TAWARIKH 2 7:5 - Alkitab Singog In Mongondow Masa In Tanaa

⁵ Binaḻí kuruban dodamean ki Salomo noposumba in sapi 22.000 bo domba 120.000. Natuata in ki datu takin bayongan in rayat nomia kon upacara noposarakan in baḷoi ibada tatua kon i Tuhan.

TAWARIKH 2 7:5 ပူးပေါင်းရင်းမြစ်များ

TAWARIKH 1 29:21

Kon singgai noiduduimai mosia in noratá kon bobiagon sin posumba mobaḻí kuruban kon i Tuhan, bo sinilai kon bayongan in rayat. Koḻikud intua 1.000 in sapi koḷakian, 1.000 in domba koḷakian bo 1.000 in domba batánea inta iratá bo sinubá sibatu kon tudu in mezbah. Mosia in noposumba doman in anggur inta ain sinantú kon kuruban mita tatua.

TAWARIKH 2 1:6

Kon tayowon in Ḷoḷaigan tatua ki datu in noposumba kon tudu in mezbah bitú 1.000 in bobiagon nobaḻí kuruban payongon kon i Tuhan.

TAWARIKH 2 15:11

Kon singgai tatua mosia in noposumba kon i Tuhan in pitu nogatut in sapi bo pitu noribu in domba, inta inagow monia kon parang.

TAWARIKH 2 2:4

Tanaa moibog in akuoi moposindog in baḷoi poibadaan tobatú inta ain sinantú kon pohoromatan kon i Tuhan Allahku. Kon baḷoi tatua akuoi bo rayatku in moibada kon i-Nia takin motubá kon dupa inta mongo bo mongobondu, bo moposumba in roti oḷudon kon inia mokopotantú. Kon baḷoi doman tatua moposumbadon in kami in kuruban payongon muḷoi in doḷo-doḷom bo doḷom, muḷoi in singgai in Sabat, singgai moḷoben Buḷan Mobagu bo singgai mita inta ain sinantú sin mohoromat kon i Tuhan Allah nami. Sin, Sia in nomarentadon sinbá tua in umuran pomiaan in intau Israel modapot in kopaḷutannea.

TAWARIKH 2 30:24

Ki Datu Hizkia in nobogoi in sapi koḷakian 1.000 bo domba 7.000. Pogawai mita i Hizkia nobogoi in sapi koḷakian 1.000 bo domba 10.000. Bayongan in biag mita tatua inogoi kon rayat sin ratáan bo kaanon. Nobayong totok in imang in nopotusi in awak.

TAWARIKH 2 5:6

Ki Datu Salomo bo bayongan in rayat in Israel noyosipun kon tayowon in Poti Dodandian tatua bo noposumba kon i Tuhan in domba bo sapi inta diádon koiapan in kobayongnea.

TAWARIKH 2 7:4

Nopaḷut mako kon tua ki Datu Salomo bo bayongan in intau inta noyosipun kon tua noposumba in kuruban kon i Tuhan.

TAWARIKH 2 7:6

Imang mita sinimindog kon tampat inta ain sinantú kon i monia; noyogintayow in intau in Lewi inta nodayow kon i Tuhan nomaké in pakakat mita in musik inta pinomia i Datu Daud, sindaḷan nopodondong in dondong “Tabi-Nea in mononoi!” Pinodudui kon onu inta pinoguman i Daud. Imang mita in nogirup kon torompet bo bayongan in rayat in simindog.

YEHEZKIEL 45:17

Siabí inta musti motaḷui kon bobiagon inta pakéon kon kuruban payongon bo bahan mita inta mobaḻí kuruban gandum bo kuruban anggur kon bayongan in bangusa in Israel kon singgai mita moḷoben, Singgai moḷoben Buḷan Mobagu, singgai mita in Sabat bo singgai mita moḷoben ibanea. Sia in mustibí moposadia in kuruban potobut kon dosa, kuruban gandum, kuruban payongon, bo kuruban podamean sin mopoigum in ampung kon bangusa in Israel.”

MIKHA 6:7

Degá mopia in gina i Tuhan aka kita modia poangoi kon i-Nia in ribuan domba andeka mobayong totok in ḷana in zaitun? Musti degá posumba naton kon i-Nia in ki adí naton guya-guyang mobaḻí tontobut in dosa mita naton?

PINOGIAPAN 7:10

Intau mita moḷoben nodia kon sosumba sin pakéon kon upacara ponabisan kon mezbah. Naonda in mosia nosadiadon modia kon bobogoi monia kon tayowon in mezbah,

YOHANES 10:22

Kon Yerusalem intau mita koyogot morame kon Singgai Moḷoben Pinonoguḷapatan kon Baḷoi Tuhan. Dodai intua sempo in tumping.