TAWARIKH 2 32:8 - Alkitab Singog In Mongondow Masa In Tanaa

⁸ Kon inia in ropot in intau, táe kon inaton in ropot i Tuhan Allah naton inta motuḷung bo moparang kon kopontingan naton.” Nokodongogmai kon tosingogon mita in datu monia tatua, rayat inangoian in barani.

TAWARIKH 2 32:8 ပူးပေါင်းရင်းမြစ်များ

DATU MITA 2 18:5

Kon sigad in bayongan datu in Yohuda, pinomayá inta noiuna andeka inta noidudui kon i Hizkia, diábí in ná sia. Sia in mopirisaya kon i Tuhan, Allah in Israel,

DATU MITA 2 6:16

“Dika moondok,” tubag i Elisa. “Inta kon dotábí naton in mobayo-bayong nongkon intau mita inta kon dotá monia.”

TAWARIKH 2 13:12

Itoi nami in ki Allah tontaní bo imang-Nea mita in kon naa. Mosia in nosadiadon mogirup kon torompet nobaḻí tomponuot kon kami in monubudon kon i monimu. Ei intau in Israel, dikabí moḷawang kon i Tuhan, Allah in mogoguyangmu! Diábí in moiko mokountung!”

TAWARIKH 2 14:10

Dá iḷumuaidon in ki Asa nonayow kon i Zerah, bo taya dua in tumpaḷadon nonompia kon pipidannea-pipidannea kon Ḷopá in Zepata kon diug in Maresa.

TAWARIKH 2 14:11

Bo ki Asa in nosambayang kon i Tuhan Allahnea, “Tuhan, tongábí Iko in mokobantung kon inta moyangkó monayow kon inta moropot. Tuḷungaipa in kami in tanaa, o Tuhan Allah nami! Tongábí iko in andoḷan nami bo podoyon kon tangoi-Mu kami in ḷumuai moparang monayow kon tontara inta mobarong totok naa. Tuhan, Ikobí in ki Allah nami. Dikabí pomayá mako Iko taḷowon in intau tobatú.”

TAWARIKH 2 16:7

Kon tungkuḷ intua ki Nabi Hanani namangoi kon i Datu Asa bo noguman, “Popisí in iko inumandoḷdon kon i datu in Siria, bo deemanbí kon i Tuhan Allahmu, dá noinggamádon in kasampatanmu monaḷow kon tontara i datu in Israel.

TAWARIKH 2 20:15

bo noguman in sia, “Tuang inta momulia takin bayongan utat mita. Ki Tuhan in noguman kon moiko in dikabí kobuḻian in kamang andeka moondok in monayow kon tontara inta mobayong tatua. Sin deemanbí moiko in moparang táe ki Allahbí.

TAWARIKH 2 20:17

Moiko in diá bidon paraḷu moropatoi kon bonu in parang tanaa. Bayádon kon tampat inta ain sinantú kon inimu bo oḷatdon kon tua. Moiko in mokoontongbí kon ki Tuhan in mobogoi in kauntungan kon i monimu. Ei intau in Yohuda bo Yerusalem, dikadon moḻia-ḻiaw in gina andeka moondok. Bayádon kon parang tatua, ki Tuhan in motuḷungbí kon i monimu!”

TAWARIKH 2 20:20

Nopoikoḷomai kon singgai, subupa totok, rayat iḻumuai bo minayá in butá kon padang gurun kon diug in Tekoa. Kon dodai in mosia mobuatdon, ki Yosapat nobogoi in koyow tanaa kon i monia, “Rayat in Yohuda bo Yerusalem! Popirisayabí kon i Tuhan Allahmu, dá mokotongodbí in moiko. Tarimadon in tonggina mita in nabimu mita, dá kodapotanbí monimu in sinayak monimu!”

TAWARIKH 2 32:15

Dikabí pomayá mako in datumu tatua mongakaḷ bo monguboḷ kon i monimu! Dika mopirisaya kon inia! Sin diábí kon dodai onda in dewa in bangusa taondaka in mokomampu mopoḷuat in bangusanea nongkon kawasa in datu in Asyur. Notantú bidon kon dewamu tua in diábí doman mokopoḷuat kon i monimu!”

AYUB 40:9

Moropot degá in iko ná Akuoi? Degá mokogonugur in singogmu ná singog-Ku?

MAZMUR 118:8

Mopia-piabí kon mosingayow kon i Tuhan, dika in mopongata kon intau.

MAZMUR 20:7

Tanaa in kinotaauanku kon ki Tuhan in mopountung kon i datu inta piniḻí-Nea. Ki Tuhan in notubag kon inia nongkon soroga inta motusi; pinodoyon kon kawasa i Tuhan pountungon totok.

MAZMUR 46:11

Kai-Nia, “Pogogaidon moparang; pokotaaudon, Akuoi naa in Allah, Akuoi in momulia kon sigad in bangusa mita, momulia kon sinangkub in butá.”

MAZMUR 46:7

Ki Allah in nonggotup, dá dunia in norimumudon totok; bangusa mita in modoḻiok, dodatuan mita noobat.

