TAWARIKH 2 8:16 - Alkitab Singog In Mongondow Masa In Tanaa

¹⁶ Dá nopaḷutdon in pinogaidan kon baḷoi inta sinomayá i Salomo. Bayongan in oaidan, pinangkoi kon nopoukat in pondasi noidapot in noḷapat in Baḷoi Tuhan, inaidandon nopira.

TAWARIKH 2 8:16 ပူးပေါင်းရင်းမြစ်များ

DATU MITA IMITÁNEA 5:18

Natuata in mogogaid mita i Salomo bo mogogaid mita i Hiram takin intau mita nongkon kotá in Gebal noposadia in batu bo kayu sin pakéon pogaid kon Baḷoi i Tuhan tatua.

DATU MITA IMITÁNEA 6:37

Orotan in Baḷoi Tuhan tatua in pinomia kon buḷan Ziw, tuata in buḷan nogindua, kon bonu in taong noginggopat kon pinomarentaan i Salomo.

DATU MITA IMITÁNEA 6:38

Bo kon buḷan Bul, inta buḷan noginwaḷu, kon bonu in taong impuḷú bomitá kon pinomarentaannea, noḷapatdon in Baḷoi Tuhan tatua pinosindog i Salomo, noitombutung ná inta ain sinomayá. Pinomiaan kon baḷoi tatua pitu notaong in koonggotnea.

DATU MITA IMITÁNEA 6:7

Saḷabaku mita tatua in kayu mita ḷokuyú in Libanon. Ḷoḻingkop kon gopot mita indugangnea kon ḷundukan kon ḻimonag noiukat kon dotá in toḷatan, bo mopobayá ná ḷundukan nogindua bo nogintoḷu oyúon in tukad nomurow. Onda intua ki Salomo nomia kon ḷuntung in baḷoi tatua. Tuamai sia nomaké bilabag mita bo dopí nongkon kayu ḷokuyú Libanon. Koyogot pogaidan kon Baḷoi i Tuhan tatua, totokbí in diá kodongogan singog in popangkuḷ, boḻiung andeka pakakat mita uatoi, sin batu mita inta pinaké pinobaḷoi tatua ain sinadia muna kon dodai in kon tampatnea mita muna. Natuata in ki Salomo noposindog in Baḷoi i Tuhan tatua nodapot in noḷapat.

TAWARIKH 2 8:15

Bayongan in topotundú i Daud kon imang mita bo kon intau mita in Lewi soaḷ ontag mita bo soaḷ mita ibanea, dinuduiannea kinotoḷutui.

TAWARIKH 2 8:17

Nopaḷut mako kon tua ki Salomo minayá in Ezion-Geber bo Elot, kotá mita totubuan in kapaḷ kon pintad in Ḷuok in Akaba kon butá in Edom.