TAWARIKH 2 32:18 - Alkitab Singog In Mongondow Masa In Tanaa

¹⁸ Totabá mita in Asyur tatua nopobaḷú in bayongan tua kon bonu in singog in Ibrani sin mopogogondok bo monginggamá kon barani in intau mita in Yerusalem inta kon tudu in dinding kotá, sinbá koagowan monia in kotá tatua takin diá moyoyiga.

TAWARIKH 2 32:18 ပူးပေါင်းရင်းမြစ်များ

NEHEMIA 6:9

Mosia in moḷongasi mopogogondok kon inami sinbá gogaiandon nami in oaidan tatua. Akuoi in nosambayang, “Oo Allah, iropotai in akuoi!”

YESAYA 36:13

Onda intua porwira moḷantud tatua in sinimindog bo nomaḷú kon bonu in singog in Ibrani, “Indongogaidon onu in pinoguman i datu in Asyur,

SAMUEL 1 17:10

Tanaa domandon mako, tontotanku in tontara in Israel; piḻídon in intau tobatú monayow kon inakó!”

SAMUEL 1 17:26

Bo ki Daud in noguman, “Mobaranibí totok in intau in Pilistin kaper tatua monontot kon tontara i Allah inta nobiag!” Onda intua noḻibó in sia kon tontara tobatú, “Onu in ogoi kon intau inta mokoḻimod kon intau in Pilistin tatua bo momopat kon tosingogon mopoonagmai kon Israel?”