TAWARIKH 2 9:29 - Alkitab Singog In Mongondow Masa In Tanaa

²⁹ Ouman ibanea kon i Salomo nongkon pinomangkoian nodapot in imbuitnea in pinaisdon kon bonu in buk Ouman kinobiagan i Nabi Natan bo kon bonu in buk Pinopotaauan muna i Nabi Ahia intau in Silo, bo kon bonu in buk Wahyu i Nabi Ido, inta nomais doman kon ouman pinomarentaan i Yerobeam datu in Israel.

TAWARIKH 2 9:29 ပူးပေါင်းရင်းမြစ်များ

SAMUEL 2 12:1

Nopaḷut mako kon tua ki Tuhan in nopotabá kon i Nabi Natan minayá nokipodungkuḷ kon i Daud. Minayá in ki Natan kon inia bo noguman, “Oyúon in intau doyowa in nogutun kon kotá tobatú; Tobatú in nobiag nooyúon bo inta tobatú doman in nobiag nobogá.

SAMUEL 2 12:25

bo pinoki tontangoi kon i Nabi Natan in adí tatua ki Yedija, sin ki Tuhan notabi kon inia.

DATU MITA IMITÁNEA 1:8

Táe ki Imang Zadok, ki Benaya adí i Yoyada, ki Nabi Natan, ki Simei, ki Rei bo moḷoḷukad kon i Datu Daud in doíbí kon i Adonia.

DATU MITA IMITÁNEA 11:26

Intau ibanea inta nomarontak noḷawang kon i Salomo in pogawainea tobatú inta ki Yerobeam in tangoinea. Sia in ki adí i Nebat nongkon Zereda kon Epraim. Ki inánea in dongkadon boba-bobay, ki Zerua in tangoinea.

DATU MITA IMITÁNEA 11:29

Kon singgai tobatú ki Yerobeam in iḻumuai nongkon Yerusalem. Kon daḷan kon tampat popokaanan in biag, sia in inangoi i Nabi Ahia nongkon Silo inta kon dodai intua nogi jubah mobagu.

DATU MITA IMITÁNEA 14:2

Noguman in ki Yerobeam kon i buḷoinea, “Posadiadon sin mayá in Silo kon baḷoi in Nabi Ahia inta koḻipod noguman kon akuoi in mobaḻí datu in Israel. Táe tumon intau ibanea sinbá diá kotaauan in intau mongo ki ine in iko.

TAWARIKH 1 29:29

Kinobiagan i Daud nongkon pinomangkoian noidapot kon imbuitnea ain pinais kon bonu in buk Nabi Samuel, Nabi Natan bo Nabi Gad.

TAWARIKH 2 10:2

Kon tungkuḷ intua ki Yerobeam ki adí i Nebat in kon Mesirpa sin noḷagui kon i Datu Salomo. Kon dodai in kinodongogannea in ki Rehabeam, nobui in sia kon Israel.

TAWARIKH 2 12:15

Ouman soaḷ ki Rehabeam nongkon pinomangkoian nodapot in kinopaḷutannea bo pinomuíannea in pinais kon bonu in buk Ouman i Nabi Semaya bo kon bonu in buk Ouman i Nabi Ido. Kon sigad i Rehabeam bo i Yerobeam umuranbí mobaḻí in parang.

TAWARIKH 2 13:22

Ouman ibanea kon i Abia, bo bayongan in tosingogon takin oaidnea in pinaisdon kon bonu in buk Ouman i Nabi Ido.