TAWARIKH 2 7:13 - Alkitab Singog In Mongondow Masa In Tanaa

¹³ Aka diá in Akuoi mopoangoi in uyan andeka potabá-ku mangoi in pangkoḷá sin momoguyaat kon bungai in pinomuḷa andeka mopoangoi in yampoi kon umat-Ku,

TAWARIKH 2 7:13 ပူးပေါင်းရင်းမြစ်များ

AYUB 11:10

Aka domokon-Nea bo diaan in iko kon mahkama-Nea, yo ki ine in mokobaḻí moḷamboi kon aid-Nea?

AYUB 12:14

Onu in kinokai-Nea diábí motaau posindogon bui ki ine in dinakop-Nea diá bidon mokoḷuat bui.

MAZMUR 105:34

Podudui in parenta-Nea, namangoidon in pangkoḷá, totuu mobarong, diádon koiapan.

MAZMUR 107:34

Butá mopia binaḻí-Nea rawang simuton, popisí in aid moraat in intau mita inta nogutun kon tua.

YOËL 2:25

Toḻiuan-Kubí in bayongan in karugianmu kon taong mita kon tungkuḷ in bungai in boyómu kinaan in pangkoḷá. Sin Akuoibí in inta nopotabá mangoi kon paanan in pangkoḷá tatua kon inimu.

AMOS 4:7

Diá pinoonag-Ku in uyan kon tungkuḷ in pinomuḷamu moparaḷudon kon tubig. Akuoi in nopoonag in uyan kon kotá tobatú bo diábí in kon kotá ibanea. Gobá tobatú in inonag in uyan, táe gobá ibanea in noingkag.

PINOGIAPAN 14:12

Putúan-Ku in mosia takin mopouma in takit inta dumodakit. Táe iko in baḻíon-Ku guyanga ḷoḷaki nongkon bangusa tobatú inta moḷobe-ḷoben bo moropo-ropot nongkon i monia!”

LUKAS 4:25

Táe indongogai in singog-Ku naa: kon tungkuḷ i Nabi Elia, wakutu in kinodaitan kaanon sin toḷudon notaong kapin in diá nonguya-nguyan. Wakutu intua noantó in dongkadon boba-bobay kon Israel.

ULANGAN 11:17

Aka moiko ḻimimpat kon parenta mita tatua, ki Tuhan tumorú kon inimu. Diábí poonag-Nea in uyan; bo butámu in moingkagdon totok modapot in pinomuḷamu diá momungai. Dá diá moonggot bo matoi in moiko kon butá inta mopia inta inogoi i Tuhan kon inimu.

WAHYU 11:6

Oyúon in kawasa monia mogoḻingoi kon ḷangit sinbá diápa monguyan kon dodai in mosia mopotaau in Habar nongkon i Allah. Mosia inogoian doman in kawasa mongawasa kon bayongan bokaká sinbá mosia in motaau momaḷui kon tubig mobaḻí dugú; bo oyúon doman in kawasa monia mosambok kon butá naa takin mopoḷabú in bayongan inta mokororiga, toonukabí in koibog monia.

WAHYU 3:7

“Paisdon kon malaekat in jamaat kon Piladelpia nanaa: Naadon in koyow nongkon i-Nia inta Mokudus, Inta Mobanar bo ki Inta nokadai kon kokunsi i Daud; Aka Sia in mobuká yo diábí tobatúmai in mokoḻingkop; bo aka ḻingkopan-Nea, yo diábí doman tobatúmai in mokobuká.