá mopia in onu inta inouman in umat i Tuhan soaḷ aid monimu!