TAWARIKH 2 9:21 - Alkitab Singog In Mongondow Masa In Tanaa

²¹ Nobayong doman in kapaḷ moḷoben i Salomo inta ḷumeag kon daga-dagatannea moyotakin in kapaḷ mita i Datu Hiram. Toḷu notaong in komintan kapaḷ mita tatua in mobui modia mangoi kon buḷawan, saḷaka, gading, boḷai bo ḷagapan merak.

TAWARIKH 2 9:21 ပူးပေါင်းရင်းမြစ်များ

DATU MITA IMITÁNEA 10:22

Mobayong doman in kapaḷ moḷoben i Salomo inta ḷumeag moyotakin in kapaḷ mita i Datu Hiram. Toḷu notaong in komintan kapaḷ mita tatua mobui modia kon buḷawan, saḷaka, gading, boḷai bo ḷagapan merak.

TAWARIKH 2 8:18

Ki Datu Hiram in nopoangoi in kapaḷ mita kon inia inta dinia in intau mita in kapaḷ i Hiram noyotakin in intau mita in kapaḷ inta kopongalamandon. Iḷumeag in mosia minayá in butá in Opir noyotakin in intau mita i Salomo bo nogamá kon 15.000 nokilo in buḷawan kon tua bodongka dinia kon i Salomo.

TAWARIKH 2 9:20

Bayongan in pakakat pongonginuman i Salomo in pinomiabí nongkon buḷawan, bo bayongan in pakakat in Baḷoi in Kayuon Libanon tua in pinomiabí doman nongkon buḷawan taakan. Kon tungkuḷ i Salomo, saḷaka in inanggapbí diá koboḻi.

AYUB 39:13

Totuu moḻikat in ḷoḷayug in ḷagapan unta! Táe diá in sia mokotongkai kon ḷoḷayug in ḷagapan bangow.

MAZMUR 72:10

Datu mita in Tarsis bo ḻibuton mita in modiabí kon sosumba kon inia. Datu mita in Arab bo in Etiopia in mamangoi modia kon iba.

YEREMIA 10:9

Sia in inaipan in saḷaka bo buḷawan inta dinia nongkon Spanyol bo kotá in Upas, tua komintan aidbí in ḻima in mongongurig bo mononontaḷ kon buḷawan. Pakeangnea in nongkon kaeng nokamumu nogurang bo kaeng nokamumu noguod, pinomia in mogogaboḷ mita kinopia totok.

YEHEZKIEL 27:12

Iko in nopotaḷui in pakakat mita in daganganmu inta mobayong totok tua kon Spanyol, bo inta nobaḻí uboḻinea kon inimu in saḷaka, uatoi, tangat mobudó bo tangat morondí.

YEHEZKIEL 27:15

Intau in Rodus nodagang doman takinmu bo intau mita inta nogutun kon pintad in notaḷui kon pakakat mita inta pinotaḷuimu takin uwaḷa bo kayu moyondí.

YUNUS 1:3

Táe ki Yunus in tongábí minayá in kotá ibanea sin yumayú kon i Tuhan. Sia in minayá in Yope, noikoḷatbí nokouḻí kon kapaḷ inta mopobayá in Spanyol. Naonda in noguboḻi mako kon tondan in takoiannea, sinumakoidon in sia kon kapaḷ, bo dongka iḷumeag noyotakin in intau mita in kapaḷ nopobayá in Spanyol, sin yumayú kon i Tuhan.