TAWARIKH 2 32:30 - Alkitab Singog In Mongondow Masa In Tanaa

³⁰ Ki Datu Hizkia tuata inta nodimpot kon bokaká in tubig in Gihon, bo pinobayá pinongin daḷan in tubig kon ḻimonag in butá pinobayá in kotá in Yerusalem. Bayongan inta inaidan i Hizkia noḷapatbí.

TAWARIKH 2 32:30 ပူးပေါင်းရင်းမြစ်များ

DATU MITA IMITÁNEA 1:33

ki datu in noguman kon i monia, “Oinídon in porwiraku mita bo bayádon kon i Salomo adíku ḷoḷaki poyotakin monia. Popotakoidon in sia kon bagalku tontaní, bo diádon in sia kon bokaká in tubig in Gihon.

DATU MITA IMITÁNEA 1:38

Dá ki Zadok, ki Natan, ki Benaya bo moḷoḷukad i datu nogumandon kon i Salomo kon tumakoidon kon bagal i datu, bo dinia monia minayá in bokaká in tubig in Gihon.

DATU MITA IMITÁNEA 1:45

bo ki Zadok takin ki Natan ain noduí kon inia kon bokaká in tubig in Gihon. Tanaa mosia in nobuidon kon kotá sindaḷan morogiow morame, bo bayongan in kotá modoḻiok. Tuata in rame inta dinongog monimu koina.

DATU MITA 2 20:20

Ouman ibanea kon i Datu Hizkia, kon onu mita in pinomianea inta mopia, bo naonda in pinogogaidnea kon tabang bo got in tubig sin mopoangoi in tubig kon kotá, tua komintan in pinaisdon kon bonu in buk Ouman in datu mita in Yohuda.

TAWARIKH 2 26:5

Ki Zakharia in mononongginanea. Kon bonu in ki Zakharia nobiagpa, ki Uzia in umuranbí nosatia in noibada kon i Tuhan dá binarakatan i Tuhan in sia.

TAWARIKH 2 32:3

sia takin pogawai mita bo porwiranea mita nonantúdon kon modimpot kon tampat mita in tubig kon ḷuai in kotá takin makusud sinbá intau mita in Asyur in diá mokouḻí kon tubig aka modapotdon in mosia kon diug in Yerusalem. Nobayong totok in intau pinotabá nodimpot kon bayongan in bobayáan tubig inta moiḻig ḷumuai in kotá.

TAWARIKH 2 33:14

Onda intua ki Manasye in noginḷantud kon dinding in ḷuai inta kon dotá in pomukaan kon Kotá i Daud. Pinangkoinea nongkon tampat tobatú kon ḷopá kon diug in bokaká in Gihon bo minayá ná utuan nodapot in Bonawang Toyá bo dotá in kotá inta sinangoi Opel. Kon batúan in kotá inta dininding kon Yohuda, sinampatnea doman in tobatú tongguḷu totokan in tontara.