TAWARIKH 2 9:24 - Alkitab Singog In Mongondow Masa In Tanaa

²⁴ Kon batúannea in mosia mamangoi kodia-dia in tombuinag kon i Salomo. Mosia in mobogoi in pakakat mita saḷaka, buḷawan, ḷambung, ḷoḷutam, pododungú mita, kabaḷo bo bagal. Natua in nobaḻí kon taongannea.

TAWARIKH 2 9:24 ပူးပေါင်းရင်းမြစ်များ

DATU MITA IMITÁNEA 10:10

Onda intua ki datu bobay nongkon butá in Syeba nobogoi kon i Salomo in tombuinag mita inta dinianea, inta noiḻiu kon 4.000 nokilo in buḷawan bo batu permata inta mobarong doman takin touḷut mita inta mongo bo mongobondu. Diá bidon kon dodai in onda in ki Salomo notarima kon touḷut mita mongo bo mongobondu inta námai tua in kobayong ná inta inogoi i datu bobay inta nongkon butá in Syeba tatua kon inia. (

DATU MITA IMITÁNEA 10:25

Mosia kon batúannea in mamangoi takin kodia-dia in tombuinag kon i Salomo. Mosia mobogoi in pakakat mita saḷaka, buḷawan, ḷambung, ḷoḷutam, touḷut mita mongo bo mongobondu, kabaḷo bo bagal. Natuata in nobaḻí muḷoi in taong.

DATU MITA IMITÁNEA 9:14

Noiḻiudon kon 4.000 nokilo in buḷawan in pinoki dia i Hiram kon i Salomo.

TAWARIKH 2 17:11

Sia in notarima kon nobayong in saḷaka nongkon intau in Pilistin bo tombuinag mita ibanea, bo nongkon intau in Arab sia in notarima kon 7.700 in domba bo 7.700 in bembé.

TAWARIKH 2 9:23

Bayongan in datu moḷongasi mokipodungkuḷ kon i Salomo sin mokidongog kon totundú mobijaksana inta inogoi i Allah kon inia.

TAWARIKH 2 9:9

Onda intua ki datu bobay in butá in Syeba tatua in nobogoidon kon i Salomo in tombuinag mita inta dinianea, tuata in noiḻiu kon 4.000 nokilo in buḷawan bo nobayong doman in batu permata takin pododungú mita. Diá bidon kon dodai in onda in ki Salomo in notarima kon pododungú mita inta totuu mopia ná inta inogoi i datu bobay in butá in Syeba tatua kon inia. (

AYUB 42:11

Komintan ki guya-guyang ḷoḷaki bo ki utat bobay i Ayub, bo bayongan intau inta nogogintaauannea koḻipod, namangoi nokipodungkuḷ kon inia bo nononbobutungan noyotakinnea kon baḷoinea. Mosia in noguman kon noitakin doman morobonoḷ in gina monia kon bayongan bodito inta pinoantug i Tuhan kon inia, bo noḻipoi kon inia. Mosia kon batúannea nobogoi in doit bo sising buḷawan tobatú kon i Ayub.

MAZMUR 68:30

Datu mita in nodia kon sosumba kon ini-Mu kon Baḷoi-Mu kon Yerusalem.

MAZMUR 72:10

Datu mita in Tarsis bo ḻibuton mita in modiabí kon sosumba kon inia. Datu mita in Arab bo in Etiopia in mamangoi modia kon iba.

HAKIM MITA 3:15

Táe naonda in umat Israel nokuani nokituḷung kon i Tuhan, inogoi i Tuhan in ki Ehud sin nopoḷuat kon i monia. Ki Ehud naa in ḻimanea koḷoigi in moropot; sia in ki adí i Gera nongkon suku Benyamin, bo sia tua inta biasamai mogatod kon i Datu Eglon kon iba inta musti uboḻian in umat in Israel.

SAMUEL 1 10:27

Táe tongonumai in intau moraat noguman, “Umpaka yo intau tanaa oyúon in mangaḻenea kon inaton?” Mosia mopoonagmai kon i Saul bo diá nobogoi in tombuinag kon inia. Táe tongábí in sia ki ubo uboḷmai diá nonotaau kon tua.