TAWARIKH 2 6:40 - Alkitab Singog In Mongondow Masa In Tanaa

⁴⁰ Tanaa, o Allahku, indoiaipa in kami bo indongogaipa doman kaasí in sambayang mita inta pinoyaput nami nongkon tampat tanaa.

TAWARIKH 2 6:40 ပူးပေါင်းရင်းမြစ်များ

DATU MITA IMITÁNEA 8:52

Igumon mako in Iko, o Tuhan Allah, umuran moindoimai kon umat-Mu Israel takin datunea. Bo moibogpa kaasí in Iko mokidongog kon sambayang monia pomuḷoi in mosia mokuani mokituḷung kon ini-Mu.

DATU MITA IMITÁNEA 9:3

Ki Tuhan in noguman kon inia, “Sambayangmu inindongogan-Kudon, dá tanaa in baḷoi inta pinosindogmu tanion poniata-Kudon kon mobaḻí tampat mokudus inta umuran mononoi pakéon posumbaan kon i-Nakó. Umuran-Kubí indoian mako bo ḷukadan in tampat tanaa.

DATU MITA 2 19:16

Tuhan, indoiaipa kaasí in onu inta koyogot in nobaḻí kon inami. Indongogaipa kaasí in singkuḻe i Sanherib kon ini-Mu, o Allah inta nobiag!

TAWARIKH 2 16:9

Ki Tuhan in noindoi kon sinangkub in dunia sin mobogoi in ropot-Nea kon intau mita inta mosatia kon i-Nia. Noitaḷádon in inaidanmu, tuamai nongkon tanaa iko in umurandon moyogintayow in parang.”

TAWARIKH 2 6:20

Igumon mako doḷom singgai Iko in moḷukad kon baḷoi tanaa inta ain piniḻí-Mu nobaḻí pooibadaan kon ini-Mu. Igumon mako nongkon tampat-mu kon soroga Iko mokidongog bo mongampung kon inakó bo intau in Israel, umat-Mu tua, aka kami in tumayow kon baḷoi tanaa bo mosambayang kon ini-Mu.

TAWARIKH 2 6:39

dá nongkon pinogutunan-Mu kon soroga igumon mako indongogan-Mupa kaasí in sambayang monia bo monotabi kon i monia. Ampungaidon kaasí in bayongan in dosa in umat-Mu.

TAWARIKH 2 7:15

Umuran-Kubí indoian in Baḷoi-Ku tanaa bo umuran moibog mokidongog kon bayongan in sambayang inta pinoyaput nongkon tampat tanaa.

NEHEMIA 1:11

Indongogaipa in sambayangku bo sambayang in bayongan mogogundoi-Mu mita ibanea, inta moibog mohoromat kon ini-Mu. Tuḷungaipa sinbá kon singgai in naa mogogundoi-Mu in mokouḻídon kon totabi nongkon i datu.” Kon dodai intua akuoi in mopoposadia in oinumon i datu.

NEHEMIA 1:6

Indoiaipa in akuoi o Tuhan, bo indongogaipa in sambayang inta pinoyaputku kon ini-Mu singgai doḷom sin kopontingan in umat Israel, mogogundoi-Mu tua. Akuonku kon kami, umat in Israel, ain binaradosa; akuoi bo mogoguyangku mita ain binaradosa doman.

MAZMUR 116:2

Inindongogan-Nea in akuoi, pomuḷoi in akuoi mokuani kon i-Nia.

MAZMUR 13:3

Modapot in toonu in akuoi musti mobaba kon roriga, bo moajar in gina kinoouput in singgai? Modapot in toonu akuoi kawasaan in musung?

MAZMUR 130:2

Tuhan, indongogaipa kaasí in kuaniku, indongogaipa kaasí in oigumku.

MAZMUR 17:1

Sambayang i Daud. Indongogaipa kaasí in kuaniku mopoigum in inta moadil, taridiaipa kaasí in sambayangku inta motuḻid, o Tuhan.

MAZMUR 31:2

Akuoi in mokioḻingoi kon ini-Mu o Tuhan, dika pomayá mako in akuoi pokudaion. Posaḷamatdon in akuoi podoyon kon kooadil-Mu

MAZMUR 34:15

Poyayúdon in inta moraat, bo aidaidon in inta mopia, ḷongasidon totok in mobiag mododamean.

MAZMUR 7:3

Dika pomayá mako in mosia naonda bo singa modomok bo mopomorot kon inakó bo diá in motuḷung kon inakó.

MAZMUR 88:1

Dondong. Mazmur in inanakan i Korah. Kon i itoi in mododondong. Podudui in dondong: Mahalat Leanot. Dondong topotundú i Heman, intau in Ezrahi.

YESAYA 37:17

Tuhan, indoiaipa kaasí in onu inta koyogot mobaḻí kon inami. Indongogaidon in bayongan singkuḻe i Sanherib kon ini-Mu, Allah inta nobiag.