TAWARIKH 2 9:10 - Alkitab Singog In Mongondow Masa In Tanaa

¹⁰ Intau mita i Datu Hiram bo intau mita i Datu Salomo inta nodia kon buḷawan nongkon Opir sin ogoi kon i Salomo, in nodia doman kon batu permata bo kayu in sondana.

TAWARIKH 2 9:10 ပူးပေါင်းရင်းမြစ်များ

DATU MITA IMITÁNEA 10:11

Kapaḷ mita i Hiram inta nodia kon buḷawan nongkon Opir sin ogoi kon i Salomo, in nodia doman kon nobayong in batu permata bo kayu sondana.

DATU MITA IMITÁNEA 10:22

Mobayong doman in kapaḷ moḷoben i Salomo inta ḷumeag moyotakin in kapaḷ mita i Datu Hiram. Toḷu notaong in komintan kapaḷ mita tatua mobui modia kon buḷawan, saḷaka, gading, boḷai bo ḷagapan merak.

TAWARIKH 2 2:8

Kinotaauankubí kon intau mita inta mononaḷun kon kayu kon butá i Tuang in mopandoi momupuḷ kon kayu, tuamai in poigumonku ki Tuang in moibogpa mokidia mangoi kon inakó in noyagi-yagimai in kayu ḷokuyú bo kayu sondana nongkon Libanon. Bain akuoi mopotabá kon intauku mita sin motuḷung kon intau mita i Tuang,

TAWARIKH 2 8:18

Ki Datu Hiram in nopoangoi in kapaḷ mita kon inia inta dinia in intau mita in kapaḷ i Hiram noyotakin in intau mita in kapaḷ inta kopongalamandon. Iḷumeag in mosia minayá in butá in Opir noyotakin in intau mita i Salomo bo nogamá kon 15.000 nokilo in buḷawan kon tua bodongka dinia kon i Salomo.

TAWARIKH 2 9:11

Kayu tatua in pinaké i Salomo pinogaid kon tukad kon Baḷoi Tuhan bo in komaḻignea, bo pinomia doman kecapi bo gambus kon intau mita mododondong. Diápabí kon dodai in onda in natua in kon butá in Yohuda.)

TAWARIKH 2 9:9

Onda intua ki datu bobay in butá in Syeba tatua in nobogoidon kon i Salomo in tombuinag mita inta dinianea, tuata in noiḻiu kon 4.000 nokilo in buḷawan bo nobayong doman in batu permata takin pododungú mita. Diá bidon kon dodai in onda in ki Salomo in notarima kon pododungú mita inta totuu mopia ná inta inogoi i datu bobay in butá in Syeba tatua kon inia. (

AMSAL 31:14

Nongkon moyayú in sia modia mangoi kon kaanon, ná inta inaidan in kapaḷ mita in mododagang.