TAWARIKH 2 6:2 - Alkitab Singog In Mongondow Masa In Tanaa

² Tanaa in pinosindogkudon kon ini-Mu in Baḷoi inta mogaga, sin pogutunan-Mu mononoi.”

TAWARIKH 2 6:2 ပူးပေါင်းရင်းမြစ်များ

DATU MITA IMITÁNEA 8:13

Tanaa in pinosindogkudon kon ini-Mu in baḷoi inta mogaga, inta pogutunan-Mu mononoi.”

TAWARIKH 1 28:20

Onda intua ki Datu Daud noguman bui kon i Salomo adínea ḷoḷaki. “Iko in musti mokopoyakin bo mokopobarani. Pangkoidon in oaidan tatua bo dika moondok kon onuka. Ki Tuhan Allah inta sinumbaku in motuḷungbí kon inimu. Diábí in Sia monaḷámai kon inimu. Umuran-Neabí takinan in iko modapot in moḷapatdon komintan in oaidan tatua.

TAWARIKH 1 28:6

Ki Tuhan in noguman kon inakó nanaa, ‘Ki Salomo adímu in moposindogbí in baḷoi kon i-Nakó. Sia in piniḻí-Kudon nobaḻí ki adí-Ku, bo Akuoi in mobaḻídon ki amánea.

TAWARIKH 2 1:4

Táe Poti Dodandian i Tuhan in kon Yerusalem kon bonu in ḷoḷaigan inta pinosindog i Datu Daud sin potagúan kon Poti tatua kon dodai in pinampingnea nongkon Kiryat-Yearim.)

TAWARIKH 2 6:1

Ki Datu Salomo in nosambayang, “Oo Tuhan, Iko in moibo-ibogbí mogutun kon sindip in goḷom.

TAWARIKH 2 6:3

Nopaḷut mako nosambayang, ki datu in inimindoidon kon bayongan in rayat inta sinimindog mako kon tua, bo pinoigumannea kon barakat i Allah in mosia.

EZRA 7:15

Akuoi takin mononongginaku in moibog moposumba in buḷawan bo saḷaka kon i Allah in Israel, Allah inta nogutun kon Yerusalem. Diadon in sosumba nami tatua.

EZRA 7:16

Diadon doman in bayongan buḷawan bo saḷaka inta sinipun i Utat kon sinangkup in Babel bo bayongan in sumbangan in bangusa in Israel takin imangnea mita sin ogoi kon Baḷoi Tuhan Allah monia kon Yerusalem.

MAZMUR 132:5

kon dodai in diápa moposadia in baḷoi kon i Allah i Yakub, pogogutunan i Tuhan Inta Totok in moropot.”

MAZMUR 135:21

Dayowdon in ki Tuhan kon Sion, kon Yerusalem tampat pinogutunan-Nea. Dayowdon in ki Tuhan!

YEHEZKIEL 46:10

Mongongawasa in mustibí tumuot kon Baḷoi Tuhan moyotakin in rayat bo naonda in mobui mustibí doman moyotakin.

WAHYU 21:3

Bo akuoi in nokodongog kon baḷú moropot nongkon tampat pomomarentaan tatua, noguman: “Indoiai! Tanaa mako tampat pogogutunan i Allah kon yua-yuakdon in intau! Sia in mobiagdon takin i monia, bo mosia in mobaḻídon umat-Nea. Bo ki Allah in mogutundon kon sigad monia bo mobaḻídon ki Allah monia.