TAWARIKH 2 4:7 - Alkitab Singog In Mongondow Masa In Tanaa

^7-8 Pinomianea doman in 10 in totuduan togá nongkon buḷawan podudui in model inta ain sinomayá, bo 10 in meja. Bayongan in sioḷ in totuduan togá bo meja tatua inukat kon bonu in yuang totokanea kon Baḷoi Tuhan – kon batúannea in ḻima kon dotá in koḷoigi, bo ḻima doman in kon dotá in koḷanannea. Pinomianea doman in 100 in palo buḷawan.

TAWARIKH 2 4:7 ပူးပေါင်းရင်းမြစ်များ

DATU MITA IMITÁNEA 7:39

Inukat i Huram in kereta ḻima kon dotá in toḷatan kon Baḷoi Tuhan, ḻima in kon dotá in utuan. Bejana bitú in inukat kon sikunea kon dotá in tenggara.

TAWARIKH 1 28:12

Ki Daud in nobogoi doman in bayongan tomayá inta ain irainea sin pogaidan kon bosínea takin gopot mita inta kon ḻibunea, bo pogaidan kon gudang mita inta posipunan kon touḷut in Baḷoi Tuhan bo gudang mita pototagúan kon oogoi kon i Tuhan.

TAWARIKH 1 28:14

Bo inogoiannea domandon in topotundú mita soaḷ pogogaid kon buḷawan bo saḷaka sin pomiaan pakakat mita,

TAWARIKH 1 28:15

kon batúan in togá bo sioḷnea,

TAWARIKH 1 28:19

Bo ki Datu Daud in noguman, “Bayongan intua in kon bonu bidon in tomayá inta ain pinais podudui in topotundú inta inogoi i Tuhan tontaní sin aidan.”

YOHANES 8:12

Ki Yesus in buipa doman noguman kon i monia, “Akuoi naa in bayag in dunia. Intau inta dumudui kon i-Nakó in diá bidon sia mayá kon bonu in sindip, táe oyúondon in bayag kon kobiagannea.”

IBRANI 8:5

Oaidan inta inaidan monia tua saḷaku imang sabanarnea in tongábí gambaran bo oḻinow in onu inta kon soroga. Tua ain bidon pinotaau i Allah kon i Musa koḻipod, kon wakutu in sia noposindog in Ḷoḷaigan i Tuhan. Nanaa in guman i Allah kon i Musa, “Pokotorop! Tua komintan in mustibí pomiaanmu podudui in gambar inta pinoontong-Ku kon inimu kon tudu in buḷud.”

WAHYU 1:20

Naabí in rahasia in tundi pitu inta inontongmu kon ḻima-Ku koḷanan, bo pitu in sioḷ pototuduan kon togá inta pinomia nongkon buḷawan tua: Tundi pitu tatua in malaekat mita in jamaat pitu doman tatua, bo pitu in sioḷ pototuduan kon togá tua in jamaat pitu tatua doman.”