TAWARIKH 2 9:22 - Alkitab Singog In Mongondow Masa In Tanaa

²² Ki Datu Salomo in mooyu-oyúon bo mobija-bijaksana nongkon datu nongkon ondakabí in kon dunia naa.

TAWARIKH 2 9:22 ပူးပေါင်းရင်းမြစ်များ

DATU MITA IMITÁNEA 5:11

Bo ki Salomo in nobogoidon in kokaanon kon intau mita inta kon komaḻig i Hiram tua. Muḷoi in taong ogoi i Salomo kon i Hiram in 322.500 nokilo in gandum bo 4.400 noliter in ḷana zaitun taakan.

DATU MITA IMITÁNEA 5:9

Intauku mita in modiabí kon kayu tatua mosiḻig nongkon Libanon mopobayá in dagat. Bain kon tua bo pangkoi mita in kayu tatua togoton monia tonggakiton bo iḻigon monia pongin dagat pobayá in tampat inta koibog i Tuang. Kon tua in gakit mita tatua kokaion bo ogoi kon intau mita i Tuang sin pogaid moiduduimai. Nongkon i Tuang, poigumonku sinbá ki Tuang moposadiadon in kokaanon kon intau mita inta kon komaḻigku.”

TAWARIKH 2 1:12

Tuamai in kabijaksanaan bo pongotahuan in ogoi-Kubí kon inimu. Koḻikud intua baḻíon-Kubí in iko mobiag mooyúon totok, moiḻiu kon kooyúon bo moiḻiu kon tangoi in datu nongkon ondakabí pinomayá dungkuḷmai andeka kon singgai moiduduimai.”

TAWARIKH 2 9:23

Bayongan in datu moḷongasi mokipodungkuḷ kon i Salomo sin mokidongog kon totundú mobijaksana inta inogoi i Allah kon inia.

MAZMUR 89:27

Sia in mogumanbí kon i-Nakó, ‘Ikobí in ki Amáku, ki Allahku, mogogoḻingoiku bo mopoposaḷamatku.’

MATIUS 12:42

Kon wakutu in Pohakiman, bokí nongkon dotá in Toḷatan mobangon moyotakin in intau masa in naa bo tumakin doman mohukum. Sin bokí tatua in namangoi nongkon popod in dunia sin mokidongog kon totundú i Salomo. Táe kon naa inta sinimindog mako in noiḻiubí kon i Salomo!”