IḶUAIAN 4:31

Dá nopirisayadon in mosia, bo naonda in dinongog monia kon ki Tuhan ain noḷongow kon bangusa Israel bo noindoidon kon bayongan roriga monia, mosia in sinumungkud bo nosumba.

AMSAL 12:25

Ḻia-ḻiaw in gina mokoinggamá kon ibog mogaid, táe tosingogon mita mopia mokorigon kon gina.

YESAYA 30:32

Kon dodai in mosia mokorasa kon sambok-Nea mita, umat i Tuhan mobarasanang takin musik gimbaḷ bo kecapi. Ki Allah tontaní in moparang monayow kon intau in Asyur.

YESAYA 31:3

Intau in Mesir tongábí intau, deemanbí Allah. Kabaḷo monia in biagbí biasa, deemanbí ná ki Allah. Aka ki Tuhan mopoaid in oaidan-Nea, bangusa inta mototuḷung tatua in moipintudbí bo bangusa inta sinuḷungannea in moḷabúbí. Dá taya dua tua in tumpaḷa moyopú.

YESAYA 36:18

Dika indongogan in ki Hizkia! Sia in tongábí monguboḷ kon i monimu takin moguman kon ki Tuhan in moposaḷamatbí kon i monimu. Degá nokoimontandon in dewa in bangusa ibanea in nokoposaḷamat kon ḻipúnea nongkon kawasaku?

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 8:10

Pomiadon kon tomayá, táe bayongan tua diábí in motuoi. Gamádon in bontow in tosingogon, táe diábí in baragunanea, sin ki Allah in kotaki-takin nami.

YEREMIA 17:5

Ki Tuhan in noguman, “Aka intau monaḷámai kon i-Nakó, ki Tuhannea, bo umandoḷ kon intau poḷat umandoḷ kon ropotnea, dá hukumon-Ku in sia.

YEREMIA 42:11

Dikadon moondok kon i datu in Babel tatua. Akuoi in naa kon yua-yuakmu sin motuḷung bo moḷuat kon i monimu nongkon kawasanea.

ZAKHARIA 4:6

Malaekat tatua in nopotabá kon inakó mopotaau kon i Zerubabel in koyow i Tuhan tanaa, “Deemanbí pinodoyon kon ropot in tontara bo deemanbí doman pinodoyon kon ropotmu tontaní iko in mountung, táe noidoyonbí kon roho-Ku.

OUMAN IN RASUL MITA 18:10

Sin Akuoi in umuranbí kotaki-takinmu. Bo diábí tobatúmai in motaau momogutú kon inimu, sin noantó bidon in intau kon naa in mopirisaya kon i-Nakó.”

ULANGAN 20:1

“Aka moiko mayá moparang moḷawang kon musungmu mita, dika moondok in mokoontong kon kereta in parang bo kabaḷo monia inta mobayong takin tontara monia inta noiḻiu in kobayongnea nongkon i monimu. Ki Tuhan Allahmu inta nopoḷuai kon i monimu nongkon Mesir, in motuḷungbí doman kon i monimu.

ULANGAN 20:3

‘Utat mita, indongogai! Singgai in naa moiko mayá moparang. Dika moondok ande kimiot in gina ande motoboḻingo.

ULANGAN 20:4

Ki Tuhan Allahmu in dumuduibí sin motuḷung kon i monimu, bo Sia in mopountungbí kon inimu.’

TIMOTIUS 2 4:17

Táe akuoi in umuranbí iḷukadan i Tuhan; bo inogoian-Neadon in ropot in akuoi sahingga in nokosanggupdon nopoyaput in Habar Mopia tatua, sinbá kodongogan domandon in bayongan intau inta deeman Yahudi, sahingga in akuoi noipilatdon nongkon onu inta mokobodito kon inakó.

TIMOTIUS 2 4:22

Poigumon mako ki Allah in umuran moyotakinmu bo umuran doman mobogoi in barakat kon i monimu komintan! Horomat nami, Ki Paulus

YOSUA 10:42

Tongá komintan noparang, ki Yosua nokotaḷowdon kon bayongan in datu tatua bo nogagow kon bayongan butá inta kon bonu in kawasa monia, sin ki Tuhan, Allah Israel, noparang noyotakin in Israel.

YOHANES 1 4:4

Táe uḻe, moiko nion ki Allahbí in kitogi. Sinaḷowdon monimu in intau mita inta deeman totuu nabi, sin Rohobí inta nongawasa kon i monimu in mokawa-kawasa nongkon roho mita inta nongawasa kon intau mita inta nobaḻí kapunyaan in dunia naa.

SAMUEL 1 17:45

Táe ki Daud in notubag, “Iko nion in namangoi moḷawang kon inakó takin momaké in kedang, pandong bo ginubat, táe akuoi in namangoi moḷawang kon inimu takin tangoi i Tuhan Inta Totok in Mokawasa, ki Allah in tontara in Israel inta siningkuḻemu tua.