TAWARIKH 2 7:7 - Alkitab Singog In Mongondow Masa In Tanaa

⁷ Bo yuak in bosínea inta kon tayowon in baḷoi pooibadaan tatua inogoi i Salomo kon i Tuhan. Onda intua noposumba in sia kon tua in kuruban payongon, kuruban gandum bo ḷongó in biag sin baḻíon kuruban dodamean. Tua komintan in pinosumbanea kon tua sin mezbah bitú inta ain pinomianea in diá tugatan in bayongan sosumba tatua.

TAWARIKH 2 7:7 ပူးပေါင်းရင်းမြစ်များ

TAWARIKH 2 36:14

Koḻikud intua, Baḷoi Tuhan inta ain sinantú i Tuhan tontaní kon i-Nia, pinonajisdon in itoi mita in Yohuda, in imang mita bo in rayat, sin mosia in dinumudui nosumba kon berhala bo dinumudui kon kobobiag inta binaradosa nongkon bangusa mita inta kon diugmai monia.

TAWARIKH 2 4:1

Ki Datu Salomo nokiaid in mezbah tobatú nongkon bitú inta kobanat bo kooḷadnea in tumososiow nometer, bo koḷantudnea in 450 nosenti.

PINOGIAPAN 29:39

Tuata in atorang mita kon kuruban payongon, kuruban oḷudon, kuruban tubig in anggur, bo kuruban pondamean inta musti posumba monimu kon i Tuhan kon porayaanmu mita inta ain sinantú. Kuruban mita tatua in nobaḻí indugang kon kuruban mita inta posumba monimu sin moguboḻi kon dandi andeka kuruban ibog tontaní.