TAWARIKH 2 6:32 - Alkitab Singog In Mongondow Masa In Tanaa

³² Aka intau ango-angoi nongkon butá inta moyayú mokodongog kon kamuliaan bo kawasa-Mu, bo Iko in umuranbí moibog motuḷung, bo mamangoi in sia kon Baḷoi-Mu sin mosambayang kon ini-Mu,

TAWARIKH 2 6:32 ပူးပေါင်းရင်းမြစ်များ

DATU MITA 2 5:15

Bo Nobuidon minayá in sia takin tumotakinnea kon i Elisa. “Tanaa in kinotaauankudon,” guman i Naaman kon i Elisa, “kon sinangkup in dunia tongábí tobatú in Allah, tuata in Allah inta sinumba in intau in Israel. Tuamai, in poigumonku bá moibogpa in ki Tuang motarima kon onu in ogoiku.”

DATU MITA 2 5:3

Kon singgai tobatú bobantung tatua in noguman kon i tuangnea, “Iná, aka kuma bo ki tuang moibog in mayá mokipodungkuḷ kon nabi tobatú inta nogutun kon Samaria, yo mopiabí i nabi tatua in ki tuang.”

DATU MITA 2 5:8

Kinodongogan i Nabi Elisa intua, bo nokidia in koyow tanaa kon i datu in Israel, “Nongonu sin mohawatirbí? Potabádon mangoi in intau tanion kon inakó sinbá kotaauanneadon kon naa kon Israel in oyúonbí in nabi tobatú!”

TAWARIKH 2 6:31

sinbá umat-Mu umuran motoguondok bo motoindudui kon ini-Mu kon bonu in mosia mogutun kon butá inta inogoi-Mu kon mogoguyang nami.

MAZMUR 136:12

pinongin ḻima inta moropot bo motorindog; tabi-Nea in umuran mononoi.

MAZMUR 89:13

Ikobí in nomaḻí kon utuan bo toḷatan, Buḷud in Tabor bo Hermon moronggiow kon ini-Mu.

IḶUAIAN 13:14

Aka kon singgai moiduduimai ki adímu moḻibó onu in mangaḻe in tua komintan, yo nanaa in pototubag monimu, ‘Takin kawasa inta moḷoben, ki Tuhan nodia kon i naton iḻumuai nongkon butá in Mesir, tampat pinononggataan kon i naton.

IḶUAIAN 6:6

Moiko in baḻíon-Ku umat-Ku, bo Akuoi in mobaḻí ki Allahmu. Dá kotaauandon monimu kon Akuoi naa in ki Tuhan, Allahmu, inta nopoḷuat kon i monimu nongkon pinononggataan kon Mesir.

YESAYA 66:20

Nongkon butá mita tatua mosia in modia bui kon i utatmu mita tongobangusa monag mobaḻí tombuinag kon i-Nakó. Mosia in modiabí kon intau mita tatua mayá in tombuḷud inta motusi kon Yerusalem takin tumakoi kon kabaḷo, keledai bo unta, bo takin kereta bo roda, ná biasamai intau in Israel modia mopobayá kon Baḷoi Tuhan sosumba gandum kon bonu in tampat inta modarit.

ZAKHARIA 8:22

Bo mobayong in intau bo bangusa inta moropot in mamangoi in Yerusalem sin mosumba kon i-Nakó ki Tuhan Inta Totok in mokawasa bo mopoigum in barakat-Ku.

MATIUS 12:42

Kon wakutu in Pohakiman, bokí nongkon dotá in Toḷatan mobangon moyotakin in intau masa in naa bo tumakin doman mohukum. Sin bokí tatua in namangoi nongkon popod in dunia sin mokidongog kon totundú i Salomo. Táe kon naa inta sinimindog mako in noiḻiubí kon i Salomo!”

MATIUS 2:1

Naonda in ki Yesus pinononggadídon kon Betlehem, kon tungkuḷ intua butá in Yudea pinareta i Datu Herodes, bo dodai intua namangoidon kon Yerusalem in intau mita in Mayusi nongkon Pomukaan.

YOHANES 10:16

Oyúonpabí doman in domba-Ku mita ibanea, inta diá noitakin kon paanan in domba tanaa. Mosia tua in mustibí doman diaan-Ku bo mosia in mokidongogbí kon singog-Ku. Mosia komintan in mobaḻí topaanan takin tobatú in gombalanea.

YOHANES 12:20

Kon sigad in intau mita inta minayá in Yerusalem sin moibada kon porayaan tatua oyúon doman in tongonumai intau in Yunani.

OUMAN IN RASUL MITA 2:10

Prigia, Pampilia, Mesir bo butá mita inta kon Libia inta kon diug in Kirene; bo oyúon doman in mokokiangoi nongkon Rum,

YOSUA 2:9

bo noguman kon i monia, “Kinotaauankubí kon butá tanaa inogoidon i Tuhan kon i monimu. Bayongan in intau kon naa moondokdon kon i monimu.

YOSUA 9:9

Mosia notubag, “Kami naa in namangoi nongkon butá inta totuu moyayú, Tuang, sin dinongogdon nami in soaḷ ki Tuhan Allah inta sinumba nai Tuang. Dinongogdon nami in bayongan inta pinomia-Nea kon Mesir,

RUT 1:16

Táe ki Rut in notubag, “Iná, Dikadon in ki Iná mopotabá kon inakó mobui bo monaḷámai kon i Iná! Akuoi naa in moibogbí dumudui kon i Iná. Kon ondakabí in bayáan i iná yo kon tuabí doman in bayáanku. Kon onda in pogutunan i Iná, yo kon tuabí doman in pogutunanku. Bangusa i Iná tua in bangusakubí doman. Ki Allah inta sinumba i Iná, in sumbaankubí doman.