TAWARIKH 2 8:5 - Alkitab Singog In Mongondow Masa In Tanaa

⁵ Kotá in Bet-Horon-Ḻimonik bo Bet-Horon-Ḻimonag pinosindognea bui nobaḻí kotá inta oyúon in poḷoḷukadan takin pinogaidan kon bonawang inta pinakéan in bonoboi in ḷoḻingkop.

TAWARIKH 2 8:5 ပူးပေါင်းရင်းမြစ်များ

DATU MITA IMITÁNEA 9:17

Bo ki Salomodon in noposindog bui in kotá tatua.) Nopomaké doman in ata in ki Salomo nokiposindog bui in Bet-Horon-Hilir,

TAWARIKH 1 7:24

Ki Epraim in kogadí kon adí bobay inta ki Seera in tangoinea. Sia tua inta noposindog in kotá mita in Bet-Horon Ḻimonag bo Bet-Horon Ḻimonik, bo kotá in Uza bo Seera.

TAWARIKH 2 14:7

Guman i Asa kon rayat in Yohuda, “Koḻigai in kita moginropot kon kotá mita takin modinding poḻibuon bo ḷangkeangnea mita takin doman bonawang bonoboinea. Kinawasaandon naton in butá tanaa sin kita in dinumuduidon kon ibog i Tuhan Allah naton. Sia in noḷukad kon i naton bo nobogoi in kaamanan kon bayongan in butá naton.” Dá nomangkoidon in mosia noposindong bo noginḷapat kon oaidan mita tatua pia-pia mako.

TAWARIKH 2 8:4

bo noginropot kon kotá in Tadmor kon padang gurun, bo noposindog bui in bayongan pototagúan kon tongkaaḷ kon Hamat.

TAWARIKH 2 8:6

Bo pinosindognea doman bui in kotá in Baalat, bo bayongan in kotá inta pototagúan kon tongkaaḷ, bo kotá mita doman inta pototagúan kon kereta mita in parang takin kabaḷonea. Bayongan in tomayá moposindog intua in kon Yerusalem, Libanon bo bayongan in butá kawasa nea in ain inaidannea.

YOSUA 16:3

Nongkon tua botok tatua pinobayá ná Toyopan kon butá in inanakan i Yaplet, nodapot kon Bet-Horon-Hilir, minayá nodapot kon Gezer, bo nopaḷuput kon Dagat Toyuak.

YOSUA 16:5

Moiduduimai naa in sigad mita in butá inta inogoi kon motoḷuadí mita inta kon bonu in suku Epraim. Kon dotá in pomukaan, botok tonsigad in butá monia pinangkoi nongkon Atarot-Adar nodapot kon Bet-Horon-Hulu,