TAWARIKH 2 9:8 - Alkitab Singog In Mongondow Masa In Tanaa

⁸ Dinayo-dayowdon in ki Tuhan, Allah i Tuang! Inta ain noduí kon i Tuang nobaḻí datu sin momarenta pinodoyon kon tangoi-Nea, pinoontong-Nea kon totuu mosanang in gina-Nea kon i Tuang. Popisí in motabi in Sia kon umat in Israel bo ibogon-Nea sinbá mosia in umuran oyúon, dá dinuí-Nea in ki Tuang nobaḻí datu monia, sinbá ki Tuang in motaau mopobayá in hukum bo koadilan.”

TAWARIKH 2 9:8 ပူးပေါင်းရင်းမြစ်များ

SAMUEL 2 23:3

Ki Allah i Yakub ain nosingog; kon inakó moḷoḷukad in Israel in noguman: “Datu inta nomarenta kon rayat takin moadil inta nonongganut takin toindudui kon i Tuhan,

SAMUEL 2 8:15

Natuata in nobaḻí ki Daud nomarenta kon bayongan in Israel bo noḷukad sinbá rayatnea in umuran koadilon bo kopiaan in pomomarenta.

DATU MITA IMITÁNEA 10:9

Dinayo-dayowdon in ki Tuhan, Allah i Tuang! Inta ain noduí kon i Tuang nobaḻí datu in Israel, pinoniata i Tuhan kon totuu mopia in gina-Nea kon i Tuang. Diá modai-dait in tabi-Nea kon bangusa in Israel; tuamai in Sia noduí kon i Tuang nobaḻí datu monia sinbá ki Tuang motaau moposindog in hukum bo koadilan.”

DATU MITA IMITÁNEA 3:28

Kon dodai in bangusa in Israel nokodongog kon soaḷ bontow in tosingogon i Salomo kon bonu in pelekara tatua, nobangkaḷdon in mosia kon inia. Sin noniatadon kon ki Allah ain nobogoi kon inia in kabijaksanaan sin mopoaid in inta moadil.

TAWARIKH 1 17:22

Bangusa Israel in binaḻí-Mudon umat-Mu tontaní moidapot in mononoi. Bo Iko o Tuhan, in nobaḻí Allah monia.

TAWARIKH 1 28:5

Sia in nobogoi in adí nobayong kon inakó bo nongkon bayongan i adíku tatua piniḻí-Nea in ki Salomo sin momarenta kon Israel, dodatuan i Tuhan.

TAWARIKH 1 29:10

Kon tayowon in intau mobayong tatua ki Datu Daud nodayow kon i Tuhan. Sia in noguman, “Oo Tuhan Allah inta sinumba i Yakub mogoguyang nami, dinayo-dayowdon in Iko modapot in mononoi!

TAWARIKH 1 29:20

Nopaḷut mako nosambayang natua, ki Daud in noguman kon intau nobayong inta noyosipun kon tua, “Dayowdon in ki Tuhan Allahmu!” Dá bayongan in intau kon tua nodayow kon i Tuhan, Allah inta sinumba in mogoguyang monia. Bo sinumungkud in mosia sin mohoromat kon i Tuhan bo datu.

TAWARIKH 1 29:23

Dá inta nobaḻí toḻiu i Daud ki amánea, ki Salomo in iḻimitú kon ḷoḻitúan in datu inta ain sinantú i Tuhan. Sia in datu inta nokodapot kon oaidannea komintan bo kinobangkaḷ in bayongan in bangusa Israel.

TAWARIKH 2 13:8

Tanaa in kai monimu kamai mokoḷawangbí kon kawasa inta inogoi i Tuhan kon buí i Daud, popisí in mobarong totok in tontaramu bo oyúon in sapi buḷawan kon i monimu inta binaḻí i Yerobeam dewamu.

TAWARIKH 2 2:10

Bo mobaḻí tongkaaḷ kon intau mita i Tuang tua in pokidiakudon mangoi kon i Tuang in gandum inta doyowa norupa, kon batúannea in tumongo 2.000 noton, anggur in 400.000 noliter bo ḷana in zaitun in 400.000 noliter.”

TAWARIKH 2 2:11

Nobaḻí tubag in surat i Datu Salomo tatua, ki Datu Hiram in nokidia doman in surat inta nanaa in singognea, “Popisí in ki Tuhan notabi kon umat-Nea, dá sia in noduídon kon i Tuang nobaḻí datu monia.

TAWARIKH 2 9:7

Totuu moḷunganga in pogawai mita inta mobantung kon i Tuang bo inta umuran mogaid kon i Tuang moidapot in mokodongogdon nongkon i Tuang tontaní kon bayongan totundú inta mobijaksana!

TAWARIKH 2 9:9

Onda intua ki datu bobay in butá in Syeba tatua in nobogoidon kon i Salomo in tombuinag mita inta dinianea, tuata in noiḻiu kon 4.000 nokilo in buḷawan bo nobayong doman in batu permata takin pododungú mita. Diá bidon kon dodai in onda in ki Salomo in notarima kon pododungú mita inta totuu mopia ná inta inogoi i datu bobay in butá in Syeba tatua kon inia. (

MAZMUR 18:19

Mosia in nonubu kon inakó kon tungkuḷ in akuoi kinoantugan in bodito, táe ki Tuhan in nobaḻí mototuḷungku.

MAZMUR 22:8

Bayongan inta nokoontong kon inakó, noempeng kon inakó, noruit kon bibig bo nomombiḻing.

MAZMUR 72:2

Igumon mako sia in mohakim kon umat-Mu podudui in hukum, bo mopoaid in inta moadil kon intau inta dinorot.

MAZMUR 99:4

Kawasa in kon ini-Mu, datu inta motabi kon hukum; Iko in noposindogdon in inta mobanar; Iko in nopobayá in hukum bo kooadil kon Israel.

AMSAL 21:3

Oaid inta moadil bo mobanar in mokosanang totok kon gina i Tuhan moiḻiu kon bayongan in sosumba.

AMSAL 29:4

Aka mongongawasa bo monaridi kon inta moadil, yo ḻipúnea in motorindogbí. Táe aka doit in paraḷunea, yo morumbunbí in ḻipúnea.

YESAYA 42:1

Guman i Tuhan, “Naa in mogogundoi-Ku inta binaba-Ku, intau inta piniḻí-Ku inta mokosanang kon gina-Ku. Akuoi ain nobogoi in kawasa-Ku kon inia, sin modia kon koadilan kon batúan in bangusa.

YESAYA 62:4

Tangoimu in deeman bidon ‘Inta Sinaḷáan’, butámu deeman bidon ‘Inta Noingongow’. Iko in tangoion bidon, ‘Inta Kinotabi i Allah’, bo butámu in sinangoian, ‘Inta Ain Nonika,’ sin ki Tuhan in noibogdon kon inimu, Sia in nádon buḷoi ḷoḷaki kon butámu.

YESAYA 9:7

Ki Tuhan ain nopoḷabú in hukuman kon dodatuan in Israel.

ULANGAN 7:8

Táe ki Tuhan nomiḻí kon i monimu sin motabi in Sia kon i monimu bo mogintompod kon dandi inta pinomia-Nea takin mogoguyangmu. Tuamai in noposaḷamat in Sia kon i monimu takin kawasa inta moḷoben bo nopoḷuat kon i monimu nongkon kawasa i datu in Mesir.