TAWARIKH 2 8:18 - Alkitab Singog In Mongondow Masa In Tanaa

¹⁸ Ki Datu Hiram in nopoangoi in kapaḷ mita kon inia inta dinia in intau mita in kapaḷ i Hiram noyotakin in intau mita in kapaḷ inta kopongalamandon. Iḷumeag in mosia minayá in butá in Opir noyotakin in intau mita i Salomo bo nogamá kon 15.000 nokilo in buḷawan kon tua bodongka dinia kon i Salomo.

TAWARIKH 2 8:18 ပူးပေါင်းရင်းမြစ်များ

DATU MITA IMITÁNEA 10:22

Mobayong doman in kapaḷ moḷoben i Salomo inta ḷumeag moyotakin in kapaḷ mita i Datu Hiram. Toḷu notaong in komintan kapaḷ mita tatua mobui modia kon buḷawan, saḷaka, gading, boḷai bo ḷagapan merak.

TAWARIKH 2 9:10

Intau mita i Datu Hiram bo intau mita i Datu Salomo inta nodia kon buḷawan nongkon Opir sin ogoi kon i Salomo, in nodia doman kon batu permata bo kayu in sondana.

TAWARIKH 2 9:13

Pomuḷoi in taong ki Datu Salomo in motarima kon gogió bo 23.000 nokilo in buḷawan,

TAWARIKH 2 9:21

Nobayong doman in kapaḷ moḷoben i Salomo inta ḷumeag kon daga-dagatannea moyotakin in kapaḷ mita i Datu Hiram. Toḷu notaong in komintan kapaḷ mita tatua in mobui modia mangoi kon buḷawan, saḷaka, gading, boḷai bo ḷagapan merak.

MOHOHUTUBA 2:8

Sinipunku in saḷaka bo buḷawan inta inogoi saḷaku iba in datu mita inta kon butá inta kon bonu in kawasaku. Mododondong ḷoḷaki bo bobay moposanang in ginaku pinongin dondong mita monia. Oyúon doman in pahang mita tongonukabí in koibogku.