TAWARIKH 2 4:2 - Alkitab Singog In Mongondow Masa In Tanaa

² Sia in nomia doman kon kuyon bitú inta noḻimbung, ukurannea in nanaa: dotá in bonunea 220 nosenti, garis toyuaknea in 440 nosenti, bo ḻibunea tua in 1.320 nosenti.

TAWARIKH 2 4:2 ပူးပေါင်းရင်းမြစ်များ

DATU MITA 2 25:13

Oigi mita bitú bo kereta mita kon Baḷoi Tuhan takin doman bejana bitúnea in iḷosi in intau in Babel, bo bayongan in bitú in dinia pinobayá in butá monia.

TAWARIKH 1 18:8

Koḻikud intua ki Daud in nogamá doman kon nobayong totok in bitú nongkon Tibhat bo Kun, kotá mita inta dungkuḷmai kinawasa i Hadadezer. (Kon singgai noiduduimai bitú mita tatua in inaidan i Salomo bejana, bo oigi mita takin pakakat mita in ibada kon Baḷoi Tuhan.)

TAWARIKH 2 4:3

Kon ḻibunea dotá in ḷuainea iḷambáan in doyowa nopipid in gambar in sapi, inta pinoyocor in kuyon tatua.

IḶUAIAN 38:3

Pinomiaannea doman kon rumping mita, sikop, palo mita, porok mita bo pononontuḷúan. Bayongan touḷut tatua pinomia nongkon porunggu.

IḶUAIAN 38:8

Ki Bezaleel nomia kon tampat in tubig nongkon porunggu inaipan in porunggu doman. Porunggu tatua nongkon posilag mita kapunyaan in bobay mita inta mogogundoi kon tayowon ḷoḻingkop in Ḷoḷaigan i Tuhan.

ZAKHARIA 13:1

Ki Tuhan Inta Totok in mokawasa in noguman, “Kon singgai tatua momukábí bokaká tobatú sin mopotusi kon buí i Daud bo intau inta nogutun kon Yerusalem nongkon bayongan in dosa bo posumbaan kon berhala inta ain inaidan monia.

TITUS 3:5

Sia in noposaḷamat kon i naton, táe deemanbí popisí in kita ain nogaid kon inta mopia, táe popisíbí in tabi-Nea kon i naton. Sia in noposaḷamat kon i naton takin Roho i Allah inta ain nobogoi kon i naton in kolahiran bo kobiagan mobagu takin cara nondarit kon i naton.

WAHYU 7:14

Dá tubagku kon inia: “Diábí kinotaauanku, ki Tuangbí in nonotaau kon tua.” Dá sia in noguman bui kon inakó: “Mosia naa in intau mita inta nosaḷamatdon nongkon roriga inta moḷoben, bo ain binatáan monia kinobudó in jubah monia kon bonu in dugú i Adí in Domba tatua.