TAWARIKH 2 32:27 - Alkitab Singog In Mongondow Masa In Tanaa

²⁷ Ki Datu Hizkia in nobaḻídon nooyúon totok, bo ihoromat in bayongan intau. Nogaid in sia kon gopot mita sin potagúan kon kapunyaannea tuata: buḷawan, saḷaka, batu mita permata, pododungú mita, kaḻeaw bo pakakat mita inta koboḻi ibanea.

TAWARIKH 2 32:27 ပူးပေါင်းရင်းမြစ်များ

DATU MITA 2 20:13

Ki Hizkia in notomu kon totabá mita tatua bo nopoontong kon i monia in bayongan in kooyúonannea, inta buḷawan bo saḷaka, pododungú mita bo ḷana mobondu, bo bayongan in pakakat in tontaranea. Diábí in tobatúmai in kon komaḻig bo kon bayongan in dodatuan nea inta diá pinoontong kon i monia.

TAWARIKH 1 29:28

Nooyúon in sia bo ihoromat bo minatoi kon dodai in nogoguyangdon. Ki Salomo ki adínea ḷoḷaki in nobaḻí datu nomaḷui kon inia.

TAWARIKH 2 1:12

Tuamai in kabijaksanaan bo pongotahuan in ogoi-Kubí kon inimu. Koḻikud intua baḻíon-Kubí in iko mobiag mooyúon totok, moiḻiu kon kooyúon bo moiḻiu kon tangoi in datu nongkon ondakabí pinomayá dungkuḷmai andeka kon singgai moiduduimai.”

TAWARIKH 2 17:5

Ki Tuhan in nobogoi kon i Yosapat in ḷoḻitúan inta moropot nobaḻí datu in Yohuda. Bayongan in rayat nobogoi in tombuinag mita kon inia bo nobaḻí in sia nooyúon poḷat doman ihoromat totok.

TAWARIKH 2 32:26

Táe imbuitnea ki Hizkia bo intau mita in Yerusalem sinumonsiupdon, dá kon bonu in ki Hizkia nobiagpa yo hukuman tatua in diábí pinopouma.

TAWARIKH 2 32:28

Oyúon doman in ontagnea mita sin potagúan kon bungai mita in boyó ná umpamanea: gandum, anggur, bo ḷana in zaitun; bo ḷantung doman sin pomiagan kon sapi mita bo dombanea mita inta nobayong totok.

TAWARIKH 2 9:27

Kon bonu in pinomarentaan i Salomo, saḷaka in inanggap bidon pakakat biasa kon Yerusalem, notongkaidon ná batu, bo kayu ḷokuyú in Libanon nobayongdon totok nádon kayu ara biasa.

AMSAL 10:22

Tongábí popisí in barakat i Tuhan dá intau in mobaḻí mooyúon; simiḷopí totok diábí mokodugang kon kaoyúonan.

YEHEZKIEL 26:12

Musungmu mita tatua in mogagowbí kon bayongan in kaoyúonan bo daganganmu. Mosia in morumbunbí kon dindingmu mita bo mogumpag kon baḷoimu mita inta mogaga totok. Gamáanbí monia in batunea mita, dopí mita bo butánea, bodongka pogambat kon bonu in dagat.

SAMUEL 1 2:7

Oyúon in intau in binaḻí-Nea nobiag nobogá, oyúon doman in binaḻí-Nea nobiag nooyúon. Oyúon in intau inta pinopoompá-Nea, oyúon doman in intau inta pinoḷantud-Nea.