TAWARIKH 2 8:7 - Alkitab Singog In Mongondow Masa In Tanaa

^7-8 Bayongan in buí in bangusa in Kanaan inta diá motaau ḻimodon komintan in intau in Israel kon dodai in iḻimitú kon butá tatua, pinoki aidan i Salomo nobaḻí ata. Mosia tua in intau in Het, Amori, Peris, Hewi bo Yebus. Umaai in tanaa mosia tua in umuranpa doman ata.

TAWARIKH 2 8:7 ပူးပေါင်းရင်းမြစ်များ

KINOBAḺIAN 13:7

Bo nobaḻídon in bobayowan kon sigad in gombala i Abram bo gombala mita i Lot. (Kon tungkuḷ intua intau mita in Kanaan bo intau mita in Peris nogutunpa kon butá tatua.)

TAWARIKH 2 2:16

Kami in momupuḷbí kon kayu ḷokuyú nongkon buḷud in Libanon ná kobayong inta paraḷuon i Tuang, bo togoton tonggakiton, bo iḻigon pongin dagat modapot in Yope. Nongkon tua motaaudon akuton i Tuang diaan mayá in Yerusalem.”

TAWARIKH 2 8:6

Bo pinosindognea doman bui in kotá in Baalat, bo bayongan in kotá inta pototagúan kon tongkaaḷ, bo kotá mita doman inta pototagúan kon kereta mita in parang takin kabaḷonea. Bayongan in tomayá moposindog intua in kon Yerusalem, Libanon bo bayongan in butá kawasa nea in ain inaidannea.

EZRA 9:1

Naonda intua komintan nodaitdon inaidan, tongonumai in intau inta sinon itoi kon bangusa in Israel namangoi kon inakó. Mosia in nopotaau kon inakó kon rayat in Israel, noitakin doman in imang mita, bo intau mita in Lewi in diábí sinumondí kon bangusa mita inta nogutun kon diugmai tua, inta bangusa in Amon, Moab, Mesir, Kanaan, Het, Peris, Yebus bo Amori. Nodapotbí in imang mita bo intau mita in Lewi sinumakin doman nomia kon natua. Mosia komintan in nogaidon kon aid mita inta mokorongó inta inaidan in bangusa mita tatua.

ULANGAN 7:1

“Ki Tuhan Allahmu in modiabí kon i monimu mayá in butá inta bain pogutunan monimu, bo mobayongbí in bangusa inta poguntunon-Nea nongkon tua. Koonto-ontongmubí in Sia moguntun kon pitu in bangusa inta moḷobe-ḷoben bo moropo-ropot nongkon i monimu, tuata in intau mita in Het, Girgasi, Amori, Kanaan, Peris, Hewi bo Yebus.