TAWARIKH 2 6:18 - Alkitab Singog In Mongondow Masa In Tanaa

¹⁸ Táe, o Allah totuu moibog degá in Iko in mogutun kon dunia naa kon sigad in intau, umpakabí modait in ḷangit yo diábí tugatan kon ini-Mu, apa doman baḷoi ibada inta pinosindogku tanaa!

TAWARIKH 2 6:18 ပူးပေါင်းရင်းမြစ်များ

DATU MITA IMITÁNEA 8:27

Tongá, o Allah, totuu degá kon Iko in mogutun kon butá naa? Umpaka ḷangit inta námai tua in kobanat bo kooḷadnea yo diábí tugatan kon ini-Mu, apapa doman baḷoi inta pinosindogku tanaa!

TAWARIKH 2 2:5

Ibogonku sinbá Baḷoi Tuhan inta bain posindogonku tatua mobaḻí baḷoi inta momulia, sin ki Allah nami in momuli-mulia nongkon ilah mita inta taondaka.

TAWARIKH 2 2:6

Táe sabanarnea in diábí tobatúmai in intau in mokotongod in moposindog in baḷoi kon i Allah, sin bayongan in toḷungayá naa in diá tugat in ḷobennea pobaḷoian sin pogutunan-Nea. Dá Baḷoi Tuhan inta koposindoganku naa in diá bo diá in tongábí tampat pototubáan kon dupa kon i Allah!

TAWARIKH 2 32:15

Dikabí pomayá mako in datumu tatua mongakaḷ bo monguboḷ kon i monimu! Dika mopirisaya kon inia! Sin diábí kon dodai onda in dewa in bangusa taondaka in mokomampu mopoḷuat in bangusanea nongkon kawasa in datu in Asyur. Notantú bidon kon dewamu tua in diábí doman mokopoḷuat kon i monimu!”

TAWARIKH 2 6:19

Oo Tuhan, Allahku, akuoi in mogogundoi-Mu! Tongá indongogaipa kaasí in sambayangku, bo aidaipa in oigumku.

AYUB 4:19

Apapa doman mahaḷuk nongkon butá ḷamentong mahaḷuk ḷobud inta motaau romputon naonda bo sisik!

AYUB 9:14

Dá naondabí in akuoi mokobayow kon i-Nia? Tosingogon naonda in potubagku kon i-Nia?

MAZMUR 68:18

Takin puḷúan ribu in kereta inta moropot ki Allah in sinimindog kon yuak monia kon bonu in kamuliaan-Nea.

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

YESAYA 66:1

Ki Tuhan in noguman, “Ḷangit in ḷoḻitúan-Ku pomarentaan, bo butá in tosindogan-Ku. Dá baḷoibí naonda in posindogonmu kon i-Nakó, bo tampat onu in pomiaanmu sin pogutunan-Ku?

YEREMIA 23:24

Diábí tobatúmai in mokopogadop kon i-Nakó, sin Akuoi in oyúonbí kon bayongan tampat: kon soroga bo kon dunia.

MATIUS 12:6

Akuoi moguman kon i monimu: kon tanaa oyúon in noiḻiu kon Baḷoi Tuhan.

MATIUS 7:11

Dá aka moiko inta moraat bo motaau mobogoi, kon inta mopia kon i adímu mita. Yo bambíkabí ki Amámu kon soroga! Sia in moiḻiubí kon tua, ogoian-Neabí inta mopia totok in ki ine inta moigum kon i-Nia.”

OUMAN IN RASUL MITA 17:24

Ki Allah inta nomia kon dunia bo tombonunea mita, Sia tuata in ki Tuhan in ḷangit bo butá. Sia in diábí nogutun kon baḷoi in dewa-dewa inta pinomia in ḻima intau.

KORINTUS 2 12:2

Kon bonu in oontongon tatua, kinotaauanku in intau inta noibingkat monik kon soroga tatua, mopuḷúbí bo opat notaong inta noitaḻibdon. (Diá doman notarangku totok mongo takin awaknea in noibingkat tatua mongo tongábí noiḷabot magí kon mataku – tongábí ki Allah in nonotaau kon tua.)