TAWARIKH 2 7:1 - Alkitab Singog In Mongondow Masa In Tanaa

¹ Naonda in ki Datu Salomo nopaḷut mako nosambayang, tuḷú namonagdon nongkon ḷangit bo nomokak kon kuruban mita inta pinosumba kon i Tuhan. Bo sindar kinoangoian i Tuhan nomuḻing kon Baḷoi Tuhan tatua,

TAWARIKH 2 7:1 ပူးပေါင်းရင်းမြစ်များ

KINOBAḺIAN 15:17

Naonda in nodoḷomdon, indoianmai yo daḻíbí inontong in tuḷú popoyokan takin poḷombow inta koyongki-yongkit, bo sinumaḻib kon tapú mita inta ain iḷosi-ḷosi tatua.

DATU MITA IMITÁNEA 18:24

Pomayádon mako in nabi mita in Baal tatua mosambayang kon dewa monia, bo akuoi in mosambayangbí doman kon i Tuhan inta motubag takin mopoangoi in tuḷú, yo Siabí tua in Allah.” Bayongan in rayat notubag takin tosingogon inta moropot, “Moibog!”

DATU MITA IMITÁNEA 18:38

Bo pinopoangoidon i Tuhan in tuḷú nongkon ḷangit bo nomokak kon kuruban tatua takin kayunea mita, batunea mita bo butánea nodapot in tubig kon gotnea in nodaitnea dinilá.

DATU MITA IMITÁNEA 9:1

Naonda in nopaḷut mako in ki Salomo noposindog in Baḷoi Tuhan bo komaḻig takin bayongan inta sinomayánea,

TAWARIKH 1 21:26

Bo ki Daud in noposindog in mezbah tobatú kon tua sin posumbaan kon i Tuhan, bo noposumba in kuruban payongon bo kuruban dodamean. Onda intua sia nosambayang bo inindongogan i Tuhan in sambayangnea tatua takin nopoangoi in tuḷú nongkon ḷangit inta nomokak kon kuruban mita kon tudu in mezbah tatua.

MAZMUR 26:8

Akuoi in moibog kon Baḷoi-Mu, o Tuhan, pinogutunan-Mu inta notangkup in kamuliaan.

IḶUAIAN 19:18

Buḷud in Sinai tatua komintandon kinokoḷoban in poyok, sin ki Tuhan noponag kon tudunea kon bonu in tuḷú. Poyok tatua nodondon naonda bo poyok pinonuruban, bo bayongan buḷud nodandú totok in noropot.

IḶUAIAN 29:43

Kon tua Akuoi moyodungkuḷ in bangusa Israel, bo sindar in koangoian-Ku in mopotusi in tampat tatua.

YESAYA 65:24

Kon tungkuḷ in mosia diápa mopoigum Akuoi in motubag; kon tungkuḷ in mosia diápa mopaḷut mosambayang, Akuoi in notubagdon kon sambayang monia.

YEHEZKIEL 43:5

Roho i Tuhan nobingkat kon inakó bo dinianea in akuoi kon dangkuḷon dotá in bonunea; kon tua inontongku in Baḷoi Tuhan inta kinawasa in sindar kinoangoian i Tuhan.

YEHEZKIEL 44:4

Onda intua ḷoḷaki tatua nodia kon inakó minayá in bonawang kon dotá in utuan inta noyogintayowan in Baḷoi Tuhan. Sinaridianku mako, bo inontongku in Baḷoi Tuhan tatua kinokoḷubungan in sindar mopouḻi-uḻinag inta nobaḻí tomponuot kon kinoangoian i Tuhan. Bo inumobat in akuoi bo nosundud,

DANIEL 9:20

Akuoi in umuran nosambayang bo nongaku kon dosaku bo dosa in bangusaku Israel, bo nopoigum kon i Tuhan Allahku sinbá mopoyobui in baḷoi-Nea inta motusi.

MALEAKHI 3:4

Dá nádon kon dungkuḷmai, ki Tuhan in moibogdon kon kuruban mita inta posumba kon i-Nia in umat in Yohuda bo Yerusalem.

OUMAN IN RASUL MITA 4:31

Bo naonda in mosia nosambayang, tampat pinoyosipunan monia tatua in nodandú bo mosia komintan in kinawasa in Roho i Allah, dá mosia in diádon inangoian ondok in nopotaau in Pirman i Allah.

WAHYU 21:23

Kotá tatua diá bidon paraḷu simbayagan mata in singgai ande buḷan, sin kamuliaan i Allah aindon nokosimbayag kon tua, bo ki Adí in Domba in nobaḻí togánea.

HAKIM MITA 6:21

Onda intua malaekat i Tuhan nopotundú in tungkud inta kokada-kadainea nodapot in popodnea tatua noiḻiai kon ponoyá bo roti tatua. Dinumokot in batu tatua bo nodaitdon nopokak in ponoyá bo roti tatua. Onda intua malaekat tatua diádon inontong.