TAWARIKH 2 6:12 - Alkitab Singog In Mongondow Masa In Tanaa

^12-13 Ki Salomo in nogaidon kon panggung bitú kon yua-yuak in palas in Baḷoi Tuhan. Kobanatnea bo kooḷadnea in 220 nosenti, bo koḷantudnea in 130 nosenti. Kon tayowon in rayat inta kon tua, ki Salomo in noponik kon panggung tatua bo sinimindog sinumayow kon mezbah. Bayongan in intau mokoontongbí kon inia. Onda intua sinumungkud in sia bo notonggó kon ḻimanea doyowa nosimpaḷ bo sinonggónea pinotayownea kon ḷangit bo nosambayang,

TAWARIKH 2 6:12 ပူးပေါင်းရင်းမြစ်များ

DATU MITA 2 11:14

Inontongnea in datu inta nobagu tatua sinimindog kon ngara tumuot in Baḷoi Tuhan kon tampat pinoduían kon inia, iḻibu in porwira mita bo mogogirup mita kon torompet. Bayongan in rayat norogiow takin pia in gina sindaḷan nogirup kon torompet. Takin yaat in gina ki Atalya nomerak kon ḷambungnea, bo nomaḷú, “Bangkang! Bangkang!”

TAWARIKH 2 6:11

Kon bonu in Baḷoi Tuhan tatua in sinadiakudon in tampat potagúan kon Poti Dodandian inta pinobonuan kon batu dodandian i Tuhan bo in intau in Israel.”

AYUB 11:13

Ayub, daritaidon in ginamu, pomanasaḷdon! Posambayangdon kon i Allah!

MAZMUR 141:2

Tarimapa in sambayangku saḷaku sosumba kamania, bo ḻimaku inta noiyopa saḷaku kuruban doḷom.

MAZMUR 143:6

Akuoi in nosambayang kon ini-Mu takin ḻima noiyopa; naonda bo butá inta noingkag, jiwaku in mokotanob kon ini-Mu.

MAZMUR 28:2

Indongogaipa in oigumku aka akuoi momaḷú mokituḷung, bo mopotundú in ḻimaku kon Baḷoi-Mu inta motusi.

MAZMUR 63:4

Tabi-Mu in mobara-baraguna nongkon mobiag, tuamai akuoi in modayow kon ini-Mu.

MAZMUR 68:31

Guakaidon in Mesir, mahaḷuk moraat tatua kon yuak in utó. Toboḷowdon in bangusa mita, paanan in bantong tatua takin ki adínea mita, inta mosiritakandon sin moporigugut in saḷaka. Ki Allah in noporaritdon in bangusa mita inta moibog moparang.

IḶUAIAN 9:33

Bo ki Musa in nonaḷámaidon kon i datu bo minayá in ḷuai in kotá; kon tua sia notonggó kon ḻimanea sin mosambayang kon i Tuhan. Kon dodaipa doman tatua nogogaidon in gotup, uyan eis bo diádon nonguyan.

YESAYA 50:10

Ei moiko inta mohoromat kon i Tuhan, bo inta nokidongog kon tosingogon in mogogundoi-Nea, daḷan inta binayáan monimu degá nosindip, bo diá in sindar inta nonindar kon inimu; táe popirisayadon kon i Tuhan; kadaidon kon i Allahmu.

TIMOTIUS 1 2:8

Ibogonku kon ondakabí, yo bayongan in ḷoḷaki musti mosambayang takin gina motuḻid, diá in yogenggeng ande bobayowan.