TAWARIKH 2 9:4 - Alkitab Singog In Mongondow Masa In Tanaa

⁴ pogogogaid in pogawai mita in komaḻignea, bo ḷambung soragam takin baḷoi mita monia. Inindoiannea in kaanon mita inta inoḷud, bo ḷambung in bobantung mita inta nobantung kon rame; inindoiannea doman in kuruban inta pinosumba i Salomo kon Baḷoi Tuhan. Bayongan intua nokotongaw kon i datu bobay nongkon butá in Syeba tatua.

TAWARIKH 2 9:4 ပူးပေါင်းရင်းမြစ်များ

DATU MITA IMITÁNEA 10:5

pogogaid in pogawainea mita kon komaḻignea, bo pakeang moyotakin bo baḷoi mita monia. Inindoiannea doman in kaanon bo oinumon inta inoḷud, pononoḻisí in bobantung mita kon rame, bo kuruban mita inta pinosumba i Salomo kon Baḷoi Tuhan. Bayongan intua nokoherang nodapot in noitongau in ki datu bobay nongkon butá in Syeba tatua.

DATU MITA IMITÁNEA 5:2

Bo ki Salomo in nokidia doman in koyow tanaa kon i Hiram,

DATU MITA IMITÁNEA 5:3

“Datu Hiram Inta Momulia! Tantú kinotaauan bidon i Tuang kon ki amáku ki Daud in umuran pakisa moparang sin tubuonmai in musung nongkon butá mita inta kon diugmai nami. Bo popisí in ki Tuhan diápa nobogoi in kauntungan kon inia nongkon bayongan in musungnea, dá diápa in sia nokoposindog in tampat pososumbaan kon i Tuhan Allahnea.

DATU MITA 2 16:18

Bo podondouḷug kon gina i datu in Asyur, ki Ahas in nongokai kon dangkuḷon i datu kon Baḷoi Tuhan, bo noḻingkop kon ngara tumuot inta tongá tuotan i datu.

TAWARIKH 1 9:18

Noidapot in singgai naa intau mita nongkon inanakan monia in pinoki ḷukadan in Bonawang in Datu kon dotá in pomukaan. Dungkuḷmai intau mita nongkon inanakan monia in pinoki ḷukadan in bonawang mita inta mopobayá ná pinononḷoḷaigan in intau in Lewi.

TAWARIKH 2 23:13

Inontongnea in datu inta mobagu tatua sinimindog kon ngara tumuot kon Baḷoi Tuhan, kon tampat inta pinoduían kon inia, iḻibu in porwira mita bo intau inta mogogirup kon torompet. Bayongan in rayat norogiow nopia-pia in gina poḷat doman nogirup kon torompet, bo intau mita inta mogogogitog in musik kon Baḷoi Tuhan dinumudui doman noginrame kon pinoramean tatua takin nopomaké in pakakat mita in musik monia. Takin sakí in gina ki Atalya nomerak kon ḷambungnea bo nomaḷú, “Bangkang! Bangkang!”

TAWARIKH 2 9:3

Ki Datu bobay tatua in nokoontongdon tontaní kon námai tua in kopopandoi i Salomo. Sia in noindoi kon komaḻig inta pinosindog i Salomo,

TAWARIKH 2 9:5

Dá nogumandon in sia kon Datu Salomo, “Bayongan inta dinongogku kon butáku soaḷ ki Tuang bo kabijaksanaan i Tuang, in totuubí!

NEHEMIA 1:11

Indongogaipa in sambayangku bo sambayang in bayongan mogogundoi-Mu mita ibanea, inta moibog mohoromat kon ini-Mu. Tuḷungaipa sinbá kon singgai in naa mogogundoi-Mu in mokouḻídon kon totabi nongkon i datu.” Kon dodai intua akuoi in mopoposadia in oinumon i datu.

MAZMUR 119:81

Ginaku in totokbí in mokotanob kon kasaḷamatan nongkon ini-Mu; akuoi in mogoḷat mako kon dandi-Mu.

MAZMUR 143:7

Ḷagidon kaasí tubagai in akuoi, o Tuhan, sin diádon in kamangku. Dika mogadop kon inakó, sinbá akuoi in diá ná intau inta ain noponag kon dunia in intau minatoi.

AMSAL 9:5

“Koḻigai mokaan kon kaanonku bo monginum kon anggur inta ain pinomiaku.

DONDONG MOḶANTUD 5:8

Podandidon, ei mongodeaga mita in Yerusalem, aka moyodungkuḷ in batoḷ in dodobku, potaaudon kon inia, kon takitku naa in takitbí in tanob.

YEHEZKIEL 44:3

Táe mongongawasa inta nomarenta in motaaubí mayá in bonawang tatua sin mokaan kon kaanon motusi kon tayowon-Ku. Sia in mustibí tumuot mongin yuang moḷoben bo mobui mongin tua doman.”

YEHEZKIEL 46:2

Kon singgai mita tatua mongongawasa in mustibí tumuot nongkon palas kon ḷuai mongin yuang moḷoben bodongka simindog kon diug in oigi in bonawang, kon dodai in imang mita moposumba in kuruban payongon bo kuruban dodamean nongkon mongongawasa. Kon ngara in bonawang tatua sia in mustibí dumokó bo mosumba kon i Tuhan, bodongka mayá. Onda intua modapot in doḷom, bonawang tatua in diábí motaau ḻingkopan.

DANIEL 10:17

Akuoi in naonda bo bobantung tobatú inta sinimindog mako kon tayowon i tuangnea. Naondabí in pongongumanku kon i Tuang? Ropotku in nodaitdon bo mosisí in poginaanku.”

MATIUS 6:29

táe poguman-Kudon kon i monimu ki Salomo in nobiag nooyúon totok táe diábí kon dodai onda in nogiḷambung ná kogaga in bungang mita tatua!

LUKAS 12:37

Momujur totok in bobantung mita inta kinotambakanmai i tuangnea umuran mogoḷat mako kon koangoian i tuangnea tatua. Pirisayabí: ki tuang tatua in baḷúbí mobasadia bo moguman kon bobantungnea mita tatua ḻimitú, bo siapa tontaní in mobantung kon i monia.

WAHYU 1:17

Naonda in akuoi nokoontong kon i-Nia, akuoi noitungkud kon tayowon-Nea naonda bo intau minatoi. Táe ḻima-Nea koḷanan in noyapu kon inakó bo poḷat noguman kon inakó, “Dika moondok! Akuoi naa in ki Inta Totok Muna-munamai bo ki Inta Pangabisan.

WAHYU 3:20

Indoiai! Akuoi in sinimindog kon tayowon in ḷoḻingkop bo nonangkokó. Aka oyúon in intau nokodongog kon singog-Ku bo momukat kon ḷoḻingkop; dá tumuot in Akuoi bo mokipodungkuḷ kon inia bo mongaan moyotakin in kaminda.