TAWARIKH 2 6:10 - Alkitab Singog In Mongondow Masa In Tanaa

¹⁰ Tanaaya ki Tuhan in nogintompodon kon dandi-Nea. Akuoi in nobaḻídon datu in Israel nomaḷui kon i amáku, bo akuoi in noposindogdon doman in baḷoi pooibadaan kon i Tuhan, Allah in Israel.

TAWARIKH 2 6:10 ပူးပေါင်းရင်းမြစ်များ

DATU MITA IMITÁNEA 2:12

Onda intua ki Salomo in nobaḻí datu nonoḻiu kon i Daud, ki amánea. Kawasa i Salomo saḷaku datu noroton totok.

TAWARIKH 1 17:11

Kon singgai moiduduimai, aka modapotdon in wakutumu matoi bo ḷobongon in iko kon poḷoḷobongan in mogoguyangmu, adímu ḷoḷaki tobatú in baḻíon-Kudon datu. Siadon in moposindog in baḷoi kon i-Nakó. Dodatuan nea in irigonan, bo kon kinoouput in dunia naa tobatú nongkon buínea in momarenta mobaḻí datu.

TAWARIKH 1 22:11

Bo ki Daud in noguman bui, “Tanaa, adíku, igumon mako ki Tuhan Allahmu tantú motuḷung kon inimu. Bo igumon mako mokotongod in iko moposindog in baḷoi kon i Tuhan ná inta ain pinodandi-Nea.

TAWARIKH 1 28:5

Sia in nobogoi in adí nobayong kon inakó bo nongkon bayongan i adíku tatua piniḻí-Nea in ki Salomo sin momarenta kon Israel, dodatuan i Tuhan.

TAWARIKH 1 29:15

Kinotaauan-Mubí, o Tuhan, kon ná doman mogoguyang nami, kami in nobiag naa in naonda bo mokokiangoi bo intau ango-angoi. Kobiagan nami in naonda bo oḻinow inta noitaḻib, bo kami naa in diábí moiḷagui kon popatoi.

TAWARIKH 1 29:23

Dá inta nobaḻí toḻiu i Daud ki amánea, ki Salomo in iḻimitú kon ḷoḻitúan in datu inta ain sinantú i Tuhan. Sia in datu inta nokodapot kon oaidannea komintan bo kinobangkaḷ in bayongan in bangusa Israel.

TAWARIKH 2 1:1

Ki Salomo ki adí ḷoḷaki i Daud nobaḻídon datu inta moropot in kinoḻitúannea kon bonu in dodatuan Israel. Ki Tuhan Allahnea in nomarakat kon inia bo nopobaḻí kon inia mokawasa totok.

TAWARIKH 2 6:11

Kon bonu in Baḷoi Tuhan tatua in sinadiakudon in tampat potagúan kon Poti Dodandian inta pinobonuan kon batu dodandian i Tuhan bo in intau in Israel.”

TAWARIKH 2 6:9

Táe, deemanbí iko, táe ki adímubí in moposindog in baḷoi-Ku tua.’

MOHOHUTUBA 1:4

Buí inta tobatú in mamangoi bo buí inta ibanea in moinggamá, táe dunia naa in umuranbí notongkai mako.