TAWARIKH 2 4:18 - Alkitab Singog In Mongondow Masa In Tanaa

¹⁸ Pakakat mita tatua totuu mobarong, dá diábí tobatúmai in nonotaau mongo tongonu nokilo in bitú in pinaké.

TAWARIKH 2 4:18 ပူးပေါင်းရင်းမြစ်များ

DATU MITA IMITÁNEA 7:47

Diábí in ki Salomo nokisimbang in pakakat mita nongkon bitú tatua, sin totuu modamaḷ. Dá, diábí kinotaauan in kobogat in pakakat mita tatua.

TAWARIKH 1 22:14

Aka Baḷoi Tuhan tua, yo akuoi in noḷongasidon totok nosipun kon 3.400 noton in buḷawan bo noiḻiu kon 34.000 noton in saḷaka. Koḻikud intua oyúon in bitú bo uatoi inta diádon koiapan in kobayongnea. Kayu bo batu in sinadiaku domandon táe mustipa duganganmu.

TAWARIKH 1 22:3

Bo inta pakéon aidan pakú bo engsel in ngara mita in Baḷoi Tuhan tatua, ki Daud in nosipundon kon uatoi mobarong totok. Sia in nosipun domandon kon bitú nobayong, noidapot in diádon kosimbangan.

TAWARIKH 2 4:17

Ki Datu in nokiaid in pakakat mita tatua kon pococoran kon logam kon sigad in Sukot bo Zereda kon Ḷopá in Yordan.

YEREMIA 52:20

Pakakat mita porunggu inta pinomia i Datu Salomo sin pakéon kon Baḷoi Tuhan, inta oigi doyowa, kereta mita, kuyon bo sapi mopuḷú bodoyowá inta noguntu kon kuyon tatua, komintan mobogat totok, nodapot in diádon kosimbangan.