TIMOTIUS 1 1:13 - Alkitab Singog In Mongondow Masa In Tanaa

¹³ umpakabí tungkuḷ intua akuoi naa in umuran moponapud in diá totuu bo momogutú poḷat doman moningkuḻe kon i-Nia. Táe sinotabibí i Allah in akuoi, sin dodai intua akuoi in diápa mopirisaya, sahingga in diábí kinotaauanku onu in pinomiaku tatua, noitutui ande noitaḷá.

TIMOTIUS 1 1:13 ပူးပေါင်းရင်းမြစ်များ

HOSEA 2:23

Pomiaan-Ku motompia in kobobiag in umat-Ku bo motantúdon in mosia in mogutun kon butá monia. Kon i monia inta sinangoi ‘Inta Diá Kinotabi’ poontong-Kubí kon mosia in kotabi-Ku, bo kon i monia inta sinangoi ‘Deeman Umat-Ku’ in tangoion-Kudon, ‘Moiko in Umat-Ku’. Mosia in motubagbí, ‘Ikobí in ki Allah nami.’ ”

IMAMAT 13:16

Táe aka tumbobog tatua bo mopia bo mobaḻídon mobudó bui, intau tatua musti mayá bui kon i imang

PINOGIAPAN 15:30

Táe aka intau in Israel tobatú andeka intau ango-angoi tobatú sinumuodon nogaid kon dosa, sia ain nopoompámai kon i Tuhan. Intau tatua musti hukumon dapot in matoi,

LUKAS 12:47

Bobantung mita inta ain nonotaau kon onu in kinoibog i tuangnea táe diá mobasadia bo diá doman mogaid kon inta kinoibog i tuangnea tua, yo sia in totokbí in ḷuntaan.

LUKAS 23:34

Bo ki Yesus in nosambayang, “Amá ampungaidon in mosia sin diábí kinotaauan monia onu inaidan monia naa.” Onda intua, pakeang i Yesus sinilaidon monia kon tua táe munapa inundi.

OUMAN IN RASUL MITA 22:4

Akuoi ain nomogutú kon intau mita inta nopirisayadon kon totundú inta nobagu tua. Mosia komintan, pinomayá ḷoḷaki ande bobay, sinokodomokku bo pinobonu kon ponjara.

OUMAN IN RASUL MITA 3:17

Utat mita! Tanaa in kinotaauankudon kon onu inta inaidan monimu bo in itoimu mita kon i Yesus popisíbí in diá kinotaauan monimu in onu inta pinomia monimu tua.

OUMAN IN RASUL MITA 8:3

Táe ki Saulus in totokdon moḷongasi momogutú kon jamaat mita tatua. Sia in maya-mayá mako kon baḷo-baḷoiannea bo motayak kon jamaat ḷoḷaki bo bobay inta mopirisaya kon i Tuhan sin poḷuaion kon kotá tatua bo bayáan bonuon kon ponjara.

OUMAN IN RASUL MITA 9:1

Wakutu intua ki Saulus umuranpabí mogogondok bo moḻimod kon bayongan intau inta ain nopirisaya kon i Tuhan Yesus. Sia in minayá kon i imang moḷoben,

OUMAN IN RASUL MITA 9:13

Ki Ananias in noguman, “Tuhan, aindon dinongogku kon bayongan intau, kon nobayongdon totok intau in pinogutú bo iḻimod in intau tatua kon Yerusalem, intau mita inta mopirisaya kon i Tuhan Yesus.

OUMAN IN RASUL MITA 9:5

Dá ki Saulus in noḻibó, “Ki ine in Iko Tuang?” Dá kain tubag in singog tatua, “Akuoi naa in ki Yesus inta pinogutúmu tua.

KORINTUS 1 15:9

Sin akuoibí naa in rasul inta totok in mohina kon sigad in bayongan rasul, sin akuoi in nomogutú kon bayongan jamaat i Allah.

KORINTUS 1 7:25

Sabanarnea akuoi in diábí notarima kon parenta i Tuhan kon soaḷ intau mita inta diápa nokipobuḷoi. Táe saḷaku intau inta mopirisaya inta ain inogoian-Nea in totabi inta motaau pirisayaanmai, dá mononggina in akuoi.

GALATIA 1:13

Kinodongogan bidon monimu in kobobiagku koḻipod wakutu in akuoi agamapa Yahudi. Wakutu intua diábí in tabiku in momogutú kon jamaat mita i Allah, totokbí in ramujionku putúan in mosia.

PILIPI 3:6

Popisí in moḷoben totok in ibogku dumudui kon hukum in agama tatua, dá ḷongasionku pogutúon in jamaat. Aka nilaion podoyon kon hukum in agama Yahudi yo akuoi naa intaubí mopia bo motoindudui.

TIMOTIUS 1 1:16

Táe popisíbí in kaadaanku natua, dá sinotabi i Allah in akuoi bo bá moniatadon in kososabar i Kristus Yesus kon inakó, intau inta totok in binaradosa. Bo naadon in mobaḻí contoh kon bayongan in intau inta aka mopirisayadon kon i-Nia bo inta mokouḻí kon kobiagan mopia bo mononoi.

IBRANI 4:16

Tuamai, koḻigai in kita dika moondo-ondok in mayá kon tayowon i Allah inta nomarenta takin pia in gina. Motabibí in ki Allah kon i naton bo ogoian-Neabí in barakat, sahingga motarimabí in kita kon totuḷung-Nea aka kon wakutuneadon.

PETRUS 1 2:10

Koḻipod moiko in deemanbí umat i Allah, táe masai in naa moiko in nobaḻídon umat i Allah. Koḻipod moiko in diá kinotabi i Allah, táe masai naa moiko ain notarima kon totabi-Nea.