TAWARIKH 2 6:19 - Alkitab Singog In Mongondow Masa In Tanaa

¹⁹ Oo Tuhan, Allahku, akuoi in mogogundoi-Mu! Tongá indongogaipa kaasí in sambayangku, bo aidaipa in oigumku.

TAWARIKH 2 6:19 ပူးပေါင်းရင်းမြစ်များ

DATU MITA IMITÁNEA 8:28

Oo Tuhan Allahku, akuoi naa in mogogundoi-Mu! Tongá indongogaipa kaasí in sambayangku, bo duduiaipa in oigumku singgai in naa.

TAWARIKH 2 6:18

Táe, o Allah totuu moibog degá in Iko in mogutun kon dunia naa kon sigad in intau, umpakabí modait in ḷangit yo diábí tugatan kon ini-Mu, apa doman baḷoi ibada inta pinosindogku tanaa!

TAWARIKH 2 6:20

Igumon mako doḷom singgai Iko in moḷukad kon baḷoi tanaa inta ain piniḻí-Mu nobaḻí pooibadaan kon ini-Mu. Igumon mako nongkon tampat-mu kon soroga Iko mokidongog bo mongampung kon inakó bo intau in Israel, umat-Mu tua, aka kami in tumayow kon baḷoi tanaa bo mosambayang kon ini-Mu.

MAZMUR 130:2

Tuhan, indongogaipa kaasí in kuaniku, indongogaipa kaasí in oigumku.

MAZMUR 4:1

Kon tongganut in kor. Pinongin oitog kecapi. Mazmur i Daud.

MAZMUR 74:20

Toropdon kaasí in dodandian inta pinomia-Mu takin inami, sin intau in nopoaid in inta motogat kon bayongan in tampat mosindip kon butá tanaa.

YOHANES 17:20

Bo deemanbí tongá mosia in sambayangan-Ku, táe intaubí doman mita inta mopirisaya kon i-Nakó kon singgai moiduduimai sin mosia in nopirisaya kon onu inta pinotaau monia naa.