TIMOTIUS 1 3:13 - Alkitab Singog In Mongondow Masa In Tanaa

¹³ Intau mita inta mopia in pobobantung monia kon jamaat, horomatonbí bo mobaranidon totok in mongonguman kon pirisaya monia kon i Kristus Yesus.

TIMOTIUS 1 3:13 ပူးပေါင်းရင်းမြစ်များ

MATIUS 20:28

Ná ki Adí Intau namangoi deemanbí mokibantung, táe mamangoibí mobantung bo mobogoi in nyawa-Nea potobut kon dosa in intau mobarong.”

MATIUS 25:21

Bo ki tuangnea tatua in noguman kon i nia, ‘Tua in nopia, iko in simpaḷku inta mopia bo mojujur; iko aindon nogaid kon oaidan inta mointok inta pinoki aid kon inimu, manangka intua iko in ogoiankudon in tanggung jawab mogaid kon oaidan moḷoben. Angoidon bo duduidon mobarasanang takinku!’

LUKAS 19:17

Dá ki tuang tatua in notubag, ‘Mopia intua, iko in bobantung inta mopia! Sin iko motaau pirisayaan kon oaidan inta mointok. Tuamai in baḻíonkudon iko pongawasa kon mopuḷú in kotá.’

OUMAN IN RASUL MITA 21:35

Naonda in nodapotdon in tukad dá intau mita moantó inta dinumudui kon i monia tua in sinumorúdon totok sahingga in ki Paulus pinakisadon pinotaan in tontara mita.

OUMAN IN RASUL MITA 6:15

Bayongan in intau kon pinosidangan tatua komintan inimindoi kon i Stepanus. Inontongmai monia in pogot i Stepanus nádon pogot in malaekat.

OUMAN IN RASUL MITA 6:5

Sinarima nopia in bayongan jamaat in onu inta pinoigum in rasul mita tatua. Dá piniḻídon monia in ki Stepanus, intau inta mopirisaya totok kon i Yesus bo inta umuran kinawasa in Roho i Allah. Naa doman tangoi monia inta kinopiḻían: Ki Pilipus, ki Prokhorus, ki Nikanor, ki Timon, ki Parmenas, bo ki Nikolaus inta nongkon Antiokhia; sia in deemanbí intau in Yahudi, táe sinumuotdon kon agama Yahudi.

OUMAN IN RASUL MITA 6:8

Ki Stepanus naa in intaubí inta totok in binarakatan i Allah. Moantó totok in soaḷ inta mokoherang in inaidannea kon sigad in intau moantó.

KORINTUS 1 16:15

Tantú kinotaauan bidon monimu in ki Stepanus bo motoḷuadínea; mosia tua inta muna-munamai nobaḻí Keresten kon Akhaya. Mosia tua in totu-totuudon nogaid nobantung kon umat i Allah.

PILIPI 1:14

Pinomonjaraan kon inakó in nobaḻídon dodoyonan sahingga in nobayong intau in Keresten kon kotá tanaa in nobaḻí nopirisaya totok kon i Tuhan, dá diádon moondo-ondok in mosia mopotaau in koyow i Allah.

TESALONIKA 1 2:2

Bo kinotaauan bidon monimu kon wakutu in kami diápa namangoi kon i monimu kon Tesalonika, kami in muna bidon pinogutú bo siningkuḻe kon kotá in Pilipi. Táe umpaka nobayong in intau moḷawang kon i nami, táe umuranbí inogoian i Allah naton in kabaranian in kami mopotaau kon i monimu in Habar Mopia inta nongkon i Allah.

TIMOTIUS 1 3:14

Igumonku mako tua, diádon moonggot in akuoi bo mayá mokipodungkuḷ kon inimu. Umpakabí natua, táe akuoi in nomaispabí kon surat tanaa kon inimu,

TIMOTIUS 2 2:1

Uḻe Timotius adíku! Totabi inta inogoi kon i naton sin notobatúdon i Kristus in kita, baḻí intua dodoyonan inta mokoroton kon inimu.

IBRANI 6:10

Sin ki Allah in moadilbí. Diábí koḻiongan-Nea in onu inta ain inaidan monimu kon i-Nia, bo tabi inta pinoontong monimu kon i-Nia wakutu in notuḷung kon utat mita inta tumpaḷa mopirisaya kon i Kristus tungkuḷ intua bo masa in tanaa.