TAWARIKH 2 6:11 - Alkitab Singog In Mongondow Masa In Tanaa

¹¹ Kon bonu in Baḷoi Tuhan tatua in sinadiakudon in tampat potagúan kon Poti Dodandian inta pinobonuan kon batu dodandian i Tuhan bo in intau in Israel.”

TAWARIKH 2 6:11 ပူးပေါင်းရင်းမြစ်များ

DATU MITA IMITÁNEA 8:21

Kon bonu in Baḷoi Tuhan tatua aindon sinadiaku in tampat in Poti Dodandian inta pinotagúan kon batu inta pinomaisan kon dodandian i Tuhan takin mogoguyang naton kon tungkuḷ in Sia nodia kon i monia iḻumuai nongkon Mesir.”

DATU MITA IMITÁNEA 8:9

Kon bonu in Poti Dodandian tatua diábí in ibanea mako koḻikudbí in batu doyowa. Batu mita tatua in binonu i Musa kon poti tatua tungkuḷ kon Buḷud in Sinai, kon dodai in ki Tuhan nomia kon dodandian takin bangusa in Israel kon tungkuḷ in mosia kon binayáan nongkon Mesir minayá in butá in Kanaan.

TAWARIKH 2 5:10

Kon bonu in Poti Dodandian tatua diábí in ibanea mako koḻikudbí in batu doyowa tatua. Batu mita tatua in binonudon i Musa kon Buḷud in Sinai, kon tungkuḷ in ki Tuhan nomia kon Dodandian takin bangusa in Israel kon dodai in mosia kon bonu in bobayáan nongkon Mesir minayá in Kanaan.

TAWARIKH 2 5:7

Nopaḷut mako kon tua imang mita noponuotdon in Poti Dodandian tatua kon Baḷoi Tuhan bo inukat kon ḻimonagan in patong kerub kon bonu in Yuang Inta Totok in Motusi.

TAWARIKH 2 6:10

Tanaaya ki Tuhan in nogintompodon kon dandi-Nea. Akuoi in nobaḻídon datu in Israel nomaḷui kon i amáku, bo akuoi in noposindogdon doman in baḷoi pooibadaan kon i Tuhan, Allah in Israel.

TAWARIKH 2 6:12

Ki Salomo in nogaidon kon panggung bitú kon yua-yuak in palas in Baḷoi Tuhan. Kobanatnea bo kooḷadnea in 220 nosenti, bo koḷantudnea in 130 nosenti. Kon tayowon in rayat inta kon tua, ki Salomo in noponik kon panggung tatua bo sinimindog sinumayow kon mezbah. Bayongan in intau mokoontongbí kon inia. Onda intua sinumungkud in sia bo notonggó kon ḻimanea doyowa nosimpaḷ bo sinonggónea pinotayownea kon ḷangit bo nosambayang,

MAZMUR 50:5

Guman-Nea, “Sipundon in bayongan in umat-Ku inta ain nomia kon dodandian takin-Ku, bo sinoimpaḷut in kuruban inta iratá.”

IḶUAIAN 40:20

Onda intua batu doyowa tatua pinobonunea kon bonu in Poti Dodandian. Bo ki Musa nopotaḷobdon in taḷob in Poti tatua bo pinoḷutudneadon in kayu tombuḻigannea kon bonu in ḻingkitnea.

IBRANI 9:4

Kon bonu in yuang tatua oyúon in tobatú meja pototubáan kon sosumba, meja inta pinomia nongkon buḷawan. Oyúon doman in poti Dodandian inta komintan inoḻitan in buḷawan. Kon bonu in poti tatua oyúon in kuyon buḷawan inta binonuan in manna, tungkud i Harun inta ain nomoḻimping, bo batu doyowa inta pinomaisan kon parenta i Allah inta mopuḷú.