TAWARIKH 2 9:2 - Alkitab Singog In Mongondow Masa In Tanaa

² Bayongan inta iḻibónea tua nodaitbí kinotubagan i Salomo, diábí tobatúmai in moyoyiganea tubagan.

TAWARIKH 2 9:2 ပူးပေါင်းရင်းမြစ်များ

DATU MITA IMITÁNEA 3:12

dá onu inta pinoigummu tatua in ogoi-Kubí. Baḻíon-Ku in iko mobija-bijaksana bo mopando-pandoi nongkon i inekabí doman, pinomayá kon dungkuḷmai andeka kon singgai moiduduimai.

DATU MITA IMITÁNEA 4:29

Ki Allah in nobogoi kon i Salomo in kabijaksanaan, bo pandoi inta diá in poḻiu, bo pongortian inta totok in moako.

TAWARIKH 2 9:1

Datu Bobay in butá in Syeba in nokodongogdon kon ki Salomo in ponango-nangoiandon totok. Dá namangoi in sia in Yerusalem sin monungkuḷ kon i Salomo pinongin tangkí mita inta mongobogat tubagan. Namangoi in sia kotaki-takin in intaunea mita mobayong bo unta inta dinatogan in noyagi-yagimai in pododungú mita, batu permata, bo mobayong doman totok in buḷawan. Kon tungkuḷ in noyodungkuḷ i Salomo, ki datu bobay tatua noḻibódon kon noyagi-yagimai inta kinoraiannea.

TAWARIKH 2 9:3

Ki Datu bobay tatua in nokoontongdon tontaní kon námai tua in kopopandoi i Salomo. Sia in noindoi kon komaḻig inta pinosindog i Salomo,

AMSAL 13:20

Intau inta moyobayat takin in intau mobijaksana, in mobaḻíbí mobijaksana; intau inta moyobayat in intau bodok, in moboditobí.

AMSAL 18:4

Tosingogon in intau in naonda bo pangkoi in kobobijaksana, modaḷom naonda bo baḷangon, moonow ná tubig inta moiḻig.

MARKUS 4:11

Dá ki Yesus in noguman kon i monia nanaa, “Moiko inogoiandon in totabi monotaau kon onu inta noibuni soaḷ naonda in ki Allah momarenta saḷaku Datu. Táe kon intau mita inta kon ḷuai sinundú pinongin poumpamaan,

MARKUS 4:34

Ki Yesus umuran nomaké in poumpamaan aka motundú kon intau mita tatua. Táe aka kon murí-Nea mita, yo daiton-Neabí insilangan.

YOHANES 15:15

Moiko in diá bidon oiníon-Ku ata, sin aka ata yo diábí kotaauannea onu in yogot aidan i tuangnea. Moiko in inoiní-Ku Yobayat, sin bayongan inta ain dinongog-Ku kon i Amá in pinotaau-Kudon kon i monimu.

KOLOSE 2:3

Ki Kristusbí tua in mobuká kon bayongan pandoi bo pongotahuan i Allah inta koḻipod noibunipa.

IBRANI 4:12

Sin pirman i Allah tatua in singogbí inta nobiag bo moropot bo Siabí in moḷani-ḷanit nongkon pitow inta doyowa in matanea. Singog tatua in tumurak nodapot in nopoyotondí in jiwa bo roho; boḻikatog bo tuḷan bobubuton, sahingga in kotaauanneadon totok in raian bo niat in intau.

YAKOBUS 1:5

Aka oyúon in kon sigad monimu in diápa totok mobijaksana; yo musti mopoigum kon i Allah, dá ogoianbí i Allah in kabijaksanaan in sia. Sin takinbí pia in gina bo tabi in ki Allah in mobogoi kon batúan in intau.