TESALONIKA 1 4:2 - Alkitab Singog In Mongondow Masa In Tanaa

² Sin kinotaauan bidon monimu in totundú mita inta pinotaau nami kon i monimu pinodudui in kawasa i Tuhan Yesus.

TESALONIKA 1 4:2 ပူးပေါင်းရင်းမြစ်များ

YEHEZKIEL 3:17

“Ei intau ilo-ilow, iko in duíon-Ku mobaḻí moḷoḷukad in bangusa in Israel. Poyaputdon kon i monia in tompoingat inta inogoi-Ku tanaa.

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

KORINTUS 1 9:21

Aka kon tayowon intau mita inta deeman Yahudi, akuoi in ná bí doman onda bo mosia, inta diá motoindudui kon hukum i Musa. Tua komintan inaidanku sinbá moidudui kon inakó in mosia bo mobaḻí komintan dumodudui i Kristus. Táe deemanbí makusudku moḷawang kon i Allah; sin parentabí mita i Kristus in nongawasa kon inakó.

TESALONIKA 1 4:1

Pangabisannea uḻe utat mita, naa in poigumon nami takin tonggina kon i monimu inta pinodoyon kon kawasa i Tuhan Yesus, sinundúdon bo ain inontong monimu kon inami naonda in kobobiag podudui kon inta mokosanang kon gina i Allah. Moiko in nobiag bidon natua, táe tanaa pinodoyon kon kawasa i Yesus, kami in mopoigum totok kon i monimu bo mokiramuji sinbá totu-totuudon in moiko mogaid kon tua komintan!

TESALONIKA 1 4:3

Nanaa in kinoibog i Allah: Ibogon-Nea moiko in mobiag tongábí kon bonu in kawasa-Nea; mobiag modarit kon bayongan in yagi-yagi bo yumayú kon oaid mita mokotor bo inta diá mopia.

TESALONIKA 2 3:10

Sin kon wakutu in kami kon yua-yuakpa monimu naa in atorang inta pinoguman nami kon i monimu, “Aka intau doí mogaid yo donaai mongaan in sia.”

TESALONIKA 2 3:6

Utatku mita, podoyon kon tangoi i Tuhan Yesus Kristus, kami in moguman kon i monimu sinbá moiko in umuran mokopoyayú kon i monia inta maḷat bo doí dumudui kon onu inta sinundú mita nami kon i monia.