TAWARIKH 2 6:16 - Alkitab Singog In Mongondow Masa In Tanaa

^16-17 Iko in nodandi domandon kon i amáku kon aka buínea in totu-totuu motoindudui kon hukum-Mu ná sia, dá mononoibí in intau tobatú nongkon buínea in momarenta mobaḻí datu in Israel. Tanaa, o Tuhan Allah in Israel, intompodaidon doman in bayongan inta ain pinodandi-Mu kon i amáku ki Daud, mogogundoi-Mu tua.

TAWARIKH 2 6:16 ပူးပေါင်းရင်းမြစ်များ

DATU MITA IMITÁNEA 2:4

Aka iko motoḷutui kon i Tuhan, yo intompodan-Neabí in dandi-Nea kon buíkubí in momarenta kon Israel, asaḷ bo mosia in takin ḻimbatú in gina bo bayongan dimukud in umuran mosatia in dumudui kon parenta-Nea mita.

DATU MITA IMITÁNEA 6:12

“Aka iko motoindudui kon bayongan in hukum bo parenta-Ku, aidan-Kubí kon inimu onu inta ain pinodandi-Ku kon i amámu ki Daud.

TAWARIKH 2 13:5

Kinotaauan monimu kon ki Tuhan, Allah Israel, ain nogaid kon dandi takin i Daud kon sia bo buínea in umuranbí momarenta kon Israel modapot in mononoi. Dandi tatua in diábí motaau inggamáan.

TAWARIKH 2 21:7

táe ki Tuhan in doíbí momutú kon datu inta nongkon buí i Daud sin Sia in nodandidon kon buí i Daud in umuranbí momarenta.

TAWARIKH 2 23:3

Mosia in noyosipun kon Baḷoi Tuhan, bo nogaid kon dodandian takin i Yoas, ki adí ḷoḷaki i datu tua. Ki Yoyada in noguman kon i monia, “Naadon in ki adí i Datu Ahazia inta ain minatoi! Tanaaya mustibí in sia moponik kon ḷoḻitúan in datu, sin ki Tuhan in nodandidon kon buí i Datu Daud in umuranbí momarenta.

TAWARIKH 2 7:17

Aka iko, ná ki Daud ki amámu, mobiag motoindudui kon ibog-Ku bo motoindudui kon hukum-Ku mita poḷat mogaid kon bayongan inta pinarenta-Ku kon inimu,

TAWARIKH 2 7:18

dá intompodan-Kubí in dandi-Ku kon i amámu ki Daud kon umuranbí oyúon in intau nongkon buínea in mobaḻí datu kon Israel.

MAZMUR 119:1

Pia in kamang in intau inta nobiag diá in bogit bo notoindudui kon hukum mita i Tuhan.

MAZMUR 119:9

Intau moguodpa in mokoḷukadbí kon kobiagannea diá in bogit aka mobiag in sia podudui in parenta-Mu.

MAZMUR 132:11

Ki Tuhan in nongibotdon kon i Daud; Sia in diábí monginggamá kon dandi-Nea. Guman-Nea, “Ki adímu tobatú in baḻíon-Kubí datu sin momarenta monoḻiu kon inimu.

MAZMUR 132:12

Aka ki adímu mita motoḷutui kon dodandian-Ku, bo motoindudui kon parenta-Ku mita, dá modapot in mononoi buí monia in monoḻiu kon ini-Mu mobaḻí datu.”

MAZMUR 26:3

Umuranbí toroponku in tabi-Mu, bo umuran motoindudui kon ini-Mu.

YEHEZKIEL 36:37

Ki Tuhan Inta Totok in moḷantud in noguman, “Ei bangusa in Israel, moiko in ogoi-Kudon bui in mokituḷung kon i-Nakó; dugangan-Kudon bui in kobayongmu naonda bo paanan in domba.