TAWARIKH 2 6:20 - Alkitab Singog In Mongondow Masa In Tanaa

^20-21 Igumon mako doḷom singgai Iko in moḷukad kon baḷoi tanaa inta ain piniḻí-Mu nobaḻí pooibadaan kon ini-Mu. Igumon mako nongkon tampat-mu kon soroga Iko mokidongog bo mongampung kon inakó bo intau in Israel, umat-Mu tua, aka kami in tumayow kon baḷoi tanaa bo mosambayang kon ini-Mu.

TAWARIKH 2 6:20 ပူးပေါင်းရင်းမြစ်များ

DATU MITA 2 19:16

Tuhan, indoiaipa kaasí in onu inta koyogot in nobaḻí kon inami. Indongogaipa kaasí in singkuḻe i Sanherib kon ini-Mu, o Allah inta nobiag!

TAWARIKH 2 16:9

Ki Tuhan in noindoi kon sinangkub in dunia sin mobogoi in ropot-Nea kon intau mita inta mosatia kon i-Nia. Noitaḷádon in inaidanmu, tuamai nongkon tanaa iko in umurandon moyogintayow in parang.”

TAWARIKH 2 20:9

kon aka mosia in hukumon popisí in dosa mita monia, bo mosia in koantugan in parang, yampoi in takit, andeka malarat in gogoy, mosia in motaaubí mamangoi kon ini-Mu bo simindog kon tayowon in baḷoi pooibadaan tanaa. Kon bonu in roriga monia, mosia in motaaubí mosambayang kon ini-Mu, bo indongogan-Mubí poḷat motuḷung kon i monia.

TAWARIKH 2 6:19

Oo Tuhan, Allahku, akuoi in mogogundoi-Mu! Tongá indongogaipa kaasí in sambayangku, bo aidaipa in oigumku.

TAWARIKH 2 6:40

Tanaa, o Allahku, indoiaipa in kami bo indongogaipa doman kaasí in sambayang mita inta pinoyaput nami nongkon tampat tanaa.

TAWARIKH 2 7:15

Umuran-Kubí indoian in Baḷoi-Ku tanaa bo umuran moibog mokidongog kon bayongan in sambayang inta pinoyaput nongkon tampat tanaa.

NEHEMIA 1:6

Indoiaipa in akuoi o Tuhan, bo indongogaipa in sambayang inta pinoyaputku kon ini-Mu singgai doḷom sin kopontingan in umat Israel, mogogundoi-Mu tua. Akuonku kon kami, umat in Israel, ain binaradosa; akuoi bo mogoguyangku mita ain binaradosa doman.

MAZMUR 121:5

Ki Tuhan in moḷukadbí kon inimu, Sia in kon diugmubímai sin moḷukad kon inimu.

MAZMUR 33:18

Ki Tuhan in moḷukad kon intau mita inta mopirisaya inta mongamang mako kon tabi-Nea.

MAZMUR 34:15

Poyayúdon in inta moraat, bo aidaidon in inta mopia, ḷongasidon totok in mobiag mododamean.

DANIEL 6:10

Dá ki Datu Darius in notekengdon kon surat parenta tatua.

ULANGAN 12:11

Onda intua ki Tuhan Allahmu momiḻí kon tampat tobatú inta motaau posumbaan kon i-Nia. Kon tuata in musti monimu bayáan bo modia kon bayongan inta ain pinogumanku, tuata in kuruban payongon bo kuruban mita ibanea, sosumba mopuḷú noporosen bo sosumba inta pinonangoi inta pinodandimu kon i Tuhan.

ULANGAN 26:2

dá bungai in boyó inta muna nongkon bayongan inta sinipun monimu nongkon butámu in musti bonuon monimu kon kompé bo diaan monimu kon tampat inta ain piniḻí i Tuhan Allahmu.

KOLOSE 2:9

Sin bayongan in onu inta oyúon kon i Allah in tuadon komintan kon i Kristus, inta kon bonu in kaadaan-Nea saḷaku intau.